MATIUS 21:33 - Nanduk Ngget Tul Pidnak Wene

³³ Yesus-nen yosolar-e: ”Nden karuk wene misik yu koler-o. Nggweyak winde nap misig-e eyabu anggut yabu woragaij-o. Worala-ge, leget waga kambuk tak puruk, engen amburu mbulurak ondoro nggweyak yaluruk, yik karok wolmomtak o lije teram misik wirij-o. Wutlug-e, it-nen parugu woraidnak pem engen erep wanuwakluk, ap yak unduruk, at iri na-ge o nin sa mbirij-o.

MATIUS 21:33 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

YESAYA 1:10

Yerusalem wa-e! Kat-nen idnak enne kulugwi nap min kat kilirak min-e Sorom nap min Nggomora nap min nggal kwat yili-o. Nagawan Indo-nen yak kundusu wene-ge kwara kuli-o. Nit Nenmbal Pem Nagawan-nen nggomo kurusu-ge kwara yebet ki-o.

YEREMIA 19:3

Nagawan Indo-nen yak norosola, an-nen yosolar-e: ”Yewura nap nagawan nagawan min Yerusalem woragwi nap min wa-e. Nagawan Indo Mondok Amawi Worak, Isarael nap Kenmbal Pem Nagawan an-nen yusu wene yu kwara koler-o. Ndemeret an-nen-e mondok lak tak onposo mende kwiye worak irit o yu me pil lobok yumu, iri obok kulurug-e, kwiye-nen wendet ma-o.

YEREMIA 2:21

Kar-e anggut konak uwi nggal-et lena wok kuburuk, yak kibigi-t nde, yawo kar-e erambet mbepme tenggal yoso ebe lak mende nde kwat yigen-o.

OSEA 4:1

Nde, Nagawan Indo-ge o yu me woragwi nap enpem wene pusu-o. Isarael wa-e. At-nen yusu wene-ge kwara kuli-o. At-nen yosolar-e: ”O yu me-ge tugup lak yidnak yidnak kwarugwi elem min enabuwa kagwi elem min-e mondok lag-o. Iri-nen yu me woragwi nab-e an nimin-e ’Ar-e nit Nenmbal Pem Nagawan-net yusu-o’ luk para yili bug-o.

MATIUS 13:18

”Iri ala-ge, nden karuk wene uwi pil kaso nap-nen uwi pil kaidnak wene ebe na yak kondosola, kwara koler-o.

MATIUS 20:1

”Mbal Pem Nagawan-nen tenagaidnak wi iri-ge anggut yabu winde-nen-e eyabu wanuwakluk ap onkore kubu kabu mbirid iri nggal-nen yusu-o.

MATIUS 21:28

”Wene yu-ge kit kinndi-nen-e ngge nde perali-o? Ap mbi ambararak mberen woragaij-o. At-nen-e ambara manggu iri na eram mberarik yak tosolar-e: ’Nambara wa-e. Yawo-ge kar-e anggut yapmu iri me yabu wil mbiri-o’ luk yak tij-o.

MATIUS 23:2

”It imiri mbarak pidnak wene enaru nap min Parisi nap min-e amawi Musa wok tidnak iri nggal-et wok indidnak worali-o.

MARAKUS 13:34

Iri-ge yu nggal-nen yusu-o. Ap misig-e at uwi keya buruk, o nin sa mbereyeklug-e, at ndegel ubugwi nap-nen enarik tak wanogolat wolmomtak mende enpem puruk, tumende yik karok woraso nap iri na yak tosolar-e: ’Kwara yik karok worasolar-e, kurug-et wolmin-o’ luk yak turuk, mbirij-o.

LUKAS 19:12

Iri bem Yesus-nen yosolar-e: ”Ap kek tak misig-e nagawan tak ubuwakluk, o erepma mberarik, lobok yij-o.

YOANES 15:1

Yuruk, Yesus-nen yosolar-e: ”Ndemeret e elem-e an-net yusu-o. Nde, yabu ombo-ge an Neid-net yusu-o.