MATIUS 23:34 - Nanduk Ngget Tul Pidnak Wene

³⁴ Iri bem-e, kwara koler-o. An-nen-e Mbal Pem Nagawan ene lomboksa yugwi nap nde, inndi nggat nggat worak nap nde, mul kundurak nap nde kendam inpil lobok yimin-et nde, kit-nen kwat onpogolar-e, ereb-e ondogolat, ereb-e e lang pang tak pem panggarak onpogolat, ereb-e kit tepan yugwi ma-nen lel mberel onpogolat, langgal unpuruk o siri misik me-nen o siri nin me mborogolat kwat unpugub-o.

MATIUS 23:34 ပူးပေါင်းရင်းမြစ်များ

YEREMIA 26:8

Nagawan Indo-nen nebem pid iri na oboksa yak unduruk, ndong yosola ereya na-net it ereba na-ge enne nggasilek luk, an tena nobogolat-nen yogolar-e: ”Kar-e kuruk wolmomtag-e mondok lag-o!

YEREMIA 36:26

Alat nde, nagawan iri na-nen-e at ambara Yeramel min Asiriel ambara Seraya min Apndel ambara Selemia min enpem posolar-e, an min an-nen idnak engga mbaroso Mbaruk min tena nunpurak yak indij-et nde, Nagawan Indo-nen kura ninpij-o.

MATIUS 10:23

Nde, o siri misik me-nen lel mberel konpogola-ge, o iri me keya buruk, o siri nin me mberer-o. An-nen yak kendeyeg-o: Kir-e Isarael nap unuwi siri oboksa awo iniyil nigit lak ma, Ap Ambara na lobok yuwa-o.

MATIUS 13:52

Yogolikma-ge, at-nen it yak ondosolar-e: ”Iri ala-ge, engga aru nab-et nde, Mbal Pem Nagawan-nen tenagaidnak wi wene wanoso nap kwat yosolar-e, o winde-nen at-nen ndok worak poso sa iri arem-nen at arengge ngget mende nde obi mende nde wirik poso iri nggal-nen yusu-o” luk yij-o.

MATIUS 23:31

Iri nggal yogolar-e, kit na kit-net kinmin para yogolar-e: ’Nir-e Mbal Pem Nagawan ene lomboksa yugwi nap indiga nap inlirak-net yili-o’ luk para yili-o.

LUKAS 24:47

Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

YOANES 16:2

Nde, tepan yugwi ma-nen abu abu wirik kunpuwa-o. Nde, kit kunduwa nap-nen peragolar-e: ’An-e Mbal Pem Nagawan eyabu wanusu-o’ luk yurak tarem-e panggo yuwa-o.

YOANES 20:21

Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 11:27

Ereya tarem-e Mbal Pem Nagawan ene lomboksa yugwi nap ereb-e Yerusalem-nen Antiokia mbiga-o.

YIDNAK YIDNAK WENE 12:2

At-nen-e Yoanes owot Yakobus iri-ge yalawi bem urusu mbarij-o.

YIDNAK YIDNAK WENE 13:1

Antiokia-nen-e lambuk tak inpidnak nap ennggendumu-ge Mbal Pem Nagawan ene lomboksa yugwi nap min ap mirik unpugwi nap min woraiga-o. Iri yidnak nap unu-ge Mbaranabas min Simeon na unu misig-e Niget min Koreni nap unu-ge Lukius min Manaen min Saulus min irit woraiga-o. Nde, Menaen iri-ge Nagawan Erores eid-nen nggwel pidnak nap irit woragaij-o.

YIDNAK YIDNAK WENE 14:19

Alat nde, Yawuri nap ereb-e Antiokia min Ikonium min woragwi nap wok yogolar-e, o iri nap kwarat ereba na enarem worakola, it enambigit yogolar-e, Paulus-e kerep pem wutlug-e, ”Wat yamu-o” perarug-e, lit kuruk o siri leget ombol nggwe pil mbiriga-o.

YIDNAK YIDNAK WENE 15:32

Nde, Mbal Pem Nagawan ene lomboksa yugwi nap Yuras min Silas min-nen-e ennggamirak tak inpidnak nap na nggomo ondogolat, indi wi ya bogolar-e, kwarat woraiga-o.

YIDNAK YIDNAK WENE 5:40

Wanurug-e, wirik inpidnak nap na yonggo unpuruk, linggamburok unduruk, enne amawi min watsa yak ondogolar-e: ”Yesus unu bem-e ap nggomo undurak pug-o” yak unduruk, wirik inpiga-o.

1 KORINTUS 2:6

Irit nde, nir-e indi tenggerak wene iri inndi amburu mbarak nap yak indili-t nde, nggweyak ma nap inndi tenggerak elem pem na yak indigit lag-et, o tena worali nagawan nagawan iri-ge lak tak unpuwa nap iri na inndi tenggerak elem pem na yak indili bug-o.

1 KORINTUS 3:10

Mbal Pem Nagawan-nen we wok ondoso elem iri wok niridnak pem-e o kona woroso aru nap-nen woroso nggal an-nen-e o paro pigi-o. Nde, o paro pigi na bem-e ap misik-nen o wurusu-o. Alat nde, o enarik tak worogolar-e, indi lid puruk-net o wuruwag-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

1 TESALONIKA 2:16

Inmiri yurak wene-ge nit-nen enlem nin nap yak unduwa naru, it Yawuri nap-nen larok tak nunpuwokluk yiga-o. Iri nggal kwarogolar-e, it meya yidnag-e mondok kwarat ligik piga-o. Nde, yawo-ge Mbal Pem Nagawan isilepma-ge it enpem mondok pil mbuwasu-o.

IBERANI 11:37

Nde, ap ereb-e kerep pem ondogolat, ereb-e nggere nggere bem mbal onpogolat, ereb-e yalawi bem mondok ondogolat yiga-o. It na waring kagolar-e, unsum-e lomba wam aboro min kambing wam aboro min yorogolat, ontol lak nap yogolat, lel mberel onpogolat, andi bandi rak onpogolat kwat onpogola, waring kaiga-o.

NAM PARA WENE 11:10

Nggweyak ma woragwi nap-nen-e Mbal Pem Nagawan-nen yidnak wene yugwi nap mberen iri wat yidnak pem enalin enalen kujwa-o. Mbal Pem Nagawan ene lomboksa yugwi nap mberen iri-nen-e nggweyak ma woragwi nap oboksa enpem andi bandi mende pidnak me, ir-e kijik kijak worogolar-e, it insilobulo-ge we wok kerak mbuwa-o.