MATIUS 21:19 - Nanduk Ngget Tul Pidnak Wene

¹⁹ Nde, e ara misik tu mbanggo ma karuk, e na elem pem mbiridnggal-e, engen pigit lak, engga nak ala-ge, at-nen e na yak tosolar-e: ”Kar-e mondok kengen yugun pug-o!” luk yak tosola ereya na-net e ara na umbuk yij-o.

MATIUS 21:19 ပူးပေါင်းရင်းမြစ်များ

YESAYA 5:2

Nde, at-nen-e nggweyak yalosolat, kerep ereba na-ge lena mbo bosolat, anggut konak uwi nak irit yagij-o. Yagurug-e, yik karok wolmomtak o mot misik iri na me wirij-o. Iri rak purug-e, anggut engen yosola, engen amburu mbulurak ondoro nggweyak yalij-o. Iri rak purug-e, engen ereba na ogere yamu mbarid nggal-e, engen undu-ge amak worak nde kagaij-o.

MATIUS 21:20

Umbuk yosoloma-ge, at owosirak-nen iri karug-e, wi langgu mbariga-o. Iri luk, it-nen kin wok obogolar-e: ”E ara na-ge nggesa-nen mimo ndag-et nak umbuk yij-o?” luk yiga-o.

MARAKUS 11:14

Karug-e, Yesus-nen e na yak tosolar-e: ”Kengen pigit lak yugunmu, ap-nen kengen mondok ninggit lak mag-o” luk yak tosola, at owosirak-nen kuliga-o.

MARAKUS 11:20

Nene luk kub-e, Yesus owosirak inmin tula mborogolar-e, e ara na-ge emengen min-et obok umbuk yidnak kaiga-o.

LUKAS 3:9

E mengen kuri tebera mbo beyeklug-e, ije kunarak worasu-o. Engen konak poso buk e pidsa-ge ndara kan ma buwa-o” luk yij-o.

YOANES 15:2

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

YOANES 15:6

Nde, an narem puksa wolma buk nab-e e inggi yendera mbo bidnak nggal irit mbo bosola, le ma-o. Nde, inggi yendera mbo bidnak iri nggal-e ap-nen ndok wosa kan ma mbo bosoma, kan naso-o.

2 TIMOTIUS 3:5

Enaboro nak-nen aid wene wanili-t nde, aid wene amawi-ge it enarem nggurag-e insili ma-o. Iri nggal kwarugwi nab-e kombol wok indi-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

YURAS 1:12

Kir-e kenggamirak inmin kondogolat-nen nunggwi mende nggok saguruk nonggola tarem it inmin nonggola-ge, it iri-ge innggiri lak kasa kasa nili iri-ge kik tak konpogolat, it ondomok nak nggok tak pili-o. Nde, obube-nen puk kaso nggan nggan-et nde, talme waruk lobok yoso buk nggan nggan nggal, e engen poso tarem-et nde, engen poso buk e nggal, elem konak pidnak ma mondok umbuk yidnak e nggal-et it-nen yili-o.

NAM PARA WENE 22:11

Meya nak kwarugwi nab-e meya nak kwat tenak wolmag-o. Kopkap tobok tak mende kwarugwi nab-e ondomok kopkap toboksa wanogolat wolmag-o. Mbal Pem Nagawan indi-n pidnak nak kwarugwi nab-e Mbal Pem Nagawan indi-n pidnak nak kwarogolat wolmag-o. Nde, Mbal Pem Nagawan amanggim nak lenak woragwi nab-e Mbal Pem Nagawan amanggim lenak nak wolmag-o” luk yak nirij-o.