MATIUS 20:2 - Nanduk Ngget Tul Pidnak Wene

² Mberarik, yabu winde iri-nen it inmin wene mbarosolar-e: ’Yabu wanugup onggo-ge misiget tarem wanidnak pem-e tol misiget irit wok kindimin-o’ luk yak ondosoloma, it-nen-e ’Ob-o’ yogola karuk, yabu wil mburuwakluk ndimirik inpij-o.

MATIUS 20:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:12

Nde, erep-nen-e an yu me-nen mborosola-ge, Nagawan Indo Indi-nen kar-e waga an naru buk sa nin me nde kubuwa nde ma-o. Nde, erep-nen-e an-nen nde: ’Elia na-ge endeba worasu-o’ luk Akap yak timindik pem kogore yuwarik, lak ala karug-e, an nde nuruwa-o. An-e ndemeret marik pem-net Nagawan Indo erembel wanoso iri-ge karu nar-o.

AID WENE YOSO NAP 12:1

Anggun panggun nak kagolat wolmomtak tarem olengen awo wok yigit lak ma kunsujwe woragolat ereya bem-net Ndak Worak Kinpid Nab-e kinndi yebet yebet tak wolmer-o. Nde, ereya tarem nde wok marig-e: ”An-e nalen pem-e mondok worasu bug-o” luk yugun-o.

MATIUS 18:28

Iri luk, ndegel poso nap yu na mbiridnggal-e, at anggam yabu misiget erep wanoso nap misik iri na imin lid pid lug-e, at anggam na-ge at arengge namat wanidnag-e mariget nggal (seribu rupiah) wanidnak me, ap yu na-nen anggam iri na lombok tarik, urusu magosolat-nen yak tosolar-e: ’An narengge namat wanigen iri na-ge ndag-et nak uwi yagi-o’ luk yak tij-o.

MATIUS 20:1

”Mbal Pem Nagawan-nen tenagaidnak wi iri-ge anggut yabu winde-nen-e eyabu wanuwakluk ap onkore kubu kabu mbirid iri nggal-nen yusu-o.

MATIUS 20:13

Yogolikma-ge, yabu winde na-nen it ennggendumu woraso nap misik yak tosolar-e: ’Nanggam wa-e. An-e kat kimin-e mot mor-et kwat kibigit lak yusu-ge lag-o. Nit lambuksa wene mbarogolar-e, misik tarem wanidnak onggo-ge kerep tol misiget wanurak wene mbarigit lak yige-a?

MATIUS 20:3

Iri luk, jam sembilan pem onggo wanugwi sa iri me tuguruk mberarik, ap ereb-e we woragola eneyaruk,

MATIUS 20:9

Alama-ge, jam lima bem yabu nggwiga nap na lobok yigarik, onggo-ge enambiktak kerep tol misiget irit waniga-o.

MATIUS 22:19

Iri mende pugwi kerep tol misik an kayek-nen nuk ker-o” luk yosoloma-ge, it-nen-e kerep tol misik wok togola,

MATIUS 9:37

Karuk, at owosirak iri na at-nen yak ondosolar-e: ”Ogore yidnak kwarat worasu-t nde, ndagurak nab-e marig-et nag-o.

MARAKUS 12:15

Alat nde, Yesus na-ge it inndi nin woragolat-nen kin wok ibiga iri na yenggerak eneyaruk, at-nen it yak ondosolar-e: ”Kir-e noluk-nen an nare pili-o? Kerep tol misik an kayek-nen nuk kil lobok yer-o” luk yak indij-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

LUKAS 10:35

Nene luk, kub-e at orol mberen wanuruk, o iri na winde wok tosolat-nen yak tosolar-e: ’Ap yu-ge yongga worosolat wolmin-o. Nde, at yongga wururak pem uwang pugun iri-ge an tuguruk lobok yosolar-e, uwi yagimin-o’ luk yak tij-o” luk Yesus-nen yij-o.

LUKAS 20:24

”Kerep tol mbi an kayek-nen nuk kil lobok yer-o. Tol yu bem-e ta erare min ta unu min mbarak kali-o?” luk yij-o. Yosoloma-ge, it-nen yogolar-e: ”Kaisar-o” luk yiga-o.

2 TIMOTIUS 3:15

Kar-e la marik pem-net Mbal Pem Nagawan engga karu woraigen iri-ge mondok yeberak wolmin-o. Mbal Pem Nagawan engga-nen-e Kerisut Yesus ebem kindi angin tubu yusola, kimiri yuwakluk kat kindi nggat nggat worak tak purag-e ndag-o.

NAM PARA WENE 6:6

Nde, an kuliginggal-e, ene misik ap enne nggoksa yugwi nggal untugup worak mende empat ereya na enggenggerak-nen yosola kuligi-o. Nde, ene iri-nen yosolar-e: ”Yabu misiget pem wanidnak onggo-ge gandum yimbe misiget pem waga wok undurag-o. Nde, yabu misiget pem wanidnak onggo-ge mbato yimbe kenan pem waga wok undurag-o. Alat nde, saitun amburu min anggut engen amburu min-e meya rak purak pug-o” luk yij-o.

1 SEMUEL 2:18

Iri kwarogola-ge, la marik Semuel iri na-ge Nagawan Indo mondok ndegel obosolat woralar-e, usum-e linen-nen konidnak tepan ombo-nen Nagawan Indo ama yabu wanogolat-nen nak yurugwi sum nggal irit yutluk wanosolat woragij-o.

1 SEMUEL 2:26

Alat nde Semuel perak nggok yosola-ge, Nagawan Indo-nen na irit ki nap-nen na irit inndingen tak obogolat woraiga-o.

1 SEMUEL 3:1

Nde ereya na tarem woragolar-e, la marik Semuel iri na-ge Eli-nen yik karok worala, Nagawan Indo ndegel obosolat woragij-o. Nde, ereya tarem-e Nagawan Indo-nen wene yak ondosolat ala na nabi bem yak ondosolat ala na iri-ge mondok lak nggal-et woragij-o.