MATIUS 23:8 - Nanduk Ngget Tul Pidnak Wene

⁸ Alat nde, Mul Kondoso Nab-e misiget nak worasu, nde, kit oboksa-ge owe owot-net yili me, kit kinmin-e ’Mul Nondoso Nab-o’ luk yak kundurag-e meya-o.

MATIUS 23:8 ပူးပေါင်းရင်းမြစ်များ

MATIUS 10:25

Iri ala-ge, mul tidnak nap iri na-ge at mul toso nap nggal ndak ndak kwat yidnak ala-ge, ndag-er-o. Nde, ndegel poso nap na irit, at ndugurusu nap nggal ndak ndak kwat yidnak ala-ge, ndag-er-o. Nde, o winde na unu nde ’Mbelsebul-o’ luk yugwi ala-ge, at ama woragwi oboksa na iri nggal-et unnu-ge meya lombok yuwa-o.”

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 23:10

Nde, tu lit keneyaso nab-e Kerisut misiget nak me, kit kinmin-e ’Tu Lit Neneyagwi Nab-o’ luk yak kundurag-e meya-o.

MATIUS 23:7

onggo wanugwi sa-nen ap-nen kirip koropsa wa yak undurak nak yogolat na, it inmin-e ’Mul Ondoso Nab-o’ luk yak undurak iri nak indingen kagwi-o.

MATIUS 26:25

Yosoloma-ge, at wesel uburak nap Yuras na-nen yosolar-e: ”Nggomo Nondoso Nap wa-e. An nde yigen, lak?” luk yosoloma-ge, Yesus-nen wene erep nggarosolar-e: ”Kat yigen irir-o” luk yij-o.

MATIUS 26:49

Yuras na-ge ndag-et nak Yesus eram mberarak, at yak tosolar-e: ”Nggomo Nondoso Nap wa-e. Nap wa-o” luk paluksa wa yak tij-o.

MARAKUS 10:51

Mborosola-ge, Yesus-nen at yak tosolar-e: ”An-nen no kwat kuburak perasu-o?” luk kin wok obosoloma-ge, ap erengen ngguru-nen yosolar-e: ”Nggomo Nondoso Nap wa-e. An nerengen-nen kudtak irit nindingen-o” luk yij-o.

MARAKUS 11:21

Karug-e, Yesus-nen e iri yak tid wene na Peterus-nen yebet karuk, Yesus tak tosolar-e: ”Nggomo Nondoso Nap wa-e. Kat-nen imbiri lamut tak pigen e ara na-ge umbuk le yamu yu ki-o!” luk yak tij-o.

MARAKUS 14:45

Iri luk, Yuras na lobok yosolar-e, ndag-et nak Yesus eram lobok luk, at yak tosolar-e: ”Mul Nondoso Nap wa-e” yurug-e, paluksa tenaburuk wa yak tij-o.

MARAKUS 9:5

Eneyarug-e, Peterus na-nen Yesus yak tosolar-e: ”Nggomo Nondoso Nap wa-e. Nir-e yu me worali yu-ge konak lombog-o. Nde, o lije kenan wuruwog-o. Misig-e kat kirit, misig-e Musa irit, misig-e Elia irit wuruwog-o” luk yij-o.

LUKAS 22:32

Alat nde, Simon wa-e. Kat kindi angin tubu yigen iri-ge tugup lak woranokluk, an-e kat kamanggim tepan yigi-o. Nde, kar-e tuguruk an neram lobok yugundig-e, kat kanggamirak na inndi eyak wurugun na-e” luk yak tij-o.

YOANES 1:38

Imbirik mborogola, Yesus na nden kaga yik eneyasolat-nen kin wok onposolar-e: ”Li yu-ge wa-e. Kir-e no kore yil lobok yili-o?” luk yosoloma-ge, it-nen yogolar-e: ”Rabi wa-e. Kar-e ngge me woraso-o?” luk yiga-o. (Nde, Rabi iri-ge Mul Ondoso Nab-o yogolar-o).

