MATIUS 20:24 - Nanduk Ngget Tul Pidnak Wene

²⁴ Nde, at owosirak sepulu iri na-nen wene iri kulurug-e, insilepma-ge it mberen owe owot ereya na enpem piga-o.

MATIUS 20:24 ပူးပေါင်းရင်းမြစ်များ

NGGOMO WENE 13:10

Inndi-nen kek yugwi iri-nen ndowaga-ge yuk puk mbugwi-nen yusu-o. Inndi worak nap-nen-e nggomo wene-ge kwara kulugwi-o.

MATIUS 20:23

Yogolikma-ge, at-nen it yak ondosolar-e: ”Nidmbe arem kenanggo iri-ge ndemeret nunggub-et nde, an ninggi kigit nggwe, kware nggwe kore yurak iri-ge an-nen koreyak unpurag-e meya-o. Are, an Neid-nen: ’At iri aret pimin-o’ luk enperasu nap iri koreyak unpuwa-o” luk yak indij-o.

MATIUS 20:25

Alat nde, Yesus na it yonggo unpuruk-nen yak ondosolar-e: ”It enlem nin nap pemerinta iri-nen-e it inlirak teberak onpogolat, it sarok enne kulugwi nap-nen na it enne amawi bem it inlirak anggun panggun tak onpogolat yili iri-ge kenaru-t nde,

MARAKUS 10:14

Met onpogolikma karuk, Yesus na isilepma luk, at owosirak yak ondosolar-e: ”Li marik marig-e an neram lobok yuwag-o. Ap inndi-ge li marik yu inndi nggal kwat ma nap-net Mbal Pem Nagawan-nen tenagaidnak wi winde momtak nap-nen yili me, langgal eneyali meyog-o.

MARAKUS 10:41

Wene iri na kulurug-e, Yesus owosirak enpe sepulu ereya-nen-e insilepma-ge Yakobus min Yoanes min enpem piga-o.

LUKAS 13:14

Yesus na we woragwi tarem-nen kwe na ki rak posola karuk, tepan yugwi ma wari mendak pidnak nap iri-ge indi puru kwarat luk, ap kwarat iri na yak ondosolar-e: ”Nit-nen yabu wanurak tarem-e enam worasu-o. Ki rak kunpuwakluk ereya tarem-nen lobok yer-o. Nde, we woragwi tarem-nen lobok yurak pug-o” luk yij-o.

1 KORINTUS 13:4

Ap enabuwa kagwi-ge indi mamak puruk woraso min ap inmin konak nak yoso min-nen yusu-o. Ap enabuwa kagwi-ge erengen ale yoso buk, indi kek tak puruk, ambik erembel wanoso buk-nen yusu-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

YAKOBUS 3:14

Alat nde, kir-e kenlengen ale yogolat, kinsilepma yogolat, kondomok kenmanggim nak nggok tak pogolat yugwi ala-ge, kir-e kenambikpebe kek yogolat, ndemeret wene na imin kenesiget yili-ge meyog-o.

1 PETERUS 5:5

Nde, iri nggal-et kit ap sugwe-nen-e inndi worak-nen yidnak yidnak nak kwarurag-o. Nde, kit pidsa kinndi tebe luk yongga yongga yogolat wolmer-o. Nde, Mbal Pem Nagawan engga bem-nen yosolar-e: ”Mbal Pem Nagawan-nen-e inndi kek yugwi nap inmin-e sirid mbarak worasu-t nde, at-nen-e inndi teberak woragwi nab-e enabuwa kasu-o” luk yij-o.