MATIUS 2:13 - Nanduk Ngget Tul Pidnak Wene

¹³ It na mborogolikma-ge, nabi bem Nagawan Indo-nen idnak aid nap na Yusup eram nam luk-nen yak tosolar-e: ”Erores na-nen-e la marik iri na wereyekluk ogore yuwa me, men luk yugundik, kela marik min ija min wok unpuruk, Mesira uwi mburugundik wolmer-o. Worakmu, an-nen tuguruk yak korosola-nen lobok yurag-o” luk yak tij-o.

MATIUS 2:13 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 11:17

Alat nde, ap Arat iri na nak perak usujwe bem-e Erom nap erep at eid ndegel ubugwi nap inmin-et kwiye Mesira mbiriga-o.

1 NAGAWAN NAGAWAN-NEN KWARIDNAK WENE 3:5

Mberarik pem kubu iri na-ge Nagawan Indo-nen nabi bem at eram nam luk-nen yak tosolar-e: ”Salomo wa-e. Kat-nen kindi perasu-ge an nebem nggi yi-o. Iri yosola-ge, an-e wog-et kirimin-o” yak tij-o.

MBIRIGA WENE 1:22

Iri ala karug-e, nagawan iri na-nen wene wirik posolar-e: ”Iberani kweyap-nen li ap nde ndakola-ge, mondok yi Nil su bem unpurag-o. Nde, kwe ndakola iri-ge parugu wolmomtag-o” luk at nap Mesira woragwi oboksa yak indij-o.

MATIUS 1:20

Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o.

MATIUS 10:23

Nde, o siri misik me-nen lel mberel konpogola-ge, o iri me keya buruk, o siri nin me mberer-o. An-nen yak kendeyeg-o: Kir-e Isarael nap unuwi siri oboksa awo iniyil nigit lak ma, Ap Ambara na lobok yuwa-o.

MATIUS 2:12

Nde, nabi bem-nen Mbal Pem Nagawan-nen it yak ondosolar-e: ”Kunuwok lem Erores eram mbururak pug-o” luk yak ondosoloma-ge, tula nin nggwe enma mbiriga-o.

MATIUS 2:14

Yak tosoloma-ge, Yusup na men luk la na ija min inmin lug-e, kubu iri na-t kwiye Mesira mbirigarig-e,

MATIUS 2:16

Erores-nen lombot pidnggal-e, wonaru mbenarugwi nap-nen at amberam laidnak alama-ge, at isilepma kwarat luk-nen yosolar-e: ”Li marik Mbetleyem woragwi min inggi inggi woragwi min ndesa mburuk dua tahun ala na, dua tahun urugwe nggwe woraidnak ala na, oboksa undurag-o” luk wene wosa wirik pij-o. Iri yid iri-ge wonaru mbenarugwi nap-nen at yak tidnak ndak ndak ndet yidnak ala-nen iri yij-o.

MATIUS 2:22

Alat nde, at-nen kulidnggal-e, Arekelaus na-nen at eid Erores na ondolmasa Yurea nagawan men agaij-o luk yogola kulurug-e, Yusup-nen-e iri me mbururak kwiye yij-o. Iri ala-ge, nabi nggwe-nen at nggomo worosolar-e: ”Iri me wolmomtak pug-o” luk yak togola karuk, Nggalilea uwi mberarik,

YIDNAK YIDNAK WENE 10:22

Yak ondosoloma-ge, it-nen yogolar-e: ”Nir-e san winde wari Korenelius eram-nen lobok yige-o. Nde, Korenelius iri-ge mot mot kwaroso nap, Mbal Pem Nagawan aye worak nab-o. Nde, Yawuri nap pidsa-nen erembel wanugwi nab-o. Marak aid nap-nen Korenelius na yak tosolar-e: ’At-nen yak kuruwa wene kolonok-nen an nama lobok yi-o luk Peterus na yonggo bi-o’ luk yak tamu-nen lobok yige-o” luk yiga-o.