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 11:8

Yak ondosoloma-ge, it-nen at yak togolar-e: ”Mul Nondoso Nap wa-e. Yawuri nap-nen tono-t kerep pem kuruwokluk yiga na-t nde, tuguruk iri na me-t mburugun-a?” luk yak tiga-o.

YOANES 20:16

Yak tosoloma-ge, Yesus-nen kwe na yak tosolar-e: ”Maria-o” luk yak tosoloma-ge, kwe na-ge at ambigit nggwe nden karuk, Iberani wene bem-nen at yak tosolar-e: ”Arabuni” yij-o. (Iri-ge Mul Nondoso Nab-o yosolat-nen yij-o.)

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 3:26

Alama-ge, ir-e Yoanes eram mbirigarik, at yak togolar-e: ”Mul Ondoso Nap wa-e. Yi Yorodan eyak ele bem kimin woragaid nap, kat-nen mirik ninpigen nap iri na kar-e yeberak worasu, lak? Nde, ap iri na-ge yawo ap yi ma onposola, ap pidsa-nen at eram mbitli-o” luk yiga-o.

YOANES 4:31

Nde, ap ereba na Yesus eram lobok yogola-ge, at owosirak-nen Yesus yak togolar-e: ”Mul Ondoso Nap wa-e. Mburu yu min-o!” luk yak tiga-t nde,

YOANES 6:25

Ogore yi koma eyak ele bem ndil ligarig-e, ap ereba na-nen Yesus karuk, at yak togolar-e: ”Mul Ondoso Nap wa-e. Kar-e mepme tarem-nen yu me lobok yigendig-o?” luk yak tiga-o.

YOANES 9:2

Nde, at owosirak-nen at kin wok obogolar-e: ”Mul Nondoso Nap wa-e. Ap yu erengen ngguru ndet yid yu-ge ta-nen meya yidnak pem-nen kwarij-o? At ambik meya yidnak pem, lak? Are, at eid ija-nen meya yidnak pem-a?” luk kin wok ibiga-o.

2 KORINTUS 1:24

Nit-nen-e: ”Kinndi angin tubu yili iri na, yu nggal, iri nggal” yak kundul pug-o. Kit kinndi angin tubu yidnak pem-net mondok tugup lak worali-o. Are, kit kenalin kenalen worabok-nen yongga kindili-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

EPESUS 3:15

Nde, aid arem woragwi enlem na irit, nggweyak ma yu me woragwi enlem na irit, it pidsa unnu-ge Nineid na-nen nak yaroso-o.

PILEMON 1:16

Nde, yawo-ge are kat ndegel koboso nap nag-e lag-o. Are, Kerisut ebem kat kowot abuwa worak kwat yidnak-nen yusu-o. La iri-ge an-nen abuwa kwarat kasu-o! Nde, an-e abuwa kasu-t nde, kat ndegel koboso bem na, Nagawan Indo ebem-nen kat kowot yidnak pem na, kar-e abuwa kwarat kagun-o.

YAKOBUS 3:1

Nanggamirak wa-e. Kit kennggendumu ap kwarat-nen ap mul undugwi nap yurak nak yili-ge meyog-o. Ap erep enpem-e wene te-t mbaruwa-t nde, nit mul undugwi nap nenpem-e, wene angin worag-et mbaruwa-ge kenaru nar-o.

1 PETERUS 5:3

Nde, kininggem pidnak nap iri na inmin-e kir-e nagawan nggal luk, kenne amawi min: ”Iri kwarer-o. Yu kwarer-o” yurak pug-o. Are, Mbal Pem Nagawan olomba mirik unpurak pem kit kenpage konak irit kwat mer-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

NAM PARA WENE 22:9

at-nen an yak norosolar-e: ”Kar-e an nerembel wanurak pug-o. Mbal Pem Nagawan nak erembel wani-o. An na at ndegel oboso nap kat min kanggamirak Mbal Pem Nagawan ene lomboksa yugwi nap ereba min engga yu arem mbarak worasu wene ereba kwara wonatluk yidnak yidnak kwatli nap oboksa min ndak ndak at ndegel oboso nap-net yusu-o” luk yak nirij-o.