MATIUS 20:15 - Nanduk Ngget Tul Pidnak Wene

¹⁵ An nangge iri-ge an nondomok nindi-n peraruk tumbururag-e meya kaigen-a? Iri ala-ge, an nindi konak ala karuk, kar-e noluk-nen kerengen ale yusu-o?’ luk yak tij-o.

MATIUS 20:15 ပူးပေါင်းရင်းမြစ်များ

MBIRIGA WENE 33:19

Yosoloma, Nagawan Indo-nen yosolar-e: ”An lobok yosolar-e, an nabinal oboksa ge kat kerare nggwe mborosolat, an nunu mondok marak iri-ge kimbiri bem yil yil mbirimin-o. An-e Nagawan Indo-nen yusu-o. An-nen unpud kaso elem mirik onposolar-e, an-nen mondok len inpimin nap irit enabuwa kamin-o.

NGGOMO WENE 23:6

Kar-e indi meya nap imin nunggwi mende nasolat, at-nen naso mende undu konak ereba na ukwe ukwe yurak pug-o.

YEREMIA 18:6

”Nilirak wa-e. Mimi nggweyak pem-nen nggweyak yimbe konoso nap iri-nen kwarusu nggal, an-nen kit kwat kunpurag-e meya? Mimi nggweyak yimbe konoso nap inggem worasu iri nggal-et kir-e an ninggiyapma worali-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 20:14

Nde, onggo wok kirigi-ge waruk kama mbiri-o. An nindi-net abok nggwiga nap iri na onggo wok ondosolar-e, kat onggo wanigen na ndak ndag-et wok indigi-o.

MATIUS 6:23

Alat nde, kenlengen nde unggul-nen-e, kenpe ebis-et na ndamug-et ma-o. Nde, kenarem worasu yaya iri na ndamuk-nen-e mondok ndamuk lombok irit ma-o.”

MARAKUS 7:22

mbona yugwi min ap enarengge ukwe ukwe yugwi min meya kwarugwi min ap onmbol pem lagwi min ukwe ukwe yugwi min enlengen ale yugwi min ap onpok pugwi min enambik entembel wanugwi min inndi amawi kwarugwi min

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YIDNAK YIDNAK WENE 13:45

Ndok worogola-ge, it Yawuri nap-nen ap kwarat ndok wiridnak karug-e, enlengen ale yogolat-nen Paulus-nen yidnak wene eyak worogolat, mbilaro ngin tak piga-o.

1 KORINTUS 4:7

Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?

EPESUS 1:11

Nde, Kerisut iri na ebem-net nir-e at arengge winde rak ninpid iri-ge nanduk-net at indi-nen ”Irit mag-o” luk len ninpidnak pem yi mende ndi mende kwarosolar-e, at indi-nen ”Irit timin-o” peraruk kwaroso iri na bem-nen len ninpij-o.

EPESUS 2:1

Nanduk kir-e wene kuruk tidnak pem-nen na, meya yidnak pem-nen na, wat yidnag-et woraigeb-o.

EPESUS 2:5

nir-e at ene kuruk tidnak pem-nen ninndi wat yidnak woraige-t nde, Kerisut uruk tak pid tarem-e Kerisut imin nit na nunluk tak pij-o. Mbal Pem Nagawan-nen we wok ondoso elem pem-net kir-e kinmiri yij-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

YAKOBUS 5:9

Nanggamirak wa-e. Mbal Pem Nagawan-nen kit kenpem wene mbaruwa naru, kit na kit-net nobokpe kobokpe yurak pug-o. Yebet ker-o. Ap enpem wene mbaroso nab-e lobok eyekluk ijok tumende bem pil wagarik worasu-o.