MATIUS 18:23 - Nanduk Ngget Tul Pidnak Wene

²³ Iri bem-e, Mbal Pem Nagawan-nen tenagaidnak wi iri-ge yu nggal-nen yusu-o: Nagawan misig-e at ndegel pugwi nap-nen at arengge namat waniga ereba na uwi yagurak peragaij-o.

MATIUS 18:23 ပူးပေါင်းရင်းမြစ်များ

MATIUS 13:24

Yesus-nen nden karuk wene misik it yak ondosolar-e: ”Mbal Pem Nagawan-nen tenagaidnak wi iri-ge ap mbi-nen konak uwi at eyapmu pil kagaid iri nggal-nen yusu-o.

MATIUS 13:31

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge sawi uwi nggal-nen yusu-o. Nde ap misik-nen sawi uwi iri-ge at eyapmu yagaidj-o.

MATIUS 13:33

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge oroti lomboroso mende nggal-nen yusu-o. Kwe misik-nen oroti lomboroso mende waga mbato togolwak kenan kobong tag-et nde, imin puruk, omok worosola-ge, pidsa lomboroso-o” luk yij-o.

MATIUS 13:47

”Iri nggal-et Mbal Pem Nagawan-nen tenagaidnak wi iri-ge keyane wanugwi sum misik yi koma arem mberak pogola, keyane nin tak nan tak yat yoso sum iri nggal-nen yusu-o.

MATIUS 13:52

Yogolikma-ge, at-nen it yak ondosolar-e: ”Iri ala-ge, engga aru nab-et nde, Mbal Pem Nagawan-nen tenagaidnak wi wene wanoso nap kwat yosolar-e, o winde-nen at-nen ndok worak poso sa iri arem-nen at arengge ngget mende nde obi mende nde wirik poso iri nggal-nen yusu-o” luk yij-o.

MATIUS 18:24

Namat wanidnak ereba na uwi yaguwakluk, mbenaridnggal-e, it-nen pil lobok yogolar-e, nagawan na arengge namat wanosolar-e, tol mondok wonarurak puk nggal (berjuta juta rupiah) wanidnak nap mbi pil lobok yiga-o.

MATIUS 25:1

”Iri tarem-e Mbal Pem Nagawan-nen tenagaidnak wi-ge yu nggal-et ma-o. Kwami ndugum sepulu iri-ge it ental wanogoluk, it wok unpurak nap imin lid pid yuwokluk mbiriga-o.

MATIUS 25:14

”Mbal Pem Nagawan-nen tenagaidnak wi-ge ap misig-e o nin sa mbereyekluk yosolar-e, ndegel ubugwi nap wene mbo unpuruk at arengge na at amanggim tena wolmakluk ininggem pid iri nggal-nen yusu-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 7:24

”Iri ala-ge, an-nen yidnak wene kuluruk, kulidnak iri ndak ndak kwaruwa nab-e, ap indi nggat nggat worak-nen at uwi worosolar-e, kerep pem wirid nap iri na nggal-nen yili-o.

OROMA 14:12

Iri ala-ge, nit oboksa nondomok tak-net kwaridnak iri-ge Mbal Pem Nagawan para yak tul-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.