MATIUS 19:5 - Nanduk Ngget Tul Pidnak Wene

⁵ yosolar-e: ”Iri bem-e, ap-nen-e eid min ija min keya unpuruk, at ogwe imin lambuk luk, it enmbereg-e mondok enpe misiget mag-o” luk yij-o.’

MATIUS 19:5 ပူးပေါင်းရင်းမြစ်များ

NDAK WIRIDNAK WENE 34:3

Iri lug-et nde, at indi-ge Ndina ebem wat tak purug-e, at Ndina-nen indi at ebem purak pem tula kore yosolat woragij-o.

2 SEMUEL 1:26

Nanggam Yonatan wa-e. Kar-e an nimin-e konak nak yoso me, an-e mondok nindi abi kalok yusu-o. Kat-nen nebem kindi kundik woraso-ge mondok nggok-nen yusu-o. Kwami-nen inndi ap enpem pugwi iri-ge te-t nde, kat-nen an nebem kundik woraso iri-ge mondok nggok-nen yusu-o.

1 NAGAWAN NAGAWAN-NEN KWARIDNAK WENE 11:2

Nde, Nagawan Indo-nen Isarael nap eneyanggo tenagosolar-e: ”Isarael nap-nen enlem nin kweyab-e mondok wanurak pug-o. Nde, wanogola-ge, kweyap ereba na-nen ndowaga kugwiwak erembel wanugub-o” luk yak indij-et nde, Salomo iri na-ge enlem nin kweyap wok inpil lobok yij-o.

NDAWI ENGGA 63:8

Kat kinggi-nen an yogo nuburuk worala, an ninggi-ge puk paksa tena kuburuk worasu-o.

MALEAKI 2:15

Mbal Pem Nagawan misiget iri na-net kit min konkwerak min-e kenpe min kinndi min-e misiget tak kinpid iri na-ge lag-a? Iri kwasa kinpid iri-ge Nagawan Indo indi-ge no peraruk-nen kinpij-o? Iri kwarid iri-ge nin pem-nen-e lag-o. Kit-nen kinlirak ndakola, kinlirak ereba na-ge ndemeret Mbal Pem Nagawan ilirak kwat makluk-nen kwarak kenpamu-o. Iri ala-ge, kit kennggendumu-nen konkwerak inmin tugup lak woragit lak yugub-o luk, kit na kit-net kondomok tak kinndi towarak wolmer-o.

MATIUS 19:6

Iri ala-ge, it iri enpe mberen-e lag-o. Are, misiget nak-net yusu-o. Iri bem-e, Mbal Pem Nagawan-nen misiget tak inpidnak iri-ge ap-nen-e arik tak unpurag-e mondok meya-o” luk yij-o.

OROMA 12:9

Ap enabuwa kagolar-e, ndemeret kinndi min-et enabuwa kudtag-o. Meya mende kinsili rak puruk, konak mende iri nak tena wolmomtag-o.

1 KORINTUS 6:16

Nde, at ebe-ge uwingga mbaroso kwe imin panggal yusu nab-e kwe iri imin-e enpe misiget kwat yili na kenaru bug-a? Nde, engga wene misik-nen yosolar-e: ”It enpe-ge misiget nak ma-o” luk yij-o.

1 KORINTUS 7:2

Alat nde, mbabi yul naru, ap-nen-e enambik tak onkwe wanogolat, kweyap-nen-e enambik tak unun wanogolat mag-o.

1 KORINTUS 7:4

Ogwe ebe-ge at winde-ge lag-o. Are, un arengge-nen yusu-o. Nde, iri nggal-et un ebe-ge at winde-ge lag-o. Ogwe arengge-nen yusu-o.

EPESUS 5:31

Mbal Pem Nagawan engga bem-nen yosolar-e: ”Iri bem-e ap-nen at eid ija keya unpuruk, at ogwe min lambuk luk, it enmbereg-e enpe misiget ma-o” luk yij-o.

TUGURUK YIDNAK WENE 10:20

Nagawan Indo Kenmbal Pem Nagawan nak kek tak obogolat, at erembel nak wanurag-o. Mondok tugup lak pempa at-nen yidnak nak kwarogolar-e, at unu bem nak owak mbarogolat wolmer-o.

TUGURUK YIDNAK WENE 4:4

kit Nagawan Indo Kenmbal Pem Nagawan-nen yidnak yidnak kwatli nab-e yawo na kunlug-et worali yur-o.

1 SEMUEL 18:1

Saul na Ndaut enmberek wene ndutlug-e, Saul-ne Ndaut na-ge at eyabu wanoso nap tak pamu, iri tarem-net Ndaut na-ge ”Keid eram kama mbururag-e lag-o” yamu, irit woragij-o. Nde, Yonatan Saul ambara iri na-nen Ndaut-nen wene ereba na yosola kulurug-e, Yonatan indi-ge mondok Ndaut arem purungsa nggwij-o. Iri yosolar-e, at ondomok abuwa kaso nggal irit abuwa kagaij-o.

1 SEMUEL 25:43

Nde, iri kwarigit lak ma-ge Ndaut na-ge kwe-ge Isiriel kwe Abinoam irit wanarik worasoma, yawo-ge Abigail min-et wanij-o.