MATIUS 19:21 - Nanduk Ngget Tul Pidnak Wene

²¹ Yosoloma-ge, Yesus-nen at yak tosolar-e: ”Kar-e iminep mbarak wolmomtak kindingen ala-ge, mburugundik, kisilobulo pidsa onggo waga uwang ndok wurugun iri-ge insilobulo lak nap tembesa wok undugunmu-ge, lobok yugundik, an nimin ni-o. Iri yugundik pem-e aid arem-nen karengge mondok kwarat winde yugun-o” luk yak tij-o.

MATIUS 19:21 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 6:9

Nu woraidnak wene-ge yu-o. Nde, Nu elirak ap nak kenan unnu-ge Sem min Am min Yapet min woraiga-o. Nde, Nu na woralar-e, meya mbi kwarigit lak irit woralar-e, at woragid tarem ereya-ge at arig-et nak konak nap irit woragij-o. Woralar-e, Mbal Pem Nagawan imin panggarak irit woragij-et nde,

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

NDAWI ENGGA 37:37

Konak nap, ondomok indi-net mot mot kwaroso nap iri na kwara lombot pi-o. Ap kona lambuk tak wolmomtak yebet kasu nab-e at-nen wigarak wolma-t nde,

MATIUS 16:24

Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

MATIUS 19:20

Yosoloma-ge, ap sugwe iri-nen wene erep nggarosolar-e: ”Wene ereya oboksa-ge an-e kwat tenak woraso-o. Nde, an-nen kwaroso bug-e no mende-o?” luk yij-o.

MATIUS 19:22

Yak tosoloma-ge, ap sugwe iri na-nen wene iri kuluruk yarik, at isilobulo-ge, mondok kwarat me, indi angin-nen indi puru luk mbirij-o.

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MATIUS 4:19

Yesus-nen it yak ondosolar-e: ”An langgal nuburuk nak mer-o. Iri ala-ge, keyane wanugwi nggal ap wanugwi nap tak kinpimin-o” luk yak indij-o.

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

MATIUS 8:22

Yosoloma-ge, Yesus-nen wene erep nggarosolar-e: ”An nimin ni-o. Ap wat yidnak iri-ge wat yidnak nap-nen yapma puwag-o” luk yij-o.

MATIUS 9:9

Iri luk, Yesus-nen o iri na me keya buruk mborosoma-ge, pemerinta enmanggim tol ndok woroso nap unu-ge Matius iri na-ge at tol ndok woroso o ma koreyak worasoma kagaij-o. Karuk yarig-e, at-nen ap iri na yak tosolar-e: ”An nimin ni-o” luk yak tosoloma-ge, Matius iri na men lug-e, Yesus imin mbirij-o.

MARAKUS 10:21

Yosola-ge, Yesus-nen ap iri na yik karuk, abuwa kasoluk-nen yak tosolar-e: ”Kat-nen kwarurak mende-ge misiget nak keya bigen-o. Kat mburugundik kisilobulo pidsa onggo wanuruk, tol iri-ge insilobulo lak nap tembesa wok unduruk, lobok yosolar-e, an nimin ni-o. Iri yugundik pem-e, aid arem-nen silobulo kwarat wanugun-o” luk yak tij-o.

MARAKUS 2:14

Iri luk, Yesus na mborosolat-nen yik kagaidnggal-e, Alpius ambara pemerinta enmanggim tol ndok woroso nap Lewi iri-ge tol ndok wurugwi o ma koreyak worasoma, yik kagaij-o. Yik karug-e, Yesus-nen yak tosolar-e: ”Nenmberek mburuwok-nen lobok yi-o” luk yak tosola ereya na-net Lewi na men luk, at imin mbirij-o.

MARAKUS 8:34

Yak turug-e, ap kwarat min at owosirak inmin wene mbo unpuruk-nen it na yak ondosolar-e: ”Ap-nen nimbirik nurak ala-ge, at-net at ambikpebe isili rak puruk, e lang pang tak ebem pidnak na pijanuruk, an nimbirik nuwag-o.

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 14:33

”Iri ngglal-et kit kennggendumu-nen ap misiger-o luk tet kit kinsilobulo pidsa ’Nimbir-o’ luk keya bigit lak-nen-e an nimbirik noso nap kwat momtag-e meya-o” luk Yesus-nen yij-o.

LUKAS 16:9

Yurug-e Yesus-nen yosolar-e: ”An yak kendeyeg-o. Nggweyak ma mende yu-nen-e kanggamirak momtak nap indi yangoner-o. Iri ala-ge, nggweyak ma mende na lak ma-t nde, unlug-et pem wolmomtak sa-nen wok kunpuwa-o.

LUKAS 18:22

Iri yosoloma kulurug-e, Yesus-nen at yak tosolar-e: ”Kat-nen mondok kwarurak mende misiget mbi keya bigen-o. Kat karengge pidsa onggo wanosoluk, onggo wanidnak tengge na insilobulo lak nap tembesa wok undugunmu-ge, an nimin ni-o. Iri yugundik pem-e aid arem-nen silobulo kwarat winde yugun-o” luk yak tij-o.

LUKAS 5:27

Iri lug-e, Yesus na mbepme mborosolat yik kagaidnggal-e, pemerinta enmanggim tol ndok woroso nap mbi unu-ge Lewi iri-ge tol ndok woroso ma koreyak worala, kagaij-o. Karug-e, Yesus-nen ap iri yak tosolar-e: ”An nimin ni-o” luk yak tij-o.

LUKAS 6:40

Mul ondogola kulugwi nap-nen-e it mul undugwi nap nggal kek tag-e lag-o. Alat nde, mul indidnak wene na pidsa enaru luk-nen perak nde, it mul undugwi nap inmin ndak ndak kwat yugwi-o.

LUKAS 9:23

Iri luk, Yesus-nen it pidsa yak ondosolar-e: ”Ta-nen nde an nimbirik nurak perasolar-e, at-nen nggok tak poso mende pidsa keya buruk, at-nen idnak e lang pang tak na pempa-n kud turuk, an nimbirik nosolat wolmag-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YIDNAK YIDNAK WENE 2:45

It onggweyak min insilobulo min onggo wanuruk, tol-e tembesa ap pidsa ndak ndak wok ondogolat woraiga-o.

IBERANI 10:34

Kir-e o kubu me inpil nggwidnak nap na inmin lambuksa andi kaidnak nggal kagolat woraigeb-o. Nde, kinsilobulo na mengga wanogola-t nde, kit kenalen min-et woraigeb iri-ge, an narengge namanggim pidnak terak minik konak pem-et wolmomtak mende-ge worasur-o peragoluk-nen kwarigeb-o.