MATIUS 22:13 - Nanduk Ngget Tul Pidnak Wene

¹³ Iri ala-ge, nagawan na-nen ndegel ubugwi nap yak ondosolar-e: ’At yu-ge inggi ijok kere kamarak puruk ndamuk nak woraso sa iri me mbo bil nggwer-o. Iri me-ge yip nggu marogolat, eneyak nggirit marogolat woragwi sa-o’ luk yak indij-o.

MATIUS 22:13 ပူးပေါင်းရင်းမြစ်များ

NDAWI ENGGA 112:10

Meya yugwi nap-nen at yik karug-e, insilepma ebem pogolat, insili rak obogolat, eneyak ene nggiritmak mbogolar-e, lak yili-o. It inndi mbung mbung tak woragwi ereba na mondok lak yusu-o.

NDAWI ENGGA 37:12

Meya yoso nap-nen-e konak nap iri na meya rak uburak pem wene mbarak puruk woralat, yik kasolar-e, isili min yik kaso-o.

YESAYA 52:1

Yerusalem wa-e. Men yugundik, kuruk wolmin-o! Kar-e kamawi luk, kunu kek tak woralat-nen yoroso kusum yutluk wolmin-o! Marak o siri Yerusalem wa-e. Ap iniye ambasap mbarugwi buk, kopkap tobok tak nab-e kat kurumnde nggwe-ge mondok ngguwa bug-o.

NDANIEL 3:20

Iri yosoluk yarig-e, at-nen-e at-nen idnak san ombo mondok enmawi worak ereba na yak ondosolar-e: ”Sanderak min Mesak min Abetnego min kamasa mondok kan nggok mabidnak amare yirip wirip mbusu iri na arem mbo inpil nggwer-o” luk yak indij-o.

MATIUS 12:29

Nde, ap amawi worak na kamarak pigit lak-nen-e, nggerak puruk-nen at ama ngguruk at arengge inggem munggurag-o? At kamat uburuk-nen perak nde at arengge inggem munggurag-o.

MATIUS 13:30

Are, lambuksa mborosolat worasoma, engen mbarurak tarem wok yosola-ge, an-nen engen mbarugwi nap yak ondosolar-e: ”Nandug-e kuri iri na kona ut nggetla mbo kan purak pem per-o. Iri luk, mbato iri na ndok wosa an poso sa ondoro iri me per-o” luk yak indimin-o’ yij-o.”

MATIUS 13:42

kan mabidnak yong tak arem inpil ngguwama-ge, iri me-ge sa nggwa nak mbogolat, eneyak nggirit nak marogolat wolma-o.

MATIUS 13:50

kan mabidnak yong tak arem mbo inpil nggogola-ge, sa nggwa mbogolat, eneyak nggirit marogolat wolma-o” luk yij-o.

MATIUS 24:51

eid na-nen-e ndegel poso nap iri na mbarep parepsa keya buruk, enesiget siget kwarugwi nap ennggendumu lesa wirik puwa-o. Iri me-ge sa nggwa mbogolat, eneyak nggirit marogolat wolma-o” luk yij-o.

MATIUS 25:30

Nde, ndegel noboso nap meya ebe lak mende yu-ge ndamuk nak woraso sa mbo ber-o. Iri me-ge yip tosolat, eneyak nggirit marosolat wolma-o.’ ”

MATIUS 8:12

Mbal Pem Nagawan-nen tenagaidnak wi na winde nab-et nde, mondok ndamuk arem iri me mbo unpuwama, yip langgu mbarogolat, eneyak nggirit marogolat wolma-o” luk yij-o.

LUKAS 13:28

Nde, Abaram min Isak min Yakup min Mbal Pem Nagawan ene lomboksa yugwi nap oboksa min-e Mbal Pem Nagawan-nen tenagaidnak wi enalin enalen pem woragola eneyagub-et nde, kir-e mbepme wirik kinpidnak me, yip togolat, andi bandi kagolat yugub-o!

YOANES 21:18

An-e ndemeret yak kurusu-o. Kar-e sugwe worasolar-e, kat kondomok-nen kusuwon are ngonoksa yorosolat, kat kindi-n pidnak sa waring kasolat woraigen-et nde, abok kindi worak yosola-ge, kat kinggi nuk kasola, nin nap-nen kat kinggi kamarak puruk, kat mbururak kisili kaso sa nde kibil mburuwa-o” luk yak tij-o.

YIDNAK YIDNAK WENE 21:11

At iri-ge nit nendam lobok yosolar-e, Paulus esani are wanosolug-e, at ambikpebe inggi ijok kamarosolat-nen yosolar-e: ”Konak Indi-nen yu nggal yusu-o: ”Yerusalem-nen tani are yu ombo-ge Yawuri nap-nen iniksa-t kamat uburuk, kegera enlem nin nap ininggem puwa-o’ ” luk yij-o.

YIDNAK YIDNAK WENE 7:54

Wene iri na yosola, it wene mbarugwi nap-nen kuluruk yigarig-e, insilepma kwarat luk, eneyak nggirit matluk mbiriga-o.

2 TESALONIKA 1:9

Iri kwarugwi nap onggo wok ondosolar-e, Nagawan Indo eram-nen abu abu-t mbo unpuwama, woralik nalik woragolar-e, at-nen kek tak woraso amawi eram-nen ir-e nuruk tak irit wolma-o.

2 PETERUS 2:17

Nde, it enesiget siget mul undugwi nab-e yi ulusu eberek yidnak nggal, wijakni-nen nggan nggan puk kaso nggal-nen yili-o. It enmanggim-e Mbal Pem Nagawan-nen mondok ndamuk nak woraso sa lid lud tak pidnak worasu-o.

2 PETERUS 2:4

Nde, meya yiga aid nap na Mbal Pem Nagawan-nen keya inpigit lak, are, kan mare arem mbo inpil nggwamu-o. Nde, ir-e ndamuk arem iri kamarak irit worakmu, it enpem wene mbarurak tarem wok ma-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

YURAS 1:6

Wene misik yu na yebet yebet tak wolmer-o. Nde, aid nap ereb-e it inpid-nak sa-t wolmomtag-et nde, it enambik ondoro keya buruk, o nin sa mbiriga me, Mbal Pem Nagawan-nen-e pem-et wolmomtak posid kere-nen kamasa ndamuk arem inpil nggwidnak worali-o. Nde, enpem wene mbarurak Tarem nggulok wok yosola, it enpem wene mbaruwa-o.

NAM PARA WENE 21:27

Alat nde, mbilaro ngin mende-ge iri me mondok ngguwa bug-o. Nde, kwarugwi buk mende kwarugwi min enesiget yugwi min na iri me mondok ngguwa bug-o. Are, Lomba Wam Marik-nen idnak unluk nak wolmomtak engga iri bem unnu mbarak nap nak-nen perak nde o siri iri me nggurak worasu-o.