MATIUS 2:16 - Nanduk Ngget Tul Pidnak Wene

¹⁶ Erores-nen lombot pidnggal-e, wonaru mbenarugwi nap-nen at amberam laidnak alama-ge, at isilepma kwarat luk-nen yosolar-e: ”Li marik Mbetleyem woragwi min inggi inggi woragwi min ndesa mburuk dua tahun ala na, dua tahun urugwe nggwe woraidnak ala na, oboksa undurag-o” luk wene wosa wirik pij-o. Iri yid iri-ge wonaru mbenarugwi nap-nen at yak tidnak ndak ndak ndet yidnak ala-nen iri yij-o.

MATIUS 2:16 ပူးပေါင်းရင်းမြစ်များ

NDAK WIRIDNAK WENE 39:14

kwe na-nen ndegel ubugwi ereba na wene mbo unpuruk-nen yak ondosolar-e: ”Iberani nap an nun-nen waruk lobok yarik, nama pid iri na-nen nit nunnu meya rak peyekluk yusu-o. Nde, at iri-ge an nene yoso sa nggosolat, tena nebeyekluk yosoma, nene nggwa yigi-o.

NDAK WIRIDNAK WENE 39:17

Lobok yosoloma, wene iri na un yak tosolat-nen yosolar-e: ”Iberani nap kat-nen waruk ngguwaigen iri na-ge an nene yoso sa nunu mbilaro ngin tak peyekluk nggwij-o.

NDAK WIRIDNAK WENE 49:7

Insilepma mondok kwarat me, insilepma-ge imbiri lamut mag-o. Enlengen lamburak nak undugwi me, it-nen insilepma mondok kwarat yugwi iri-ge imbiri lamut mag-o. An-nen-e ir-e yi ap ndi ap ennggendumu nggilara wirik inpimin-o.

NDANIEL 3:13

Yak togolikma, nagawan iri na-nen wene iri na kulurug-e, mondok isilepma kwarat yosolar-e: ”Ap kenan ereya-ge an neram wok unpuruk lobok yurag-o” luk wene wirik pij-o.

WONARIDNAK WENE 22:29

Yosoloma, Mbileyam-nen erep nggarosolar-e: ”Kar-e an-e kerengenma nggal tak nuburuk yu nggal kwat nubusu yu-nen kirigi-o. An nde yalawi ninggem nggal-nen-e mondok ndemeret ketleb-o” luk yak tij-o.

WONARIDNAK WENE 24:10

Iri yosola, Mbalak-nen isilepma luk, inggi ndumbuk ambik inggi lel kasolat-nen Mbileyam yak tosolar-e: ”An-e kat wene mbo kibigi-ge, an nuwim nap ereba inmbiri lamut tak unpurak pem wene mbo kibigi na-t nde, kar-e kenan pem-et inmbiringgat tak inpigen-o.

MATIUS 2:1

Nagawan Erores worasola tarem-e Yurea nggweyak pem-o Mbetleyem iri me-nen Yesus ndet yij-o. Nderak worala-ge, mo luwaso sa-nen wonaru mbenarugwi nab-e Yerusalem wok yogolat-nen

MATIUS 2:17

Mbal Pem Nagawan ene lomboksa yoso nap Yeremia-nen yu yid iri na ndak tak posolat-nen kwat yij-o. At-nen yosolar-e:

MATIUS 2:7

Iri luk, Erores na-ge wonaru mbenarugwi nap na mbik mbok wene mbo unpuruk-nen kwara kin wok onposolar-e: ”Wonaru iri-ge ngge tarem-nen nam yosola kaigeb-o?” luk yak indij-o.

NAM PARA WENE 12:4

Nde, at iyuwak-nen mbal pem woraso wonaru erep minggirik (sepertiga) iri na lit yaga nggweyak ma mbo bil mbuwagaij-o. Nde, aywa nggal nggok na-ge kwe la ndageyekluk yane wurusu na la na ndagosola ereya na-net nayekluk eram mendak woragaij-o.

NAM PARA WENE 17:6

Nde, an yik kaginggal-e, kwe iri na-ge Mbal Pem Nagawan ilirak min Yesus-ne yidnak yidnak kwarugwi bem-nen indidnak nap min eneyabi ndonggosa ninggidnak pem indi wawa yosola kagi-o. Nde, kwe iri na karug-e wir-o luk yigi-o.

WENE MBENARUGWI NAP-NEN KWARIDNAK WENE 16:10

Iri ala karuk Ndelila-nen Simson yak tosolar-e: ”A! Kar-e an-e kerengenma nggal tak nuburuk, kenesiget yak nirigenma-o. Ndak yak niri-o, nab-o! No bem-nen kamat kibidnak-nen perak ndulurak meya ma-o?” luk yak tij-o.