MATIUS 19:22 - Nanduk Ngget Tul Pidnak Wene

²² Yak tosoloma-ge, ap sugwe iri na-nen wene iri kuluruk yarik, at isilobulo-ge, mondok kwarat me, indi angin-nen indi puru luk mbirij-o.

MATIUS 19:22 ပူးပေါင်းရင်းမြစ်များ

YESKIEL 33:31

Iri luk, nggwid nggwid lobok yogolar-e, an nilirak nggal kwasa kore luk, kat kene kulili-t nde, kat-nen enpem pusu ereba na ir-e kwatli bug-o. It enemnde bem-nen-e enabuwa kagwi wene wirik pili-t nde, inndi arem-nen-e it ondomok ukwe ukwe mende lesa wanurak iri nak yebet kali-o.

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

MATIUS 14:9

Iri yosoloma-ge, nagawan-nen-e umud kwarat kagaij-et nde, at-nen yonggo inpid nap kwarat ereba na inmbiri bem wog-et kirimin-o luk owak mbaridnak me, at-nen-e: ”La kwe yu-nen nggi yid irit kwasa wok til lobok yer-o” luk wene yak indij-o.

MATIUS 16:26

Nde, ap mbi-nen-e o nggweyak yu oboksa winde yuwa-t nde, at ondomok indi pul marig-e, no nde lesa wanuwa-o? Mondok lag-o. At uruk wolmomtak iri na-ge yi mende ndi mende min onggo onggo rak purag-e ndag-a?

MATIUS 19:21

Yosoloma-ge, Yesus-nen at yak tosolar-e: ”Kar-e iminep mbarak wolmomtak kindingen ala-ge, mburugundik, kisilobulo pidsa onggo waga uwang ndok wurugun iri-ge insilobulo lak nap tembesa wok undugunmu-ge, lobok yugundik, an nimin ni-o. Iri yugundik pem-e aid arem-nen karengge mondok kwarat winde yugun-o” luk yak tij-o.

MATIUS 19:23

Mborosoloma-ge, Yesus-nen at owosirak yak ondosolar-e: ”An yak kendeyeg-o: Insilobulo kwarat winde nab-e Mbal Pem Nagawan-nen tenagaidnak wi nggurag-e angin worak-nen yusu-o.

MATIUS 6:24

”Ap misik-nen-e eidtak mberentak ndegel unpugwi bug-o. Nde, iri kwarogolar-e, eid misik iri na isili rak posolat, misik iri na abuwa kujwa nde ma-o. Are, misik iri na kwara ndegel obosolat, nde, misik na kwara ndegel ibigit lak yosolat ma-o. Iri nggal, kit-nen na Mbal Pem Nagawan min nggweyak ma mende mberen ndugururag-e meyar-o.

MARAKUS 10:22

Iri wene yak tosola karug-e, at isilobulo kwarat me, at indi kabak luk, indi puru min-et mbirij-o.

MARAKUS 6:26

Yosoloma-ge, nagawan iri-ge indi angin kwarat yij-et nde, at-nen-e: ”Wog-et kirimin-o” luk at-nen yonggo inpidnak nap inmbiri bem owak mbaridnak me, larok yurag-e meya agaij-o.

LUKAS 18:23

Alat nde, wene na kulurug-e, ap iri na isilobulo kwarat me, indi puru pera yij-o.

YOANES 16:20

An-e ndemeret yak kundusu-o. Kit-nen-e yip togolat, yip kondok lud mbogolat yugub-o. Nde, nggweyak ma nap-nen-o enalen kujwa-o. Nde, kit kinndi puru pera yugup na-t nde, kinndi puru pera yugup na nden yaga kenalen yugub-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.