MATIUS 24:22 - Nanduk Ngget Tul Pidnak Wene

²² Nde, Mbal Pem Nagawan-nen iri kwarurak tarem-e poro rak pigit lak yid nggal-e, ap misiger-o luk tet imiri yigit lak yeleb-o. Alat nde, at-nen len inpidnak nap enmanggim-e iri kwarurak tarem-e poro rak puwa-o.

MATIUS 24:22 ပူးပေါင်းရင်းမြစ်များ

YESAYA 6:13

O siri iri me enpe sepulu woragwi-nen nde ereya na lak yogolat, misiget nak nde worala-ge, iri na lak tag-et pimin-o. E ndaridnag-et nde, undugul pem isit worasu iri na nggal it ap iri na enlem-e abok woragotlat, woma iri na-ge nandug-et tel korogolat Mbal Pem Nagawan ilirak marak irit kwat ma-o” luk yij-o.

MATIUS 22:14

Iri bem-e, ap kwarat wene mbo inpidnag-et nde, ab-e wonarak nak len unpusu-o” luk yij-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

MATIUS 24:31

Nde, posid poba nggulok na ene yosola-ge, at-nen-e at-nen idnak aid nap ereba wirik unpuwama-ge, at-nen len inpidnak nab-e nggweyak unggut empat nggwe-nen na, o nggweyak erep worok siyem min mbal erep woroksiyem min-nen na ndok worak unpuwa-o.”

MARAKUS 13:20

Nde, Nagawan Indo-nen iri yurak tarem nde poro rak pigit lak nggal-e, ap misiget tet imiri yelep pug-o. Alat nde, at indi-nen len inpidnak nap enmanggim-e iri yurak tarem-e poro rak pij-o.

LUKAS 18:7

Nde, at lenak inpidnak nab-e kubu-nen lengge-nen at emengen mbal tenak wolma nap iri-ge Mbal Pem Nagawan-nen wene kona wok unduwa buk kali-a? It yongga ondosolar-e, ndan-et yongga unduwa nde kali-a?

OROMA 9:11

Li ap ereya ndesa na mbigit lak ma, it-nen-e konak min meya min mondok kwarigit lak ma-net Mbal Pem Nagawan-nen it iniya yak tosolar-e: ”Owe-ge owot ndegel oboso nab-et ma-o” luk yak tij-o. Iri yid iri-ge yu bem-nen yij-o. Mbal Pem Nagawan-nen ap len onposolar-e, it-nen kwarugwi bem len onposo-ge lag-o, Are, Mbal Pem Nagawan at indi-n pidnak pem-et ap wene mbo unpuruk, len onposo-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

1 PETERUS 1:1

Yesus Kerisut-nen wirik nibidnak nap Peterus an-nen-e Mbal Pem Nagawan-nen len kinpidnak nap, ap ennggenggerak sit mbit tak, o Pontus min Nggalatia min Kaparokia min Asia min Mbitinia min worali nap kit kenmanggim engga yu mbarusu-o.