MATIUS 21:26 - Nanduk Ngget Tul Pidnak Wene

²⁶ Nde, nit-nen nde: ’Ki nap-nen yidnak pem-o’ luk yogola-ge, ap kwarat yu-nen-e Yoanes iri-ge Mbal Pem Nagawan ene lomboksa yoso nab-o luk eberagwi me, it iri na ngge kwat nunpuwa-o? It inndi aye-o” luk yiga-o.

MATIUS 21:26 ပူးပေါင်းရင်းမြစ်များ

MATIUS 11:9

Nde, no mende nde kujwokluk mbirigeb-o? Mbal Pem Nagawan ene lomboksa yoso nap kujwokluk mbirigep, lak? Ye, an-nen yak kendeyeg-o. At iri-ge Mbal Pem Nagawan ene lomboksa yoso nap iri nag-e lag-o. At iri-ge nggulok terak minik-net yusu-o.

MATIUS 14:5

Erores na-nen-e Yoanes na wururak peragaij-et nde, ap kwarat ereba-nen-e Yoanes na-ge Mbal Pem Nagawan ene lomboksa yoso nap-nen yusu-o yugwi alama, it inndi aye-nen larok yij-o.

MATIUS 21:11

ap mondok kwarat iri-nen wene erep nggarogolar-e: ”At yu-ge Mbal Pem Nagawan ene lomboksa yoso nap Yesus, Nggalilea wi o Nasaret woraso nap-nen yusu-o” luk yiga-o.

MATIUS 21:25

Yoanes na-ge ap yi marosolat woragaid iri-ge ta-nen yidnak pem-o? Mbal Pem Nagawan-nen yidnak pem, lak? Are, ki nap-nen yidnak pem-a?” luk kin wok inpij-o. Kin wok onposoloma, it na it-net wene mbal kerak mbogolar-e: ”Nit-nen nde: ’Mbal Pem Nagawan-nen yidnak pem-o’ luk yogola-ge, at-nen-e: ’irit nde, kir-e noluk-nen at ebem kinndi angin tubu yigit lak yigeb-o?’ luk yak nunduwa-o.

MATIUS 21:27

Yurug-e, it-nen Yesus onggo yak togolar-e: ”Nir-e nenaru bug-o” luk yiga-o. Yogolikma-ge, Yesus-nen it yak ondosolar-e: ”Iri ala-ge, an-nen na iri amawi bem-nen yi kwatlik ndi kwatlik kwarusu iri yak kindimin pug-o” luk yak indij-o.

MATIUS 21:46

at tenagurak peraiga-t nde, ap kwarat iri-nen Yesus-e Mbal Pem Nagawan ene lomboksa yoso nap eberagwi me, it inndi aye-nen larok yiga-o.

MARAKUS 11:32

Alat nde, nit-nen nde: ’Nggweyak ma nap enmawi bem-nen-o’ yurag-e it ap pidsa-nen-e: ’Yoanes iri-ge ndemeret Mbal Pem Nagawan ene lomboksa yoso nab-o’ luk eberagwi me-o” luk iri-ge ap ereba na inndi aye-nen larok yiga-o.

MARAKUS 12:12

Yosoloma-ge, Yawuri nap ap yok nggok ereba-nen-e: ”Nden karuk wene yid yu-ge nir-et yak nindij-o” luk Yesus tenaguwokluk yiga-t nde, ap kwarat ereba na enaye-nen at keya buruk, mbiriga-o.

MARAKUS 6:20

Yoanes na-ge konak lud tak nak kwaroso ala karug-e, Erores-nen Yoanes indi aye-nen-e at imiri yosolat woragaij-o. Nde, Yoanes-nen yidnak wene kolosolug-e, indi nden penden yosolar-et nde, alen min-et at ene kolosolat woragaij-o.

LUKAS 20:19

Wene iri yid tarem ereya na-net, ”Nden karuk wene yu-ge nit-et yak nindij-o” luk it imiri mbarak pidnak wene enaru nap min tepan omborak nagawan min-nen Yesus tenaguwokluk yiga-t nde, ap kwarat iri enaye-nen larok yiga-o.

LUKAS 20:6

Nde, nit-nen nde: ’Ki nap-nen yidnak pem kwarij-o’ luk yulndig-e, ap pidsa-nen-e Yoanes iri-ge Mbal Pem Nagawan ene lomboksa yoso nab-er-o luk eberagwi me, nit kerep pem nunduwa-o” luk yiga-o.

LUKAS 22:2

Nde, ap kwarat ereba na inndi aye-nen tepan omborak nagawan min imiri mbarak pidnak wene enaru nap min-nen-e Yesus wuruwokluk teberebe tu kore yogolat woraiga-o.

YOANES 5:35

Yoanes na-ge tal pago eyaya worak nggal woragaij-o. Pago worala-ge, luru kir-e at eyaya bem kenalen min-et woraigeb-o.

YOANES 9:22

It Yawuri nap-nen wene mbarogolar-e: ” ’Yesus iri-ge Mesias-nen yusu-o’ luk para yuwa nab-e Mbal Pem Nagawan ama-nen mbo bul-o” luk mbaridnak me, it Yawuri nap enaye-nen at eid ija-nen yogolar-e:

YIDNAK YIDNAK WENE 5:26

Alama-ge, Mbal Pem Nagawan ama polisi wari na owosirak inmin mbirigarig-e, mberen nap ya na wok unpuruk lobok yogolar-e, ap kwarat ereba na-nen kerep pem unduwa naru, kwiye-nen we laroksa nak wok unpuruk lobok yiga-o.