YIDNAK YIDNAK WENE 10:7

Aid nap-nen at wene yak turuk mborosola-ge, Korenelius-nen yonggo onposolar-e, ndegel ubugwi nap mberen min at ndegel ubugwi san winde ennggendumu-nen Mbal Pem Nagawan erembel wanoso san winde misik min yonggo unpurug-e,

YIDNAK YIDNAK WENE 12:11

Mborosoloma-ge, Peterus na indi wok yosolat-nen yosolar-e: ”Yawo-nen perak nde naru yigi-o. Nagawan Indo-nen at-nen idnak aid nap wirik ibil lobok yosola, an nimiri yosolar-e, Erores inggem-nen na, it Yawuri nap-nen kwat nuburak peraiga-t nde, nimiri yid kagi-o” luk yij-o.

YIDNAK YIDNAK WENE 12:7

Worakmu-ge, Nagawan Indo-nen idnak aid nab-e mimo nak men yosola-ge, eyaya-nen o kubu me iri na me yaya rak pij-o. Iri lug-e, at-nen-e Peterus na men makluk araptap lel kasolat-nen yak tosolar-e: ”Ndaget nak men min-o” luk yak tosola ereya na-net at inggi kamaridnak posid kere na-ge wosoksa mbij-o.

YIDNAK YIDNAK WENE 16:36

Yogolikma-ge, o kubu me yik karok woraso nap na-nen wene iri lomboksa Paulus yak tosolar-e: ”O yu me nagawan-nen kit wisirik kunpurag-o luk wene pil lobok yidnak me, kir-e yawo mborogolar-e, kinndi yek tag-et mberer-o” luk yak tij-o.

YIDNAK YIDNAK WENE 5:19

Alat nde, kubu nggwe-ge Nagawan Indo-nen idnak aid nap mbi lobok yosolar-e, o kubu me tumende ereba na kuwarak puruk, wok unpuruk mbepme mborosolat-nen yak ondosolar-e:

YIDNAK YIDNAK WENE 7:19

Nagawan iri-nen nit nenlem nap onmbol pem lasolat-nen nit nenlawingga lel mberel onposolar-e, it-nen ndagaidnak li marik lak makluk, ’Mbo enper-o’ luk yak ondosolat woragaij-o.

YOSUA 3:13

Tepan omborak nde Nagawan Indo-nen idnak urul pidnak wene labu mbarak iri na nde kud turuk, Yi Yareren arem nggogola-ge, yi iri-ge mbuguksa labuk yosolar-e, urusu nggwe-ge wamid lesa kobong yil mburuwa-o” luk yak tij-o.

YOSUA 4:10

Nde, it tepan omborak ereba na-ge Yi Yareren enggendumu irit mendak irit worakmu, Nagawan Indo-nen Yosua mul tosola, Yosua-nen ap ereba enpem pid ereba na-t ndegera kwariga-o. Nde, ereba kwariga iri-ge Musa-nen Yosua mul tid ereba na ndak ndag-et kwariga-o. Kwatlug-e, Isarael nab-e ndig-et ndag-et nak yi mbara ele bem ndil laiga-o.

YOSUA 4:18

Kwarosolar-e, yak ondosoloma-ge, tepan omborak ereba na-ge onowak yi ma-nen wesu bem pilakmu-net mondok yi na-ge tuguruk wasolat ondolma yimik luk keya bij-o.

NAM PARA WENE 12:14

Alat nde, kwe na-ge at ondoro karu me iri me pubu mburuwaklug-e, towe ud nggulok isiyamu mberen irit wok tij-o. Wok tamu, karu me waro na aye-nen iri me mberarik worasolar-e, Mbal Pem Nagawan-nen ndegel obosolat olengen kenan setenga (3 ½ tahun) irit woragaij-o.

NAM PARA WENE 12:4

Nde, at iyuwak-nen mbal pem woraso wonaru erep minggirik (sepertiga) iri na lit yaga nggweyak ma mbo bil mbuwagaij-o. Nde, aywa nggal nggok na-ge kwe la ndageyekluk yane wurusu na la na ndagosola ereya na-net nayekluk eram mendak woragaij-o.

NAM PARA WENE 12:6

Nde, kwe iri na-ge Mbal Pem Nagawan-nen ondoro amanggim konidnak sa karu me ap lak ma mberarik worala iri me ndegel obosolat woralar-e, seribu dua ratus enam pulu (1,260) tarem irit woragaij-o.