MATIUS 2:19 - Nanduk Ngget Tul Pidnak Wene

¹⁹ Erores na wat yosoloma-ge, Nagawan Indo-nen idnak aid nap mbi nabi nggwe Yusup eram nam luk-nen yak tosolar-e:

MATIUS 2:19 ပူးပေါင်းရင်းမြစ်များ

NDAWI ENGGA 139:7

Kat kindi aye-ge an-e ngge me nggal mbirimin-o? Kat kerengen aye-ge an-e ngge me nggal kwiye mbirimin-o?

NDANIEL 8:25

Ar-e indi tenggerak me, at-nen ap enmberam lasolar-e, mondok ombol nggwe nak yosolat wolma-o. Ar-e ondomok-nen kek yosolat, kirimbi yak indigit lak-nen ap kwarat lak tak onposolat wolma-o. Iri-nen nagawan mondok kek tak nggok iri na-t nde, kwiye lag-et imin wim mbaruwa-o. Alat nde, at yigisa lak tak puwa iri-ge ki nap enmawi bem-nen-e lak tak ubuwa bug-o.

MATIUS 1:20

Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o.

MATIUS 2:20

”La na wuruwokluk yiga nab-e wat yidnak me, men luk yugundik, la iri ija min wok unpuruk, Isarael uwi mbiri-o” luk yak tij-o.

MATIUS 2:22

Alat nde, at-nen kulidnggal-e, Arekelaus na-nen at eid Erores na ondolmasa Yurea nagawan men agaij-o luk yogola kulurug-e, Yusup-nen-e iri me mbururak kwiye yij-o. Iri ala-ge, nabi nggwe-nen at nggomo worosolar-e: ”Iri me wolmomtak pug-o” luk yak togola karuk, Nggalilea uwi mberarik,

MATIUS 27:19

Nde, Pilatus na ap enpem wene mbarugwi sa koreyak worasoma-ge, at ogwe-nen wene wosa at yak tosolar-e: ”Kar-e lud tak nak yoso nap iri ebem owene erep tenagurak pug-o. Yawo kubu nabi at imin kagirik me, kwiye kwarat kagi-o” luk yak tij-o.

YIDNAK YIDNAK WENE 5:19

Alat nde, kubu nggwe-ge Nagawan Indo-nen idnak aid nap mbi lobok yosolar-e, o kubu me tumende ereba na kuwarak puruk, wok unpuruk mbepme mborosolat-nen yak ondosolar-e: