MATIUS 2:4 - Nanduk Ngget Tul Pidnak Wene

⁴ At-nen-e tepam omborak nagawan nagawan min Yawuri nap imiri mbarak pidnak wene enaru nap min ndok worak unpuruk-nen kin wok onposolar-e: ”Mesias na-ge ngge me-nen ndet ubuwa-o luk yidnak kali-o?” kin wok inpij-o.

MATIUS 2:4 ပူးပေါင်းရင်းမြစ်များ

ESERA 10:5

Yosoloma-ge, Esera iri na-ge amawi-t kondosolar-e, at-nen-e tepan omborak min Lewi nap min iri-nen Isarael nap erep min enanggul pem kek tak ereba na yak ondosolar-e: ”Kir-e ’Sekania-nen yusu irit kwarul-o’ luk owak mbarer-o” luk yak indij-o.

ESERA 7:6

Nde, Esera iri-ge imiri mbarak pidnak wene ereba na sekola yidnak me, Isarael nap Enmbal Pem Nagawan-nen idnak imiri mbarak pidnak wene Musa wok tid iri na-ge mondok kwara aru nab-o. Nde, Esera iri na-ge Nagawan Indo Embal Pem Nagawan-nen imbiringgat tak posola-ge, Nagawan Aratatasta-nen-e at-nen nggi yidnak mende oboksa wog-et tij-o. Nde, Nagawan Aratatasta-nen nagawan menluk o tena woralat olengen tuju bem tak poso tarem-e Esera iri na-ge Mbabel-nen Yerusalem mborosolar-e, Isarael nab-e tepan omborak min Lewi nap min Nagawan Indo erembel wanogolat Mbal Pem Nagawan ama-nen ndawi yugwi nap min Mbal Pem Nagawan uwi tumende pak tak woragwi nap min yabu wanugwi nap min irit inmin mbirij-o.

NDAWI ENGGA 2:2

Nggweyakma yu me nagawan nagawan misik pem-et nak pugak yogolat, o tena woragwi enmawi worak ereba na-nen wene mbarogolar-e, Nagawan Indo min at-nen lenak pidnak nagawan min undurak wene mbarogolar-e:

MALEAKI 2:7

Ndemeret tepan ombo-nen kwarurag-e Nagawan Indo Mondok Kek tak an nowene ndemeret mot mor-et ap mul ondogolat wolmomtak irir-o. Nde, it iri-ge an-nen wirik inpil lobok yidnak me, ap-nen-e an nindi-nen pidnak wene-ge it irit kin wok onpogolat wolmomtag-o.

MATIUS 13:52

Yogolikma-ge, at-nen it yak ondosolar-e: ”Iri ala-ge, engga aru nab-et nde, Mbal Pem Nagawan-nen tenagaidnak wi wene wanoso nap kwat yosolar-e, o winde-nen at-nen ndok worak poso sa iri arem-nen at arengge ngget mende nde obi mende nde wirik poso iri nggal-nen yusu-o” luk yij-o.

MATIUS 2:3

Nde, Nagawan Erores-nen wene iri na kuluruk yarig-e, wendet yij-o. Wendet yosoloma, it Yerusalem woragwi nap oboksa-nen na wendet yiga-o.

MATIUS 2:5

Nde, it-nen yogolar-e: ”O Mbetleyem Yurea nggweyak pem-nen ndaguwa-o.” Nde, Mbal Pem Nagawan ene lomboksa yoso nap-nen mbarosolar-e:

MATIUS 21:15

Alama-ge, it tepan omborak nagawan nagawan nde, imiri mbarak pidnak wene enaru nap nde-nen yik kaiganggal-e, at-nen kwiye worak mende kwaridnak na min Mbal Pem Nagawan ama-nen li marik marik-nen yogolar-e: ”Ndaud Ambara nak kek tag-o!” luk enne lek kaidnak karuk, iri na bem insilepma kwarat yiga-o.

MATIUS 21:23

Nde, Yesus na-ge Mbal Pem Nagawan ama nggwarik, ap mul ondosolat worasoma-ge, it tepan omborak nagawan nagawan nde Yawuri nap ogore yidnak nap nde, at eram lobok luk-nen at kin wok obogolar-e: ”Kar-e ta amawi bem-nen yi kwatlik ndi kwatlik kwarusu-o? Nde, ta-nen ’Iri kwari-o’ yak kiridnak pem-nen iri kwarusu-o?” luk yiga-o.

