MATIUS 22:17 - Nanduk Ngget Tul Pidnak Wene

¹⁷ Iri bem-e, wene yu bem kat kindi-n perasu iri yak nindi-o: Nit-nen-e Kaisat amanggim tol purag-e op, lak ngge-o?” luk yiga-o.

MATIUS 22:17 ပူးပေါင်းရင်းမြစ်များ

ESERA 7:24

Kit-nen-e tepan ombo min Lewi nap min ndawi yugwi nap min Mbal Pem Nagawan uwi tumende pak tak woragwi nap min iri me yabu wanugwi nap min iri-nen Nagawan Indo uwi iri me yabu wanugwi nap erep min enpem-e pemerinta enmanggim purak tol puwakluk, mondok nggi yurak pug-o.

NEMIA 9:37

Nggweyak yu-nen wirik poso mende oboksa-ge enlem nin nap nagawan nagawan o tena woragwi ereba na mondok wok indili iri-ge nit-nen kat kimin meya kwatli iri na onggo-t enmawi worak nagawan ereba-ge kat-nen kilirak tena unpuruk wolmakluk lenak inpigen-o. Nde, it-nen nit tena nunpuruk woragolar-e, nonowam min nit nenpe min kwat nonpogolar-e, we it inndi-n pidnak ereba nak kwat ninpili-o. Iri nggal kwat nonpogolat, nir-e mangonokma nggal woragolat, ninndi puru yogolat, yani yane worogolat worali-o!” luk yiga-o.

MATIUS 17:25

Yogolikma-ge, Peterus-nen wene erep nggarosolar-e: ”Eyo posor-o” yij-o. Yak ondosoluk, o ma nggosoma-ge. Yesus nanduk-nen at yak tosolar-e: ”Simon wa-e. Kat kindi-nen ngge perasu-o? Nggweyak ma nap nagawan nagawan-nen tarak enpem-nen tol mengga wanogolat, enanggul wonaridnak tol mengga wanogolat yili-a? It inlirak enpem, lak? Are, ap sal enpem, lak?” luk yak tij-o.

MATIUS 22:18

Yogolikma-ge, Yesus na it inndi-n perali meya iri na aru me, it yak ondosolar-e: ”Kenesiget siget kwarugwi nap wa-e. Kir-e noluk-nen an nindi ngatli-o?

LUKAS 2:1

Iri tarem-e Kaisat Agustus-nen wene wirik posolar-e: ”An-nen tenagaidnak wi woragwi nap pidsa wanat unpurak pem unnu mbarurag-o” luk yij-o.

LUKAS 20:22

Nde, nit-nen idnak imiri mbarak pidnak wene bem-e nir-e Nagawan Kaisat amanggim tol purag-e op, lak meya-a? Yak nindi-o” luk yak tiga-o.

LUKAS 3:1

Tiberius na nagawan Kaisat men luk worasolat, olengen limabelas pem-e, Pontius Pilatus na-ge Yurea nggweyak pem gubernor woragaij-o. Nde, Erores na-ge Nggalilea nggweyak pem nagawan woralat, at owot Pilipus na-ge o Iturea min o Terakonitis min nagawan woralat yiga-o. Nde, Lisanias na-ge o Abilene iri me nagawan woragaij-o.

YIDNAK YIDNAK WENE 17:7

Yason yu-nen ama rak inpij-o. It pidsa-nen-e Kaisat-nen yidnak yidnak tarogolar-e: ’Nagawan misik unu-ge Yesus-o’ luk yili-o” luk yiga-o.

YIDNAK YIDNAK WENE 25:8

Iri yogola-t nde, Paulus-nen at ondomok elat mbarosolat-nen yosolar-e: ”Yawuri nap-nen idnak imiri mbarak pidnak wene imin ala na, Mbal Pem Nagawan uwi imin ala na, Kaisat imin ala na, an-nen-e mariget ter-o luk meya rak pigit lag-o” luk yij-o.

YIDNAK YIDNAK WENE 28:22

Alat nde, nin me nin me-nen wene yu wanugwi nap inmin-e wene eyak wat yugwi iri na nenaru me, kat kindi-nen pidnak wene irit kulul-o” luk yak tiga-o.

YIDNAK YIDNAK WENE 5:37

At imbirig-e, ap wonarogola tarem-nen Nggalilea nap Yuras na men yosola-ge, ap kwarat-nen at langgal luk mbiriga-t nde, at na worogoloma-ge, at langgal luk nugwi nap oboksa ndibi ndi yiga nar-o.