MATIUS 19:19 - Nanduk Ngget Tul Pidnak Wene

¹⁹ Keid kiya-nen yidnak yidnak kwarosolat wuri-o. Kat kambik kabuwa kasu nggal-et kat kimin woragwi nap enabuwa ki-o” luk yij-o.

MATIUS 19:19 ပူးပေါင်းရင်းမြစ်များ

MBIRIGA WENE 20:12

An-nen wok kindimin o iri me woragolat, kunluk mot pem-et woraboklug-e, kineid kiniya kek tak onpogolat wolmomtag-o.

NGGOMO WENE 30:17

Ta-nen eid ija inndi worak ereba na pesel onposola-ge, erengen-e towe ijamu-nen kela keya bosolat, nde, ebe-ge towe ud-nen mbarosolat makluk, mbo uburak ndag-et mbo ubuwa-o.

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

TEPAN OMBO-NEN KWARURAK WENE 19:3

Kit kenambiktak-nen kineid kiniya-nen yidnak yidnag-et kwarogolat wolmomtag-o. An-nen yidnak ndak ndag-et we woragi tarem (Sabat) irit yebet kagolat wolmer-o. An-e Nagawan Indo Kenmbal Pem Nagawan-nen yusu-o.

MATIUS 19:20

Yosoloma-ge, ap sugwe iri-nen wene erep nggarosolar-e: ”Wene ereya oboksa-ge an-e kwat tenak woraso-o. Nde, an-nen kwaroso bug-e no mende-o?” luk yij-o.

MATIUS 22:39

Nde, imiri mbarak pidnak wene iri min ndak ndak wene nggok misig-e: ’Kat kambik kabuwa kasu nggal, kat kimin woragwi nap na enabuwa ki-o.’

MATIUS 5:43

Nde ’Kat kanggamirak nde enabuwa kudtag-o. Nde, kat kimin sirid nap perak nde kisili rak unpurag-o’ luk yidnak wene yu-ge kir-e kulugwi nar-o.

LUKAS 10:27

Yosoloma-ge, ap iri-nen yosolar-e: ” ’Nagawan Indo Kenmbal Pem Nagawan iri abuwa kagolar-e, kinndi oboksa min kenpe oboksa min kenmawi oboksa min kinndi nggat nggat oboksa min-net at abuwa kagolat wolmer-o’ lug-e, ’Kat kambik kabuwa kasu nggal-et kimin woragwi nap enabuwa ki-o’ yidnak nde kaso-o” luk yij-o.

OROMA 13:9

Imiri mbarak pidnak wene-nen yosolar-e: ”Mbabi yurak pug-o. Ap wururak pug-o. Yariya wanurak pug-o. Ap insilobulo ukwe ukwe yurak pug-o” luk yidnak wene oboksa min ”Iri nggal kwaru-o” luk yidnak wene erep na min lambuksa wene misiget tak posolar-e: ”Kat kambik kabuwa kasu nggal, kimin worali nap enabuwa kasolat wolmin-o” luk yij-o.

NGGALATIA 5:14

Nde, imiri mbarak pidnak wene oboksa-ge wene misiget nak arem worasu-o. Wene iri-nen yosolar-e: ”Kat kambik kabuwa kasu nggal, kat kimin woragwi nap enabuwa kasolat wolmin-o” luk yij-o.

YAKOBUS 2:8

Imiri mbarak pidnak wene owak ndum Mbal Pem Nagawan engga bem-nen yosolar-e: ”Kat kambik kabuwa kasu nggal-et kat keralu nap na enabuwa ki-o” luk iri yidnak iri na-t kwatli ala-ge, ob-et kwatli-o.