MATIUS 18:28 - Nanduk Ngget Tul Pidnak Wene

²⁸ Iri luk, ndegel poso nap yu na mbiridnggal-e, at anggam yabu misiget erep wanoso nap misik iri na imin lid pid lug-e, at anggam na-ge at arengge namat wanidnag-e mariget nggal (seribu rupiah) wanidnak me, ap yu na-nen anggam iri na lombok tarik, urusu magosolat-nen yak tosolar-e: ’An narengge namat wanigen iri na-ge ndag-et nak uwi yagi-o’ luk yak tij-o.

MATIUS 18:28 ပူးပေါင်းရင်းမြစ်များ

YESAYA 58:3

Nde, it ap enlem iri na-nen yogolar-e: ”No manggim-nen Nagawan Indo-ge neneyagit lak worala-t nde, nit nak-nen nunggwi mende ninggit lak, tepan nak yogolat, at-nen-e kwara lombot ninpigit lak yosola-t nde, nit nak-nen at eram tebe yili-o?” luk yogola, Nagawan Indo-nen yosolar-e: ”Kit-nen nunggwi mende keya buruk, tepan nak yogolar-et nde, kit kondomok-nen ukwe pidnak ereba na kore yogolat, onggo wok undurak pem keneyabu wanugwi nap enmberam lali-o.

MATIUS 18:27

Iri yosoloma-ge, at nagawan iri na-ge at abuwa karuk, namat wanidnak iri-ge yemenda keya buruk, we wirik pij-o.

MATIUS 18:29

Yak tosoloma-ge, at anggam iri na-ge at yu eralu mbud luk, at emengen mbarosolar-e: ’Nab-o. Pug-o. Karengge namat wanigi iri-ge uwi-t yagimin-o’ luk yij-o.

MATIUS 20:2

Mberarik, yabu winde iri-nen it inmin wene mbarosolar-e: ’Yabu wanugup onggo-ge misiget tarem wanidnak pem-e tol misiget irit wok kindimin-o’ luk yak ondosoloma, it-nen-e ’Ob-o’ yogola karuk, yabu wil mburuwakluk ndimirik inpij-o.

MARAKUS 14:5

Emben worak yi yu onggo uwang kwarat wanuruk insilobulo lak nap wok undurag-et nde-o” luk insilepma min-et kwe na met ibiga-o.

MARAKUS 6:37

Iri yak tiga-t nde, Yesus-nen it yak ondosolar-e: ”Kit-net nunggwi mende mak ender-o” luk yak ondosoloma-ge, it-nen yak togolar-e: ”Po! Nit nontol 200 ya bem nak-nen wanidnak mburu-ge it yeba ndak mak undul-a?” luk yak tiga-o.

LUKAS 10:35

Nene luk, kub-e at orol mberen wanuruk, o iri na winde wok tosolat-nen yak tosolar-e: ’Ap yu-ge yongga worosolat wolmin-o. Nde, at yongga wururak pem uwang pugun iri-ge an tuguruk lobok yosolar-e, uwi yagimin-o’ luk yak tij-o” luk Yesus-nen yij-o.

LUKAS 7:41

Yosoloma-ge, Yesus-nen yosolar-e: ”Mberen nap-nen-e ap misik ebem tuguruk uwi yagurak pem uang-e misig-e limaratus urupia nggal, nde, misig-e limapulu urupia nggal wanigarik woraiga-o.

YOANES 6:7

Yak tosoloma-ge, Pilipus-nen yosolar-e: ”Ap kwarat me, uwang-e seratus dua pulu lima ribu rupia (Rp. 125,000) nggal pem-nen mburu onggo pidnag-et nde, marig-et marig-et nonggolat-nen ndak ma-ge lag-o” luk yij-o.