MATIUS 22:19 - Nanduk Ngget Tul Pidnak Wene

¹⁹ Iri mende pugwi kerep tol misik an kayek-nen nuk ker-o” luk yosoloma-ge, it-nen-e kerep tol misik wok togola,

MATIUS 22:19 ပူးပေါင်းရင်းမြစ်များ

MATIUS 17:25

Yogolikma-ge, Peterus-nen wene erep nggarosolar-e: ”Eyo posor-o” yij-o. Yak ondosoluk, o ma nggosoma-ge. Yesus nanduk-nen at yak tosolar-e: ”Simon wa-e. Kat kindi-nen ngge perasu-o? Nggweyak ma nap nagawan nagawan-nen tarak enpem-nen tol mengga wanogolat, enanggul wonaridnak tol mengga wanogolat yili-a? It inlirak enpem, lak? Are, ap sal enpem, lak?” luk yak tij-o.

MATIUS 18:28

Iri luk, ndegel poso nap yu na mbiridnggal-e, at anggam yabu misiget erep wanoso nap misik iri na imin lid pid lug-e, at anggam na-ge at arengge namat wanidnag-e mariget nggal (seribu rupiah) wanidnak me, ap yu na-nen anggam iri na lombok tarik, urusu magosolat-nen yak tosolar-e: ’An narengge namat wanigen iri na-ge ndag-et nak uwi yagi-o’ luk yak tij-o.

MATIUS 20:2

Mberarik, yabu winde iri-nen it inmin wene mbarosolar-e: ’Yabu wanugup onggo-ge misiget tarem wanidnak pem-e tol misiget irit wok kindimin-o’ luk yak ondosoloma, it-nen-e ’Ob-o’ yogola karuk, yabu wil mburuwakluk ndimirik inpij-o.

MATIUS 22:18

Yogolikma-ge, Yesus na it inndi-n perali meya iri na aru me, it yak ondosolar-e: ”Kenesiget siget kwarugwi nap wa-e. Kir-e noluk-nen an nindi ngatli-o?

MATIUS 22:20

at-nen it yak ondosolar-e: ”Tol yu bem-e ta erare ndak worak nde, ta unu mbarak nde worasu-o?” luk yij-o.

MARAKUS 12:16

Yak ondosoloma-ge, kerep tol mbi pil lobok yogolikma-ge, at-nen it kin wok onposolar-e: ”Tol yu ebem-e ta amorok ndak worak min ta unu min mbarag-o?” luk kin wok onposoloma-ge, it-nen yogolar-e: ”Kaisar-o” luk yiga-o.

NAM PARA WENE 6:6

Nde, an kuliginggal-e, ene misik ap enne nggoksa yugwi nggal untugup worak mende empat ereya na enggenggerak-nen yosola kuligi-o. Nde, ene iri-nen yosolar-e: ”Yabu misiget pem wanidnak onggo-ge gandum yimbe misiget pem waga wok undurag-o. Nde, yabu misiget pem wanidnak onggo-ge mbato yimbe kenan pem waga wok undurag-o. Alat nde, saitun amburu min anggut engen amburu min-e meya rak purak pug-o” luk yij-o.