MATIUS 22:3 - Nanduk Ngget Tul Pidnak Wene

³ Saga buruk, at ndegel ubugwi nap wirik enpamu, it yonggo inpidnak nap na wene mbo inpiga-t nde, it-nen nil lobok yurag-e larok yiga-o.

MATIUS 22:3 ပူးပေါင်းရင်းမြစ်များ

YESAYA 30:15

Nagawam Indo Mondok Kek tak, Isarael nap Enmbal Pem Nagawan mondok marak iri na-nen at ilirak yak ondosolar-e: ”Kir-e meya kwarugwi keya buruk, wene lak kindiyabu wolmer-o. Iri kwarogola-ge, an-nen kinmiri-t yimin-o. Kit-nen nde yamuksa-t woragolat an nebem-et kinndi wat tak puruk woragola-ge, an-nen amawi rak kunpurak worala-t nde, kit-nen-e kinsili yili-o” luk yak indij-o.

OSEA 11:2

Alat nde, an nambara iri-ge wene mbo obosola-t nde, ar-e nuruk nuruk nde mborosolat woraso-o. Nde, ar-e kugi Mbaal amanggim wam wosa kan posolat, kugwiwak erep ereba na amanggim emben konak mende kan posolat woraso-o.

OSEA 11:7

Ir-e mondok an keya nuburak lembe yili-o. Ir-e anggun panggun tak onpogola, ’Yongga nundurag-o’ luk enne mbo yuwa-t nde, ap mbi-nen yongga unduwa bug-o” luk yij-o.

MATIUS 21:34

Mberarik worasoma-ge, anggut engen ogore yosoma mbarugwi tarem panggo yosola-ge, yabu winde na-nen at ndegel pugwi nap wirik onposolar-e, at amanggim pidnak engen wok unduwakluk, it parugu worali nap endam wirik inpij-o.

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 9:15

Kin wok obogolikma-ge, Yesus-nen it yak ondosolar-e: ”Kwe wanurak nap iri na anggamirak-nen-e kwe wanurak nap na it inmin worasola-ge, inndi puru pera yugwi-a? Mondok lag-o! Alat nde, kwe wanurak nap na it ennggendumu-nen wok uburak tarem wok yosola-n perak nde mburu ninggit lak, we wolma-o.

LUKAS 13:34

Yerusalem wa-e. Yerusalem wa-e. Mbal Pem Nagawan ene lomboksa yugwi nab-e kat-net ondosolat, Mbal Pem Nagawan-nen keram wirik inpil lobok yidnak nap na kerep pem-nen ondosolat yoso-o! Towe wam-nen at amarig-e eraplabe-nen yomondoso nggal, iri nggal-et kwarat pem kat-nen idnak nap na ndok wat enpeyekluk yigi-t nde, ’Nimbir-o’ yigen-o.

LUKAS 15:28

Yosoloma-ge, owe na isilepma kwarat luk, o ma nggurak larok yosola-ge, eid na warik, ’Ma nggwi-o’ luk emengen mbarij-o.

LUKAS 19:27

Nde, an nimin wim nap an it ennggendumu nagawan wolmomtak insili yiga nap iri-ge wok unpuruk lobok luk, an nimbiri bem pidsa ender-o’ ” luk yij-o.

YOANES 5:40

unlug-et wolmomtak elem wanuwokluk an neram lobok yurag-e kinsili yili-o.

YIDNAK YIDNAK WENE 13:45

Ndok worogola-ge, it Yawuri nap-nen ap kwarat ndok wiridnak karug-e, enlengen ale yogolat-nen Paulus-nen yidnak wene eyak worogolat, mbilaro ngin tak piga-o.

OROMA 10:21

Nde, Mbal Pem Nagawan-nen Isarael nap inmin yidnak Yesaya-nen yosolar-e: ”An ninggi-ge it enambigit nggwe pempa sambok tenak woragi-t nde, ir-e inndi amawi, eneyanggo lak wene tarugwi-o” luk yij-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.