MATIUS 23:13 - Nanduk Ngget Tul Pidnak Wene

¹³ ”Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kir-e ap enabuwok Mbal Pem Nagawan-nen tenagaidnak wi tumende nggela labuk yili-t nde, kit-nen nggugwi na lak, nde, nin nap-nen ngguwokluk yidnag-et nde, kit-nen tu nggela labuk yili-o. [

MATIUS 23:13 ပူးပေါင်းရင်းမြစ်များ

YESAYA 33:14

Nde, meya yugwi nap Sion woragwi nap-nen kwiye-nen lele yogolat-nen yogolar-e: ”Mbal Pem Nagawan-nen nggaruksa mbaroso wene-ge kan amare pempa lasolat nak woraso iri na nggal-nen yusu-o. Nde, nit nennggendumu-nen-e lak tak poso kanduk iri arem-et lembe luk wolmomtag-e ndag-er-a?” luk yili-o.

MATIUS 23:16

Ap ininggi waruk nugwi kenlengen ngguru wap wa-e. O, kenabuwa-o! Kit-nen yogolar-e: ’Ap-nen-e Mbal Pem Nagawan ama-o luk owak mbarogola-ge, owak mbaridnak iri-ge ebe lag-o. Alat nde, ap-nen-e Mbal Pem Nagawan ama woraso emas iri bem-nen owak mbarogola-ge, owak mbaridnak iri na-t wolmag-o’ luk yugwi-o.

MATIUS 23:23

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e lawet min kwendet min nunggwi mende undu worak tak pugwi engga pidsa wonatluk, enggep lombok karetkwe-nen yidnag-e Mbal Pem Nagawan amanggim pili-t nde, imiri mbarak pidnak wene nggulog-e yu nde keya bili-o: lud tak nak kwarugwi min ap unpud kagwi min mot mot-et kwarugwi min irit keya bili-o. Nde, lud tak nak kwarugwi min ap unpud kagwi min mot mot-et kwarugwi min kwarogolat nggal-e, erep na min-et kwarogolat woraleb-o.

MATIUS 23:25

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e kinidmbe nde kinpiring nde ombol nggwe mondok kona matli-t nde, arem nggwe-ge yariya ap enarengge mengga wanugwi min kit kondomok ukwe ukwe yugwi min-nen kobong tak worasu-o.

MATIUS 23:27

Kenesiget siget kwarugwi nap kit imiri mbarak pidnak wene kenaru nap min Parisi min wa-e. O, kenabuwa-o! Kir-e ap yapma inpidnak sa arem-e ap onowak nggilarak min emben to rak mende min worala-t nde, ombol nggwe umuruk nak loro ndarak me, konak yik kagwi iri nggal kit-nen yili-o.

MATIUS 23:29

”Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e Mbal Pem Nagawan ene lomboksa yugwi nap yapma inpidnak sa mondok konak nak konogolat, lud tak nak woragwi nap enmanggim mendak pidnak kerep na umuruk pogolat-nen

MATIUS 3:7

Nde, Yoanes-nen it yikeneyagaidnggal-e, Parisinap nde, Saruki nap nde kwarat at-nen yi ma unpuwakluk at eram lobok yogola, at-nen yak ondosolar-e: ”Kit waro-nen wigarak wa-e. Mbal Pem Nagawan isilepma abok kenpem mbosola, inggem-nen mengga mbururag-e ta-nen yak kindij-o?

LUKAS 11:52

Imiri mbarak pidnak wene mul undugwi nap kenpem mbuwa mende bem kenabuwa-o! Enaru yugwi mende tu imij-e kit-net parugu worali-t nde, kir-e ngguruk enaru yugwi mende na kore yurag-e kinsili yogolar-e, it ngguwokluk yidnak nap na enambigit tu nggela labuk yili-o” luk yij-o.

YOANES 9:22

It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:

YOANES 9:24

Iri yogola-ge, ap nanduk erengen ngguru woragaid na tuguruk wene mbo uburuk-nen at yak togolar-e: ”Kar-e Mbal Pem Nagawan imbiri bem-e ndemeret lud tag-et yi-o. Ap iri-ge nir-e nenaru-o. Meya yoso nap-net yusu-o” luk yak tiga-o.

YOANES 9:34

Yak ondosoloma-ge, it-nen at yak togolar-e: ”No yusu-o? Kar-e ndesa mbosolat-net meya kobong tag-et ndesa mbigen yu-net nde, nit nggomo nundusu-a?” yak turuk, ”Kar-e Mbal Pem Nagawan ama kar-e nggumomtag-e lag-o” luk langgara wirik piga-o.

YIDNAK YIDNAK WENE 13:8

Alat nde, Elimas iri-ge o iri nagawan-nen Yesus ebem indi angin tubu yuwa naru-nen mberen nap iri na tu nggolosolat woragaij-o. (At unu Elimas iri-ge Yunani wene bem-e kwal ombo yogolar-o.)

YIDNAK YIDNAK WENE 5:28

At-nen yosolar-e: ”Nit nenne amawi min watsa yak kondogolar-e: ’At unu iri bem-e ap nggomo undurak pug-o’ luk yak kindige-t nde, kir-e ngge kwarigeb-o? Kit-nen yili wene-ge o Yerusalem wigak tak pigeb-o. Nde, ap iri eyabi-ge nit nenpem puwokluk-nen yili-o” luk yak indij-o.

YIDNAK YIDNAK WENE 5:40

Wanurug-e, wirik inpidnak nap na yonggo unpuruk, linggamburok unduruk, enne amawi min watsa yak ondogolar-e: ”Yesus unu bem-e ap nggomo undurak pug-o” yak unduruk, wirik inpiga-o.

YIDNAK YIDNAK WENE 8:1

Ereya tarem-e Yerusalem-nen lambuk tak inpidnak nap lel mberel unpugwi tel korogolar-e, it pidsa na ndi rak onpogolar-e, Yurea wi min Samaria wi min ndi rak inpiga-o. Nde, wirik inpidnak nap nak perak nde iri me woraiga-o.

2 TIMOTIUS 3:8

Yanes min Yamberes min-nen Musa-nen yidnak wene eyak wiriga nggal, iri nggal-et ap iri kwarugwi na-nen ndemeret wene na eyak witli-o. Iri kwatli nap iri-ge inndi yebet kagwi na lak yidnak me, it inndi angin tubu yidnak na mborok tak pili-o.

2 TIMOTIUS 4:15

At iri-ge nit-nen yugwi wene-ge kwarat eyak woroso me, at imin-e kwara woragun na-e.