MATIUS 18:26 - Nanduk Ngget Tul Pidnak Wene

²⁶ Iri yosoloma-ge, ndegel poso nap iri na-ge at nagawan eralu mbud yarik, at emengen mbarosolar-e: ’Nab-o. Pug-o. Namat wanigi iri-ge oboksa uwi-t yagimin-o’ luk yij-o.

MATIUS 18:26 ပူးပေါင်းရင်းမြစ်များ

MATIUS 18:29

Yak tosoloma-ge, at anggam iri na-ge at yu eralu mbud luk, at emengen mbarosolar-e: ’Nab-o. Pug-o. Karengge namat wanigi iri-ge uwi-t yagimin-o’ luk yij-o.

MATIUS 2:11

O ma iri nggwiganggal-e, la marik na ija Maria imin worasoma, kaiga-o. Karug-e, la iri na eram tud luk, at erembel waniga-o. Iri rak purug-e, it insilobulo yarak woraso unsum munen-e emas posid min kemenyan emben worak amburu min mut emben worak amburu min kenangga we irit wok tiga-o.

MATIUS 8:2

Iri tarem-e ndigiril laso mbijap ebem mbidnak nap misig-e at eram lobok yarik, at eralu tud luk-nen yak tosolar-e: ”Nap wa-e. Kat-nen nde an ud yu ambut tak nuburak kindingen ala-ge, ambut tak nibi-o” luk yak tij-o.

LUKAS 7:43

Yosoloma-ge, Simon-nen yosolar-e: ”An nindi-nen perasolar-e, namat nggulok mbarak ibidnak nap na-t at abuwa nggulok nde kagaid perasu-o” luk yij-o. Yosoloma-ge, Yesus-nen at yak tosolar-e: ”E! Wene yigen iri-ge ludsa-t yigen-o” luk yak tij-o.

OROMA 10:3

Mbal Pem Nagawan-nen ap lud tak nak unpurak kwaroso iri-ge ir-e nenaru buk me, it inndi-n pidnak pem lud tak nak unpuwa-o luk peragolar-e, ir-e Mbal Pem Nagawan indi-nen pidnak na kwatli bug-o.