MATIUS 24:49 - Nanduk Ngget Tul Pidnak Wene

⁴⁹ at-nen-e yabu misiget erep wanugwi anggamirak ereba na linggamburok ondosolat, anggut engen amburu ndonggosa nunggwi nap inmin-e nasolat, yi nasolat worasoma-ge,

MATIUS 24:49 ပူးပေါင်းရင်းမြစ်များ

NGGOMO WENE 23:20

Kar-e inndi nden kaso yi nunggwi nap min uno kasa leraben nunggwi nap min-e yagiga kundurak pug-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

YESKIEL 34:3

Nde, konlomba ereba agamo amburu-ge kir-et nonggolat, usu bem-e kit-nen yurugwi sum yakolat, lomba wam mondok nggog-e kit-nen wutluk nili-o. Alat nde, kit-nen-e lomba ereba-ge mondok ndigitli bug-o.

MIKA 3:5

Ennesiget Mbal Pem Nagawan ene lomboksa yugwi nap ereba-ge onggo wok ondogola-ge, ”Kir-e yamuksa woragub-o” luk wene yak ondogolat, nde, onggo wok indigit lak nab-e inmin sirid mbarogolat ereba kwat onpogolar-e, an nelem nap enmberam lali-o. Ennesiget Mbal Pem Nagawan ene lomboksa yugwi nap ereba nggal ereba na Nagawan Indo-nen yak ondogolar-e:

MATIUS 18:28

Iri luk, ndegel poso nap yu na mbiridnggal-e, at anggam yabu misiget erep wanoso nap misik iri na imin lid pid lug-e, at anggam na-ge at arengge namat wanidnag-e mariget nggal (seribu rupiah) wanidnak me, ap yu na-nen anggam iri na lombok tarik, urusu magosolat-nen yak tosolar-e: ’An narengge namat wanigen iri na-ge ndag-et nak uwi yagi-o’ luk yak tij-o.

MATIUS 24:48

Alat nde, ndegel poso nap meya kwaroso iri-nen-e at indi arem-nen perasolar-e: ’An neid iri-ge ndaget lobok yuwa bug-o’ luk,

MATIUS 24:50

’Jam iri bem wok ma-o’ peragit lak ma, at eid iri na mimo wok marig-e,

MATIUS 7:15

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o.

YOANES 2:10

yak tosolar-e: ”Ap pidsa-nen-e anggut engen amburu undu konak mende-ge nandug-et tembesa mak unduruk, inmbitsa nuruk woragola-nen we meya nggal-e abok nggwe-nen tumburugwi-o. Alat nde, anggut engen amburu undu konak yu-ge kar-e parugu woraigendik, yanem-et mak nundusu-o!” luk yak tij-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

1 PETERUS 5:3

Nde, kininggem pidnak nap iri na inmin-e kir-e nagawan nggal luk, kenne amawi min: ”Iri kwarer-o. Yu kwarer-o” yurak pug-o. Are, Mbal Pem Nagawan olomba mirik unpurak pem kit kenpage konak irit kwat mer-o.

YURAS 1:12

Kir-e kenggamirak inmin kondogolat-nen nunggwi mende nggok saguruk nonggola tarem it inmin nonggola-ge, it iri-ge innggiri lak kasa kasa nili iri-ge kik tak konpogolat, it ondomok nak nggok tak pili-o. Nde, obube-nen puk kaso nggan nggan-et nde, talme waruk lobok yoso buk nggan nggan nggal, e engen poso tarem-et nde, engen poso buk e nggal, elem konak pidnak ma mondok umbuk yidnak e nggal-et it-nen yili-o.

NAM PARA WENE 13:7

At iri-ge Mbal Pem Nagawan winde nap inmin wim mbatluk, it urugwe nggwe rak onposolat, ap enlem tak oboksa min ap unuwi nggweyak lombok woragwi min ap enne lombok min ap enlem oboksa min tena unpuruk wolmomtak amawi-ge at wok tij-o.

NAM PARA WENE 16:6

It iri-nen-e Mbal Pem Nagawan ilirak min Mbal Pem Nagawan ene lomboksa yugwi nap min eneyabi wirik pidnak me, yawo it-nen nujwakluk, kat-nen yabi mak indigen iri-ge it kwat unpurak ndag-et kwat inpigen-o!” luk yosola, kuligi-o.

NAM PARA WENE 17:6

Nde, an yik kaginggal-e, kwe iri na-ge Mbal Pem Nagawan ilirak min Yesus-ne yidnak yidnak kwarugwi bem-nen indidnak nap min eneyabi ndonggosa ninggidnak pem indi wawa yosola kagi-o. Nde, kwe iri na karug-e wir-o luk yigi-o.

1 SEMUEL 2:29

Iri yidnag-et nde, noluk-nen kar-e an nelem nap-nen an namanggim wam wosa pidnak ereba na yik karug-e, kebem-e lasu bug-o? Noluk-nen Eli kar-e an kek tak nuburak iri na keya buruk, kambararak nde kek tak onposolat, an nilirak-nen namanggim wosa pidnak ereba na oboksa-ge an-e abok tak nuburuk, uno konak ereba na-ge it enmanggim nak wanuwakluk kar-e larok nak yusu-o?