MATIUS 23:4 - Nanduk Ngget Tul Pidnak Wene

⁴ It ereba-nen-e angin worak mende nggetla ap endak pem pili-t nde, ap yongga ondogolar-e, it ininggi misiger-o luk tet tena bili bug-o.

MATIUS 23:4 ပူးပေါင်းရင်းမြစ်များ

YESAYA 46:1

Mbabilonia nap-nen erembel wanugwi kugwiwak ereba na lak yi-o. Nandug-e unkugwiwak Mbel min Nebo min erembel wanugwi-t nde, yawo-ge kelerai wam ababok lak ereba na ebem angin tak pogolat, ombolwak pem yatku pili-o.

MATIUS 23:23

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e lawet min kwendet min nunggwi mende undu worak tak pugwi engga pidsa wonatluk, enggep lombok karetkwe-nen yidnag-e Mbal Pem Nagawan amanggim pili-t nde, imiri mbarak pidnak wene nggulog-e yu nde keya bili-o: lud tak nak kwarugwi min ap unpud kagwi min mot mot-et kwarugwi min irit keya bili-o. Nde, lud tak nak kwarugwi min ap unpud kagwi min mot mot-et kwarugwi min kwarogolat nggal-e, erep na min-et kwarogolat woraleb-o.

MATIUS 23:3

Iri bem-e, kit-nen-e it-nen yak kunduwa wene-ge mondok kwarurag-o. Nde, it-nen yugwi wene na mondok kulurag-et nde, it-nen kwarugwi iri perak nde kwarurak pug-o. It ereba-ge it ondomok-nen yugwi wene iri na kwatli bug-o.

LUKAS 11:46

Yosoloma-ge, Yesus-nen yosolar-e: ”Imiri mbarak pidnak wene mul undugwi nap wa-e. Kit na irit kenpem mbuma bem-e kenabuwa-o! Kit-nen-e angin worak mende-t nde, ’Kwarurag-o’ luk ap enpem pili-t nde, it-nen kwaruwakluk marig-et ter-o luk yongga indili bug-o.

YIDNAK YIDNAK WENE 15:10

Iri ala-ge, angin worak mende iri-ge nit nenlawingga-nen na, nit-nen na kud turag-e meya na-t nde, kir-e noluk-nen Mbal Pem Nagawan indi ngarogolar-e, angin worak mende iri-ge Yesus ene wanugwi nap enpem pugub-o?

YIDNAK YIDNAK WENE 15:28

Konak Indi-nen na irit, nit-nen na irit peragolar-e, mondok kwarurak mende yu worala, nit-nen-e angin worak mende kenpem pul-o luk.

NGGALATIA 6:13

Nde, it iniye ambasap wabidnak nap-nen-e imiri mbarak pidnak wene-nen yidnak yidnak nak kwarugwi-ge lag-et nde, kit kiniye ambasap waburak wene yili iri-ge we kit kenaboro mbaridnak pem it inndi kek tak puwokluk-nen yili-o.

1 YOANES 5:3

Mbal Pem Nagawan abuwa kagolar-e, at-nen yidnak yidnak nak kwarurag-o. Nde, at-nen: ”Iri kwarer-o” yak nindidnak wene iri-ge nit nenmanggim-e angin worag-e lag-o.

NAM PARA WENE 2:24

Alat nde, kit Tiatira woragwi nap erep-nen-e mul ondoso wene meya iri na wanigit lak yogolat, Sere wene owak iri na kenaru yigit lak yigeb-o. Nde, iri yigep pem-e, kit angin tak kunpurak mende kenpem pimin pug-o.