MATIUS 19:28 - Nanduk Ngget Tul Pidnak Wene

²⁸ Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MATIUS 19:28 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:31

Yakup ilirak enlem duabelas ereya na ndak wosa kerep duabelas wanij-o. Nde, iri-ge Nagawan Indo-nen Yakup imin yosolar-e: ”Kat kunu-ge Isarael-o” yid iri na ala karuk-nen kwarij-o.

ESERA 6:17

Iri kwarogolat tarem-e Mbal Pem Nagawan amanggim wosa pogolar-e, sapi kusi 100 min lomba kusi-ge 200 min, nde, lomba amarik mendaso 400 min irit piga-o. Nde, it meya kwaridnak enmberam tak purak pem-e kambing kusi dua belas irit wosa kan piga-o. Iri wosa pogolar-e, Isarael nap enlem dua belas ereya na ndak ndag-et dua belas irit piga-o.

MBIRIGA WENE 15:27

Iri lug-e, it na-ge mbirigarik, o unu-ge Elim iri me wok yiga-o. Nde, iri me-ge yi ulusu-ge duabelas, nde, mbari nggal kuruma ari-ge tuju pulu (70) irit woragij-o. Ir-e yi ulusu ereya na manda iri na me o lije sum wi wutluk, woraiga-o.

MBIRIGA WENE 24:4

Yogolikma-ge, Musa-nen-e Nagawan Indo-nen yid wene ereba-ge engga bem mbatlug-e, kub-e ndobo ayo bem Mbal Pem Nagawan amanggim wam wosa kan purak ondoro-ge kerep duabelas pem-nen konij-o. Nde, kerep duabelas iri-ge Isarael nap enlem duabelas iri na ndak ndag-er-o.

YESAYA 65:17

Nagawan Indo-nen yosolar-e: ”An-nen-e mbal min nggweyak min-e ngget ndak wosa pimin-o. Nanduk-nen kwarugwi mende ereba-ge meme rak puruk, mondok yebet kujwa bug-o.

YESAYA 66:22

Mbal min nggweyak min ngget ndak worak pidnak an namawi-nen kondok tak puruk wolma iri nggal-et, kit-nen wigarak min kit kunnu min-e pem irit wolma-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 19:27

Yosoloma-ge, Peterus-nen yosolar-e: ”Nde, nit perak nunggwirig-o? Nir-e yi mende ndi mende oboksa keyap tak puruk, kat kimin nili-o. No mende nde wanul-o?” luk yij-o.

MATIUS 20:21

Nggi yosoloma-ge, Yesus-nen kwe iri na yak tosolar-e: ”Kar-e no wok kururak min yigen-o?” luk yak tosoloma-ge, kwe iri-nen at yak tosolar-e: ”Kar-e abok nagawan men yugun tarem-e an nilirak ya-ge kinggi kigit nggwe, kware nggwe koreyak unpurak irit nindingen-o” luk yak tij-o.

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MATIUS 6:33

Alat nde, kit-nen Mbal Pem Nagawan-nen tenagaidnak wi min at-nen lud tak nak tak onposo elem min nanduk tak pugupndig-e, iri mende oboksa wok kunduwar-o.

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

MARAKUS 10:37

Yak ondosoloma-ge, it-nen at yak togolar-e: ”Kat nagawan yosola tarem-e nir-e kat kinggi kigit nggwe, kware nggwe koreyak nunpurag-e nindingen-o” luk yak tiga-t nde,

YIDNAK YIDNAK WENE 3:21

Mbal Pem Nagawan-nen yidnak wene-ge at ene lomboksa yugwi nap marak nap obi-net enmendam tak pidnak wene iri pidsa iminep mbarak puwa tarem-net Yesus iri-ge aid arem-et wolma-o.

2 TIMOTIUS 2:12

Nde, nir-e neneyak linggirik nde wulmulndig-e, at imin nagawan wulmul-o. Nde, nit-nen nde at imin-e ’Naru bug-o’ luk yogola-ge, at-nen na nit ninmin-e ’Naru bug-er-o’ luk yuwa-o.

