MATIUS 20:34 - Nanduk Ngget Tul Pidnak Wene

³⁴ Yak togolikma-ge, Yesus na it unpud kasoluk, at inggi-ge it enlengen pem posola ereya na-net it enlengen kuwak yosoloma, at imbirik mbiriga-o.

MATIUS 20:34 ပူးပေါင်းရင်းမြစ်များ

NDAWI ENGGA 145:8

Nagawan Indo iri-ge enabuwa yosolat, unpud kasolat, isilepma na ndag-et nak yoso buk, pempa enabuwa kaso-nen yusu-o.

MATIUS 14:14

Yesus na e koma arem-nen kenangga mbidnggal-e, ap kwarat eneyaruk, at-nen it enabuwa yuruk, indi andi luk, kugi worak nap ereba na-ge ki rak inpij-o.

MATIUS 15:32

Iri rak puruk, Yesus-e at owosirak iri na wene mbo unpuruk-nen yak ondosolar-e: ”Ap kwarat yu-ge an-e enabuwa kwarat kasu-o. Ir-e an nimin-e kenan tarem woraidnak me, yawo-ge it-nen norak mende-ge mondok lak yamu me, an-e nunggwi mende mak indigit lak-nen wirik unpurak iri-ge meya-t kasu-o. Mborogolar-e, tulabiyem nere-nen mbud ma-o” luk yak indij-o.

MATIUS 20:33

Yosoloma-ge, it-nen at yak togolar-e: ”Nagawan Indo wa-e. Nit nenlengen op-net kwara kudtak irit nindingen-o” luk yak tiga-o.

MATIUS 21:1

Nde, it iri na Yerusalem panggo yogolar-e, o Mbetpage Saitun Ndobo bem iri na wok yogolar-e, Yesus na at owosirak mberen iri nanduk wirik onposolat-nen

MATIUS 8:15

Karuk, at-nen kwe na inggi tenabosola, embem wuloksa wiridnak na lak yosola, kwe na men yosolar-e, Yesus ndegel ibij-o.

MATIUS 9:29

Yogolikma-ge, Yesus na it enlengen pem at inggi puruk-nen yak ondosolar-e: ”Kit kinndi angin tubu yigep iri nggal-et kwat mag-o” luk yak ondosoloma-ge,

MATIUS 9:36

Iri kwarosolat-nen ap kwarat iri na eneyagaidnggal-e, it iri na-ge ndeyak-nen lomba wam ombo lak me, mbilarak woraso lomba wam nggal ala karuk, it enabuwa kwarat kagaij-o.

MARAKUS 7:33

Emengen mbarogolikma-ge, ap kwarat ndok wiridnak sa keya buruk, ap iri na ”Lobok yi-o” luk enarikmu-nen-e Yesus inggi ndum ap iri eyanggoru me mon karuk, wusi toboksa posoluk yarig-e, at iri na ama tenabij-o.

LUKAS 18:43

Yak tosoloma ereya na-net at erengen kuwak yosoloma, Yesus langgal luk mborosolar-e, Mbal Pem Nagawan wiwa-o luk yil yil mbirij-o. Iri kwaridnak karuk, ap oboksa-nen Mbal Pem Nagawan erembel waniga-o.

LUKAS 22:51

Alat nde, Yesus-nen yosolar-e: ”Iri nggal kwarurak pug-o!” luk ap iri na eyanggo na waga ondolma pij-o.

LUKAS 7:13

Wagola-ge, Nagawan Indo Yesus-nen kwe na kasoluk, at abuwa-nen yak tosolar-e: ”Yip tusu meyog-o” luk yak tij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.