MATIUS 18:9 - Nanduk Ngget Tul Pidnak Wene

⁹ Nde, kat kerengen-nen kat meya rak kobosola-ge, kela mbo bi-o. Kat kerengen misiget nag-et nde, kuruk wolmomtag-e ob-o. Nde, kat kerengen mberen parugu-t nde, kan mare arem kibil nggurag-e meya-o.

MATIUS 18:9 ပူးပေါင်းရင်းမြစ်များ

MATIUS 16:26

Nde, ap mbi-nen-e o nggweyak yu oboksa winde yuwa-t nde, at ondomok indi pul marig-e, no nde lesa wanuwa-o? Mondok lag-o. At uruk wolmomtak iri na-ge yi mende ndi mende min onggo onggo rak purag-e ndag-a?

MATIUS 18:8

Nde, kat kinggi ala-nen na, kat kijok ala-nen na, kat meya rak kobosola-ge, mbara mbo bi-o. Kat kinggi min kat kijok min mbarag-et nde, kebe kuruk wolmomtag-e ob-o. Nde, kat kinggi mberen min kat kijok mberen min kundugu-t nde, nigi yoso buk kan mare arem kibil nggurag-e meya-o.

MATIUS 19:17

Yosoloma-ge, Yesus-nen at yak tosolar-e: ”Kar-e noluk-nen konak kwarurak wene iri an kin wok nubusu-o? Konag-e misiget nak Mbal Pem Nagawan-et worasu-o. Kar-e kuruk wolmomtak elem iri wanurak kindi perasolar-e, imiri mbarak pidnak wene iri-ge mondok kwarosolat wolmin-o” luk yak tij-o.

MATIUS 5:22

Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.

MATIUS 5:29

Nde, kerengen kigit nggwe iri-nen ndowaga meya rak kobosola-ge, kerengen na kela mbo bi-o. Kat kebe ebis-et kan mare arem mbo kubuwa naru, kat kerengen misiget iri lak tak purak perak nde ob-o.

MARAKUS 9:47

Kat kerengen-nen nde meya rak kobosola-ge, kerengen kela wabi-o. Kat kerengen misiget nak-nen Mbal Pem Nagawan-nen tenagaidnak wi nggurag-e konag-o. Nde, kat kerengen mberen parugu kan mare arem nggurag-e meya-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

IBERANI 4:11

Iri bem-e it nanduk inndi angin tubu yigit lak yidnak pem nggwigit lak yiga na nggal, Mbal Pem Nagawan indisep kwaroso sa nit nennggendumu ap misiget ter-o luk nggwigit lak yul-o luk Mbal Pem Nagawan indisep kwaroso sa iri me nggurak pem kwara lombok nenmawi kunduwog-o.

NAM PARA WENE 21:27

Alat nde, mbilaro ngin mende-ge iri me mondok ngguwa bug-o. Nde, kwarugwi buk mende kwarugwi min enesiget yugwi min na iri me mondok ngguwa bug-o. Are, Lomba Wam Marik-nen idnak unluk nak wolmomtak engga iri bem unnu mbarak nap nak-nen perak nde o siri iri me nggurak worasu-o.