YOSUA 3:12

Nde, yawo Isarael nap kenlem duabelas irit wosa ap duabelas lenak enper-o.

2 PETERUS 3:13

Alat nde, Mbal Pem Nagawan-nen urul pidnak mbal ngget min nggweyak ngget min iri na-ge lud tak nak kwarogolat woralik nalik momtak iri na nir-e yik karok worali-o.

NAM PARA WENE 11:16

Nde, Mbal Pem Nagawan urugwe nggwe nagawan koreyak woragwi bem koreyak woragwi enne kulugwi nap dua pulu empat (24) ereya na-ge entare nggwe yud tud mburuk, Mbal Pem Nagawan erembel wanogolat-nen

NAM PARA WENE 12:1

Iri luk, mbal pem-nen kwiye worak mende nggulok misik nam agaij-o. Iri-ge kwe misik molengen-e usum nggal yirik, waneya bem mendak worasolat, nagawan-nen yurugwi topi wonaru duabelas-nen konidnak iri anggul pem pago irit nam agaij-o.

NAM PARA WENE 20:4

Iri luk, an yik kaginggal-e, nagawan-nen koreyak woragwi ondoro kwarat kagi-o. Nde, ereba na bem-e ap enpem wene mbaruwakluk amawi wok indidnak nap yere kore eneyagi-o. Nde, tuguruk yik kaginggal-e, ir-e Yesus owene kinggiridnak pem-nen na, Mbal Pem Nagawan-nen yidnak wene timbiridnak pem-nen na unlusu mbaridnak nap inndi nde eneyagi-o. Nde, it iri-ge ndakngge isilepma worak min at abage nggal ndak worak na min erembel wanigit lak, it inmbiriwak pem-nen na, ininggi bem-nen na ndakngge isilepma worak-nen idnak yenggerak purak mende enpem pigit lak nab-o. It iri na unluk lug-e, olengen seribu (1,000) woragolar-e, Kerisut imin nagawan nggal wolma-o.

NAM PARA WENE 21:5

Iri luk, at nagawan-nen koreyak woraso ondoro bem koreyak worasu na-nen yosolar-e: ”An-nen-e yi mende ndi mende oboksa ngget mende nak ndak worak pusu-o!” luk yij-o. Iri luk, at-nen yak norosolar-e: ”Wene yeba-ge ndemerer-o luk inndi angin tubu yurak wene me, engga bem mbari-o” luk yak nirij-o.

NAM PARA WENE 22:2

o siri iri na tula ombolwak enggendumu nggwe-t mbirij-o. Nde, yi iri eyak ponok ponog-e unlug-et wolmomtak e irit ya-o. E ereba na-ge olengen misiget arem-e engen perenak woralar-e, duabelas pem poso-o. Iri posolar-e, waneya irit wosa perenak woraso-o. Nde, e ereba na angga bem-nen-e ap enlem oboksa ki rak unpugwi-o.

NAM PARA WENE 22:5

Ndamug-e mondok lak me, Mbal Pem Nagawan eyaya nak-nen it yaya rak onposolat wolma me, tal min mo eyaya min iri-ge ir-e ukwe yuwa bug-o. Nde, ir-e nagawan luk, pem-et woralik nalik irit wolma-o.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.

NAM PARA WENE 4:4

Nde, nagawan koreyak woraso ondoro iri eralu inggi inggi-ge nagawan-nen koreyak woragwi ondoro dua pulu empat (24) iri na bem-e ap enne kulugwi yok nggok dua pulu empat (24) unsum-e loro yirik, enanggul pem-e emas-nen konidnak nagawan-nen yurugwi topi pago, koreyak eneyagi-o.

NAM PARA WENE 7:4

Iri luk, an kuliginggal-e ap lambuksa seratus empat pulu empat ribu (144,000) iri-ge Mbal Pem Nagawan-nen idnak lop nok tak pugwi mende-ge it inmbiriwak pem pidnak wene yak niriga-o. Nde, ap ereba-ge Isarael nap enlem duabelas ennggendumu-nen ya lit nda lit wok inpidnag-o.