MATIUS 19:6 - Nanduk Ngget Tul Pidnak Wene

⁶ Iri ala-ge, it iri enpe mberen-e lag-o. Are, misiget nak-net yusu-o. Iri bem-e, Mbal Pem Nagawan-nen misiget tak inpidnak iri-ge ap-nen-e arik tak unpurag-e mondok meya-o” luk yij-o.

MATIUS 19:6 ပူးပေါင်းရင်းမြစ်များ

MALEAKI 2:14

At-nen wanigit lak ala, kit-nen kin wanogolar-e: ”Noluk-nen Nagawan Indo-ge nit-nen amanggim pidnak mende-ge wanusu bug-o?” luk yili-o. At-nen wanigit lak yusu iri-ge kit konkwerak sujwe ndugum pem nimbiri kimbiri wok kerak mbigep ereba na inmin-e tugup lak worali bug-o. Konkwerag-e kenpe misiger-et nde, kir-e konkwela-ge keya inpili iri-ge nanduk Mbal Pem Nagawan imbiri bem urul pogolat-nen owak mbarogolar-e: ”Nir-e pempa tugup lak nonkwerak inmin-et wulmul-o” luk owak mbarigeb-et nde, keya inpili-o. Nde, kit-nen iri kwatli iri-ge Nagawan Indo-ge aru me, iri-nen ndowaga kit-nen amanggim pidnak mende wanusu bug-o.

MALEAKI 2:16

Nagawan Indo Isarael nap Enmbal Pem Nagawan-nen yosolar-e: ”Onkwerak keya unpugwi iri-ge an-e mondok nisili-o. Kit kennggendumu ap misik-nen ogwe nde iri nggal kwat obosola-ge, an-e mondok nisili-o. Iri bem-e konkwerak keya unpul-o luk, kwara kinndi tena wolmer-o” luk yij-o.

MATIUS 19:5

yosolar-e: ”Iri bem-e, ap-nen-e eid min ija min keya unpuruk, at ogwe imin lambuk luk, it enmbereg-e mondok enpe misiget mag-o” luk yij-o.’

MATIUS 19:7

Iri yosoloma-ge, it Parisi nap-nen at yak togolar-e: ”Irit nde, Musa-nen ene amawi min yosolar-e: ’Ap-nen-e kat keya kibigi-o luk ogwe na engga mbal turag-o’ yid iri-ge noluk-nen iri yij-o?” luk yak tiga-o.

MARAKUS 10:9

Iri bem-e Mbal Pem Nagawan-nen misiget tak pidnak iri-ge ap-nen pinggirik purag-e mondok meya-o” luk yij-o.

OROMA 7:2

Iri nggal yosolar-e, un worak kwe-ge at un uruk worala-ge, imiri mbarak pidnak wene-nen un imin kamarak woraso-t nde, at un wat yosola-ge, imiri mbarak pidnak wene-nen un min kamarak pidnak iri-ge lak yusu-o.

EPESUS 5:28

Iri nggal-et ap-nen it ondomok enpe abuwa kali nggal, iri nggal-et onkwerak na enabuwa kujwag-o. At ogwe abuwa kasu nab-e at ondomog-et abuwa kasu-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.