MATIUS 19:27 - Nanduk Ngget Tul Pidnak Wene

²⁷ Yosoloma-ge, Peterus-nen yosolar-e: ”Nde, nit perak nunggwirig-o? Nir-e yi mende ndi mende oboksa keyap tak puruk, kat kimin nili-o. No mende nde wanul-o?” luk yij-o.

MATIUS 19:27 ပူးပေါင်းရင်းမြစ်များ

MATIUS 19:26

Yogolikma-ge, Yesus na it yik eneyasolat-nen yak ondosolar-e: ”Ki nap-nen iri kwarurag-e meya-t nde, Mbal Pem Nagawan-nen-e yi mende ndi mende kwarurag-e ndak-net yusu-o” luk yij-o.

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MATIUS 9:9

Iri luk, Yesus-nen o iri na me keya buruk mborosoma-ge, pemerinta enmanggim tol ndok woroso nap unu-ge Matius iri na-ge at tol ndok woroso o ma koreyak worasoma kagaij-o. Karuk yarig-e, at-nen ap iri na yak tosolar-e: ”An nimin ni-o” luk yak tosoloma-ge, Matius iri na men lug-e, Yesus imin mbirij-o.

MARAKUS 10:28

Yak ondosoloma-ge, Peterus-nen Yesus yak tosolar-e: ”Yu nde ki-o. Nir-e kat kimin nurak pem yi mende ndi mende keya bige-o” luk yak tij-o.

MARAKUS 2:14

Iri luk, Yesus na mborosolat-nen yik kagaidnggal-e, Alpius ambara pemerinta enmanggim tol ndok woroso nap Lewi iri-ge tol ndok wurugwi o ma koreyak worasoma, yik kagaij-o. Yik karug-e, Yesus-nen yak tosolar-e: ”Nenmberek mburuwok-nen lobok yi-o” luk yak tosola ereya na-net Lewi na men luk, at imin mbirij-o.

LUKAS 14:33

”Iri ngglal-et kit kennggendumu-nen ap misiger-o luk tet kit kinsilobulo pidsa ’Nimbir-o’ luk keya bigit lak-nen-e an nimbirik noso nap kwat momtag-e meya-o” luk Yesus-nen yij-o.

LUKAS 15:29

Alat nde, owe na-nen eid na ene erep nggarosolar-e: ’Yu nde ki-o. An-e olengen lasolat mbosolat kat kwara ndegel kobosolat, kat-nen yidnak yidnak nak kwarosolat woragi-t nde, kar-e no wok nirigen-o? An nanggamirak inmin kijak wuruwaklug-e, kambing wam misiget ter-o luk wok niriget lak yigen-o.

LUKAS 18:28

Yosoloma-ge, Peterus-nen yosolar-e: ”Nir-e nenarenggi nenarengge keya buruk, kat kimin nili yu nde ki-o!” luk yosoloma-ge.

LUKAS 5:11

Yak tosoloma-ge, ir-e ene koma ya na lesa wesu bem puruk, it enarengge oboksa yumbuk kuruk, Yesus imin mbiriga-o.

1 KORINTUS 1:29

Iri bem-e, ap misiger-o luk tet Mbal Pem Nagawan imbiri bem at ondomok indi kek tak purag-e meya-o.

1 KORINTUS 4:7

Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?

TUGURUK YIDNAK WENE 33:9

Nde, it ineid iniya min onowe onowot min nen yidnag-e marik tak puruk, kat-nen yidnak yidnag-et tugup lak kwariga-o. Kat-nen enpem pidnag-e ndak ndag-et kwarogolat, kat-nen urul yak indidnag-e iri na-t kwarogolat woraiga-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,