MATIUS 26:3

Iri tarem-e tepan omborak nagawan nagawan min Yawuri nap ogore yidnak nap min-e tepan ombo nggulok unu-ge Kaipas na ama ndok wirigarik,

MATIUS 26:47

Yesus na wene yosolat worasoma-ge, at owosirak duabelas inmin waring kaso nap Yuras na-ge tepan omborak nagawan nagawan min Yawuri nap ogore yidnak nap min-nen inpil lobok yidnak ap kwarat ereba-ge Yuras imin lobok yogolar-e, posid tege wanugwi, nggwambu wanugwi lobok yiga-o.

MATIUS 27:1

O nda yosola-ge, tepan omborak nagawan nagawan pidsa min Yawuri nap ogore yidnak nap min-e Yesus wururak wene mbaruwokluk ndok wiriga-o.

MATIUS 7:29

At iri na-ge it mul undugwi engga enaru nap-nen yugwi nggal-e lag-o. Are, at na-ge ene amawi worak irit mul indij-o.

MARAKUS 8:31

Yak unduruk yarig-e, Yesus na-nen at owosirak mul ondosolar-e: ”Ap Ambara iri-ge kwarat andi bandi kujwa-o. Nde, andi bandi kasolar-e, ogore yidnak nap min tepan omborak nagawan nagawan min imiri mbarak pidnak wene enaru nap min-nen pelek pelek tak puruk, wuruwa-o. Wuruwama-ge, mberen nene luk, tuguruk uruk tak puwa-o” luk yij-o.

LUKAS 20:19

Wene iri yid tarem ereya na-net, ”Nden karuk wene yu-ge nit-et yak nindij-o” luk it imiri mbarak pidnak wene enaru nap min tepan omborak nagawan min-nen Yesus tenaguwokluk yiga-t nde, ap kwarat iri enaye-nen larok yiga-o.

LUKAS 23:10

Nde, tepan omborak nagawan min imiri mbarak pidnak wene enaru nap min at eralu mendak woragolat-nen enne amawi min-et enesiget wene Yesus ebem pogolat woraiga-o.

YOANES 18:3

Aru me, Oroma nap san winde ap kere misik min tepan ombo nagawan min Parisi nap min-nen wirik inpidnak Mbal Pem Nagawan uwi yik karok woragwi erep min-e Yuras na imin luk iri me wok yiga-o. Wok yogolar-e, tege wanugwi, san wanugwi luk, tal pem lobok yiga-o.

YOANES 3:10

Yosoloma-ge, Yesus-nen at yak tosolar-e: ”Kar-e Isarael nap mul ondoso nab-et nde, kar-e wene yu-ge kabak yusu-a?

YOANES 7:32

Ap kwarat ereba na-nen Yesus obok yagap yagap wene yil mborogola, Parisi nap-nen kuluruk, it min tepan omborak nagawan nagawan min-nen-e Yesus tenagurak pem Mbal Pem Nagawan wi yik karok woragwi san winde wirik inpiga-o.

YOANES 8:3

Worasoma-ge, imiri mbarak pidnak wene enaru nap min Parisi nap min-nen-e kwe mbi mbabi yosoma karuk, kwe na imin mbirigarik, it ennggendumu iri me kwe na mendak uburuk,

YIDNAK YIDNAK WENE 23:9

Alama-ge, kwarat laga mbaga yogola-ge, Parisi nap-nen idnak engga enaru nap erep men luk-nen panggoksa yogolar-e: ”At yu ebem-e meya mbi mariger-o luk ter-e kali bug-o. Indi ala na aid nap ala na-nen wene yak tid, lak?” luk yiga-o.

YIDNAK YIDNAK WENE 4:5

Nene luk, kub-e Yerusalem-nen ndok worogolar-e, it nagawan nagawan min ogore yidnak nap min engga enaru nap min

YIDNAK YIDNAK WENE 6:12

Iri yogolar-e, it-nen-e ap kwarat min ogore yidnak nap min imiri mbarak pidnak wene enaru nap min insilepma rak onpogola-ge, Sepanus na eram lobok luk, at tenaguruk, wene mbarugwi nap endam pil lobok yiga-o.