MATIUS 21:5 - Nanduk Ngget Tul Pidnak Wene

⁵ ”Sion ara yak ter-o: Yu nde ki-o. Kat Nagawan na-ge keram lobok yusu-o. At iri-ge indi yanggonak me, kelerai wam ombolwak pem kore luk lobok yusu-o. Angin worak mende waruk noso kelerai wam amarik na ombolwak pem kore luk lobok yusu-o.”

MATIUS 21:5 ပူးပေါင်းရင်းမြစ်များ

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

2 SEMUEL 16:2

Iri kwasa waruk lobok yosola karuk, Nagawan Ndaut-nen yak tosolar-e: ”Yeba-ge ngge rak purak waruk lobok yusu-o?” yosoloma, Siba-nen yosolar-e: ”Kelerai mberen ya-ge kat kogwela inmin-nen ebem koreluk mborobokluk waruk lobok yigi-o. Nde, oroti min engen kerengen yeba-ge kat ndegel kubugwi nap enmanggim-o. Nde, anggut engen amburu yu-ge it nembaga ereba me nogolat enpabok lak ala norag-o” luk yak tij-o.

1 NAGAWAN NAGAWAN-NEN KWARIDNAK WENE 1:33

Nagawan Ndaut-nen it yak ondosolar-e: ”Kir-e an-nen idnak san wari ereba na kinmin tak puruk, an nambara Salomo eram mbutlug-e, Salomo iri-ge an-nen ebem kore yoso kelerai wam iri ombolwak pem koreyak puruk, waruk Yi Nggion urusuom waruk mberer-o.

1 NAGAWAN NAGAWAN-NEN KWARIDNAK WENE 10:26

Salomo-nen ndak worosolar-e, wim nggurak nggweyak koma-ge seribu empat ratus (1.400) ndak worosolat, nde, san ombo-nen ombolwak pem koreluk mbururak kura wam-e duabelas ribu (12.000) irit lenak pij-o. Iri rak purug-e, ereb-e Yerusalem iri me posolat, nde, erep minggirig-e o siri nin me nan me ereba me pil lobok yij-o.

YESAYA 40:9

Teram lagundik, konak wene yu-ge Yerusalem woragwi nap kuluwakluk wirik pi-o! Konak wene yu Sion woragwi nap yak ondosolar-e, kene nggoksa yak undurag-o! Yewura siri ereba me woragwi nap yak ondosolar-e: ”Kenmbal Pem Nagawan-e lobok yuwa-o” yak undurag-o!

YESKIEL 34:24

Iri rak pumu worala-ge, Nagawan Indo an-e it Enmbal Pem Nagawan kwat yosola, an ndegel noboso nap Ndaut nggal iri na-ge it enanggul pem kek tak amawi worak it tena unpuruk wolma-o. Nagawan Indo an-nen yigi-o.

YESKIEL 37:24

It enlem mberen woragwi iri-ge lambuksa misiget tak unpuruk, it iri-ge an ndegel noboso Nagawan Ndaut nggal nagawan misik-nen tena unpuruk pem irit woralik nalik wolma-o. Iri kwasa woragolar-e, mondok tugup lak pempa an-nen idnak imiri mbarak pidnak wene ndak ndak nak irit kwat tenak wolma-o. Nde, an-nen Yakup wok tigi nggweyak, it onmborak-nen woraiga nggweyak iri na me-t it na irit, it-nen wigarak-nen na irit, pem irit iri na me wolma-o.

OSEA 1:7

Alat nde, it enlem Yewura nab-e enabuwa kamin-o. Nagawan Indo it Enmbal Pem Nagawan an-nen inmiri yimin iri-ge it inmiri wim mbarosolat, yalawi bem-nen san pem-nen kura wam pem-nen kura wam ombol pem koreluk mburugwi nap enpem-nen inmiri yimin-e lag-o” luk yij-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

WONARIDNAK WENE 24:19

Yakup ebem-nen mondok nagawan misik nam ma-o. Iri yosolar-e, uwim nap erep wolma iri na-ge mondok lak tak unpuwa-o” yij-o.

MATIUS 11:29

An-nen yidnak yidnak nak kwarogolat, an-nen kwaroso na mul kora yer-o. An-e ap yanggonak, nindi teberak nak woraso me, kit kinndi yamuk ma-o.

MATIUS 2:2

kin wok onpogolar-e: ”Yawuri nap nagawan ngget ndet yid na-ge ngge me worasu-o? Mo luwaso sa-nen at wonaru nam yosola kaigerik-nen at erembel wanuwokluk lobok yige-o” luk yiga-o.

MATIUS 2:6

”Kat Yewura nggweyak pem woraso Mbetleyem wa-e. Yewura nap nagawan ennggendumu-ge kar-e marig-e lag-o. Kat karem-nen nam yosolar-e, an nilirak Isarael nap ndemil unpuruk nosolat, togwat unpurak nap mbi nam ma-o” luk mbaridj-o.

MATIUS 21:6

Iri yak ondosoloma-ge, at owosirak mberen iri na mbirigarik, Yesus-nen yak indid iri na nggal-et kwarogolar-e,

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

WENE MBENARUGWI NAP-NEN KWARIDNAK WENE 5:10

Kit kelerai wam loro bem koreyak worali min kit kune mondok konak pem koreyak worali min kit nggweyak tu mbitli oboksa min wa-e. Ombol nggwe yidnak yu wene wigarer-o.