MATIUS 23:14 - Nanduk Ngget Tul Pidnak Wene

¹⁴ Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kit-nen-e nanongga kweyap togwe unuwi na yariya wanogolat ereya na-net ap-nen op-net yili-o yuwaklug-e, tepan mot pare yili-o. Iri bem-e kit kenpem wene mbarosolar-e, angin worak mende kwarat kenpem puwa-o!]

MATIUS 23:14 ပူးပေါင်းရင်းမြစ်များ

AYUP 31:16

An-e enlengenma lak nab-e yongga undurak nisili-o luk keya onposo bug-o. Kweyap togwe na indi kabak yidnak woragola, keya onposo bug-o.

MBIRIGA WENE 22:22

Kir-e kweyap togwe min li mul ineid lak iniya lag-e lel unpurak pug-o.

MATIUS 11:24

Alat nde, an-nen yak kendeyeg-o: Ap pidsa enpem wene mbaruwa tarem-nen-e Sorom nap enpem wene te-t mbaruwa-t nde, kit kenpem-e angin worag-et mbaruwa-o” luk met inpij-o.

MATIUS 23:13

”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

MATIUS 23:33

Kit waro-nen wigarak waro yu-ge wa-e. ’Kan mare arem nggugub-o’ luk kenpem mbarak pidnak wene inggem-nen nggesa mengga mburugub-o?

MARAKUS 12:40

It-nen kweyap togwe enmberam lagolar-e, it unuwi mengga wanogoluk, it meya yidnak iri na lumurogolar-e, tepan mondok mot lit karuk mburugwi-o. Nde, iri kwatli nap iri-ge angin worak mende mondok enpem puwa-o” luk yij-o.

LUKAS 12:48

Alat nde, ndegel oboso nap-nen-e at eid indi-n pidnak mende aru buk me, nggambu andi warat kudtak mende nde kwarosola-ge, nggambu andi marik nggal kujwa-o. Ta-nen nde kwarat at inggem pidnak nap ebem-e at-nen kwaridnak iri-ge mondok kwarat lumbunuwa-o. Nde, ’At yu ndak-net yusu-o’ luk eberaidnak nap ebem-e at-nen kwaridnak iri lombonosolar-e, ija-t kwaruwa-o” luk yij-o.

LUKAS 20:47

It iri-ge kweyap togwe na onmbol pem lagolat, it unuwi mengga wanugwi-o. Nde, it-nen meya kwarugwi na lumurogolar-e, ir-e tepan mot pare lit karuk mburugwi-o. Iri kwatli iri-ge it enpem-e wene angin worag-et mbaruwa-o” luk yij-o.

2 TIMOTIUS 3:6

It ennggendumu ap erep-nen-e ap enma ya nggwilik nogolar-e, meya yurak inndi te yidnak kwami, it meya yidnak mondok kwarat-nen tebel inpidnak kwami, it-nen ukwe peraidnak nin tak nan tak kobong tak pidnak kwami ereba na enare puwokluk ya nggwilik nili-o.

TITUS 1:10

Ap kwarat-nen yidnak yidnak kwarigit lak yili-t nde, it ennggendumu ap kwarar-e it Yawuri nap iniye ambasap wabugwi wene tena woraiga nap irir-o. It-nen yugwi ebe lak wene iri na-nen-e ap ereb-e kabak tak inpili-o.

YAKOBUS 3:1

Nanggamirak wa-e. Kit kennggendumu ap kwarat-nen ap mul undugwi nap yurak nak yili-ge meyog-o. Ap erep enpem-e wene te-t mbaruwa-t nde, nit mul undugwi nap nenpem-e, wene angin worag-et mbaruwa-ge kenaru nar-o.

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.