MATIUS 18:8 - Nanduk Ngget Tul Pidnak Wene

⁸ Nde, kat kinggi ala-nen na, kat kijok ala-nen na, kat meya rak kobosola-ge, mbara mbo bi-o. Kat kinggi min kat kijok min mbarag-et nde, kebe kuruk wolmomtag-e ob-o. Nde, kat kinggi mberen min kat kijok mberen min kundugu-t nde, nigi yoso buk kan mare arem kibil nggurag-e meya-o.

MATIUS 18:8 ပူးပေါင်းရင်းမြစ်များ

YESAYA 33:14

Nde, meya yugwi nap Sion woragwi nap-nen kwiye-nen lele yogolat-nen yogolar-e: ”Mbal Pem Nagawan-nen nggaruksa mbaroso wene-ge kan amare pempa lasolat nak woraso iri na nggal-nen yusu-o. Nde, nit nennggendumu-nen-e lak tak poso kanduk iri arem-et lembe luk wolmomtag-e ndag-er-a?” luk yili-o.

YESKIEL 18:31

Kit-nen meya kwarogolat woragwi iri keya buruk, kit kinndi min kit-nen yebet kagwi min ngget tak puruk wolmer-o. Noluk-nen kir-e wat yurak tula kore yili-o?

MATIUS 17:27

Alat nde, it iri na mbud tak unpurak kerep nggal kwarul naru, kat yi ma mburugundik, keyane wanugwi sugulud mberak pi-o. Nde, nanduk-net ulok ma keyane na wanugundig-e, emende penggera pak kasoma-ge, kerep tol misik kagun-o. Tol iri na wanosoluk, nit nenmberek nenmanggim it na wok indil mbiri-o” luk yak tij-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

LUKAS 14:33

”Iri ngglal-et kit kennggendumu-nen ap misiger-o luk tet kit kinsilobulo pidsa ’Nimbir-o’ luk keya bigit lak-nen-e an nimbirik noso nap kwat momtag-e meya-o” luk Yesus-nen yij-o.

LUKAS 16:24

Eneyarug-e, isilobulo worak nap na-nen ene ngguloksa yosolar-e: ’Neid Abaram wa-e. An-e kanduk arem yane wat tenak worasu yu-ge, kar-e an nabuwa kasolar-e, Lasarus iri yak ti-o. Inggi yi ma buruk, an nama imin tak puwak-nen yak ti-o’ luk yij-o.

OROMA 13:12

Kubu lak yosolat, o nda yurak panggo yusu-o. Iri bem-e nit-nen-e ndamuk arem-nen kwarugwi mende keya buruk, yaya bem-nen wim mbarugwi san wanuwog-o.

NAM PARA WENE 14:10

iri yidnak nap-nen-e Mbal Pem Nagawan-nen idnak anggut engen amburu iri nujwa-o! Anggut engen amburu iri-ge Mbal Pem Nagawan isilepma na-ge mariget tet nin tak pigit lak iniksa-t idmbe arem woranggasa pil nggwidnak iri na nujwa-o! Nde, it iri na oboksa-ge andi bandi rak onposolar-e, lenak inpidnak aid nap min Lomba Wam Marik min enlengen pem-et kanduk min kule emben meya (belerang) min-nen andi bandi rak onposolat wolma-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.