MATIUS 21:31 - Nanduk Ngget Tul Pidnak Wene

³¹ Nde, li mberen iri na-ge at eid indi-n pidnak kwarij-e ta kali-o?” luk yak ondosoloma-ge, it-nen yogolar-e: ”Ambara manggu irir-o” luk yogola-ge, Yesus-nen it yak ondosolar-e: ”An-nen yak kendeyeg-o: Mbal Pem Nagawan-nen tenagaidnak wi nggogolar-e, kit abok tak kunpurak, pemerinta enmanggim tol ndok wurugwi nap min terak ye inpil nugwi kwami min, it nanduk nde nggwili-o.

MATIUS 21:31 ပူးပေါင်းရင်းမြစ်များ

YESKIEL 33:11

It yak ondosolar-e: ’Nagawan Indo Mondok Kek tak, Mbal Pem Nagawan nuruk woraso nowag-o. An-e meya yugwi nap wat yurak iri-ge mondok nisili-o. Alat nde, an nindi-nen-e meya yugwi nap iri-ge it unluk irit wolmakluk it-nen meya kwarugwi iri keya burak irit nindingen-o. Isarael nap wa-e. Kit-nen meya kwatli keya ber-o. Noluk-nen kir-e wat yurak kindingen tak pili-o?’ luk yak indi-o.

MATIUS 12:50

An Neid aid arem woraso na indi-n pidnak nak kwatli nab-e iri-ge nowottak li ap min nowottak li kwami min an niya min-nen yusu-o” luk yij-o.

MATIUS 18:3

at-nen yosolar-e: ”Wene yu yak kendeyeg-o: Kit kenpage nden yaga la marik yu abage nggal kwat yigit lak yugup ala-ge, Mbal Pem Nagawan-nen tenagaidnak wi-ge mondok nggugup pug-o.

MATIUS 20:16

Iri nggal-et abok yidnak nab-e nanduk ma-o. Nde, nanduk yidnak nab-e abok ma-o” luk yij-o.

MATIUS 21:30

Nde, ap iri na-nen ambara labo na eram mberarik, wene owe yak tid iri na nggal-et yak tosoloma-ge, owot iri-nen wene erep nggarosolar-e: ’Ob-o. Neid wa-e’ luk yij-et nde, mbirigit lak, larok yij-o.

MATIUS 5:18

An-e ndemeret yak kundusu-o: Mbal min nggweyak min lak yigit lak ma-ge, imiri mbarak pidnak wene arem mbarid-nak hurup marik komosa min titik mariget ter-o luk min-e iri arem mbarid-nak wene mondok pidsa ndak tak pigit lak ma-ge mondok lag-e ma bug-o.

MATIUS 5:46

Nde, kit-nen nde kit kenabuwa kagwi nap iri na nak enabuwa kagola-ge, no bem Mbal Pem Nagawan-nen onggo wok kunduwa-o? Pemerinta enmanggim tol ndok wurugwi nap-nen na iri nggal kwarugwi-net yusu-o!

MATIUS 6:5

”Nde, kit-nen tepan yogolar-e, it enesiget siget kwarugwi nap-nen kwarugwi nggal kwarurak pug-o. It iri na-ge ap-nen yik iniyujwakluk tepan yogolar-e, mendak nggwe-nen Mbal Pem Nagawan uwi worak ma-nen na, tu ondogwal mberen ma-nen na, tepan yurag-e inndingen-o. Nde, an-nen yak kendeyeg-o: It-nen wanurak onggo iri-ge mondok waniga irir-o.

MATIUS 7:21

”An nimin-e: ’Nagawan Indo wa-e. Nagawan Indo wa-e’ yugwi nap oboksa-nen-e Mbal Pem Nagawan-nen tenagaidnak wi ngguwa bug-o. Are, an Neid aid arem woraso na indi-n pidnak nak kwarugwi nap it nak-nen ngguwa-o.

MATIUS 9:9

Iri luk, Yesus-nen o iri na me keya buruk mborosoma-ge, pemerinta enmanggim tol ndok woroso nap unu-ge Matius iri na-ge at tol ndok woroso o ma koreyak worasoma kagaij-o. Karuk yarig-e, at-nen ap iri na yak tosolar-e: ”An nimin ni-o” luk yak tosoloma-ge, Matius iri na men lug-e, Yesus imin mbirij-o.

LUKAS 15:10

An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 19:22

Yosoloma-ge, eid na-nen at yak tosolar-e: ’Ndegel noboso nap meya yu-ge wa-e. Kat-nen yigen iri ndak ndag-et kebem wene mbarimin-o. An-e nindi amawi me, an-nen pigit lag-et nde wanosolat, an-nen yakit lak sa-t nde mbarosolat yoso iri-ge kar-e karu nar-o.

LUKAS 7:29

Yosoloma-ge, ap pidsa min pemerinta enmanggim tol ndok wurugwi nap min Yesus-nen wene iri yosola, kuliga-o. Iti iri-nen-e Mbal Pem Nagawan-nen: ”Iri nggal, yu nggal kwarurag-o” yidnak iri na ndak-ndak kwarogola-ge, Yoanes-nen yi ma inpij-o.

YOANES 3:3

Yosoloma-ge, Yesus-nen at yak tosolar-e: ”An-e ndemeret yak kurusu-o. Mberen pem ndet ibigit lak nab-e Mbal Pem Nagawan-nen tenagaidnak wi-ge erengen kujwa bug-o” luk yij-o.

YOANES 3:5

Yosoloma-ge, Yesus-nen at yak tosolar-e: ”An-e ndemeret yak kurusu-o. Yi min Konak Indi min-nen ndet inpigit lak nab-e, Mbal Pem Nagawan-nen tenagaidnak wi ngguwa bug-o.

YIDNAK YIDNAK WENE 17:30

It enaru buk woraiga tarem-e Mbal Pem Nagawan-nen we yik nak eneyaruk keya inpij-et nde, yawo-nen-e yi wi ndi wi worali nap pidsa ’Kondok yer-o’ luk yak undusu-o.

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

OROMA 5:20

Alat nde, wene kuruk tugwi iri ligik lujwakluk, Mbal Pem Nagawan-nen imiri mbarak pidnak wene nambena pij-o. Nde, meya kwarat yugwi sa-ge Mbal Pem Nagawan-nen we wok ondoso elem na kobong kobong lasu-o.

2 PETERUS 3:9

Nde, ap erep-nen-e Mbal Pem Nagawan-e orog-et nak kwaroso-o luk perali-o. Alat nde, Mbal Pem Nagawan-e at-nen urul pidnak wene kwarosolar-e, orog-et nak kwaroso-ge lag-o. Are, ap misiger-o luk tet lak tak purak isili me, ap pidsa-nen it meya yidnak keya buruk kondok yuwaklug-e, kit kinmin-e at indi luruk puruk worasu-o.