MATIUS 22:11 - Nanduk Ngget Tul Pidnak Wene

¹¹ Nde, nagawan na-ge yonggo inpidnak nap ereba na eneyekluk nggwidnggal-e, ap misig-e kwe wanogolat-nen yurugwi sum-e yirigit lak karuk,

MATIUS 22:11 ပူးပေါင်းရင်းမြစ်များ

YESAYA 52:1

Yerusalem wa-e. Men yugundik, kuruk wolmin-o! Kar-e kamawi luk, kunu kek tak woralat-nen yoroso kusum yutluk wolmin-o! Marak o siri Yerusalem wa-e. Ap iniye ambasap mbarugwi buk, kopkap tobok tak nab-e kat kurumnde nggwe-ge mondok ngguwa bug-o.

YESAYA 64:6

Nit oboksa-ge kopkap tobok tak woragwi-o. Iri-nen nit-nen konak kwarugwi min-et kopkap tobok tak mondok meya-nen yusu-o. Nir-e engga lera mbidnak umbuk o wija-nen puk kuruk mburusu iri na nggal, nir-e meya kwarugwi bem-et lak mul-o.

MATIUS 13:30

Are, lambuksa mborosolat worasoma, engen mbarurak tarem wok yosola-ge, an-nen engen mbarugwi nap yak ondosolar-e: ”Nandug-e kuri iri na kona ut nggetla mbo kan purak pem per-o. Iri luk, mbato iri na ndok wosa an poso sa ondoro iri me per-o” luk yak indimin-o’ yij-o.”

MATIUS 22:10

Yak ondosoloma-ge, ndegel pugwi nap ereba na tula waring kagolar-e, it eneyaiga nap oboksa, meya kwarugwi nap min konak nap min ndok worak unpuruk, nunggwi mende nil lobok yogolar-e, norak sa o iri na me ap-nen yebet yij-o.

MATIUS 3:12

Nggandum mbato ebe min ababul min lena arik tak pugwi mende-ge at inggem worasu-o. Lena arik tak purug-e, nggandum mbato ebe-ge ndok wosa pil nggugwi sa posolat, abapno-ge nigi yoso buk kanduk iri na me kan puwa-o” luk yij-o.

OROMA 13:14

Alat nde, kit-nen mondok kwarurak iri-ge nagawan Indo Yesus Kerisut nak-nen mirik kunpuwag-o. Nde, ki nap enpage meya inndi-nen ukwe ukwe kwarugwi iri-nen yidnak nag-e kwarurak pug-o.

OROMA 3:22

It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 5:3

Nde, nunuwi iri yesa wok nunduwama-ge, nit ngenwa-ge wulmul pug-o.

NGGALATIA 3:27

Kerisut imin kundik yogolar-e, yi mat kinpidnak nap kit oboksa-nen-e Kerisut imin nggetlel yigeb-o.

EPESUS 4:24

Kenpage ngget mende irit waner-o. Kenpage ngget mende iri-ge Mbal Pem Nagawan abage nggal irit ndak worak pidnak me, ndemeret wene bem-nen-e lud tak nak kwarogolat, marak woragwi nam yoso-o.

NAM PARA WENE 16:15

”Kwara koler-o. An-e yariya wanugwi nap nggal lobok yimin-o. Nde, ap inmbiri bem sum yirigit lak ngenwa waring kasolat inggiri kamin naru, kwara uruk woralat, at usum na kwara yirik wolma nab-e alen kujwag-o!”

NAM PARA WENE 19:8

Nde, sum loro kopkap lak, abinal worak sum na-ge at wok uburak kwe na yuruwakluk wok tij-o” luk yiga-o. (Nde, sum loro konak iri-ge, Mbal Pem Nagawan ilirak-nen lud tak nak kwarugwi irir-o.)

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.

NAM PARA WENE 3:18

Iri bem-e, an-nen nggomo kendeyeg-o. Kir-e ndemeret kinsilobulo worak nap yobok-nen kopkap mondok lak emas posid iri-ge an nebem onggo pogolat, kunsum we koro nderak woragolat, kinnggiri kagwi mende iri lomorobokluk, sum loro an nebem onggo pogolat, kenlengen pasa nomosa yik kabok-nen kenlengen pem yugururak amburu an nebem onggo per-o.