MATIUS 18:17 - Nanduk Ngget Tul Pidnak Wene

¹⁷ Alat nde, at-nen nde it iri na enne na kuligit lak ala-ge, wene iri-ge lambuk tak inpidnak nap inmbiri bem-net yurag-o. Yukmu nde, at-nen-e lambuk tak inpidnak nap na enne na kuligit lag-et ala-ge, at iri na-ge Mbal Pem Nagawan aru buk nap nggal, pemerinta enmanggim tol ndok woroso nap nggal irit yik kagolat wolmomtag-o.

MATIUS 18:17 ပူးပေါင်းရင်းမြစ်များ

ESERA 6:21

Nde, wam wiriga ereba na-ge Isarael nap mbo inpidnak nap Mbabilonia-nen lobok yidnak nap ereba na oboksa min iri-nen o iri me woragwi nap it meya kwarugwi keya buruk, Nagawan Indo Isarael nap Enmbal Pem Nagawan erembel wanurak lobok yidnak nap min ereba na oboksa-nen ningga-o.

MATIUS 10:3

Pilipus min, Mbatolomeus min, Tomas min, pemerinta enmanggim tol ndok woroso nap Matius min, Alpius ambara Yakobus min, Tarius min,

MATIUS 11:19

Nde, Ap Ambara an lobok yosolar-e, mburu min yi min nasola karuk, it-nen yogolar-e: ’Nunggwi mende karum karum naso nap, anggut engen amburu ndonggosa naso nap, pemerinta enmanggim tol ndok wurugwi nap min meya yugwi nap min ennggam iri nde ker-o!’ Mbal Pem Nagawan indi tenggerak iri-ge at-nen kwaroso bem-nen enaru rak poso-o” luk yij-o.

MATIUS 5:46

Nde, kit-nen nde kit kenabuwa kagwi nap iri na nak enabuwa kagola-ge, no bem Mbal Pem Nagawan-nen onggo wok kunduwa-o? Pemerinta enmanggim tol ndok wurugwi nap-nen na iri nggal kwarugwi-net yusu-o!

MATIUS 6:7

Nde, kit-nen tepan yogolar-e, it Mbal Pem Nagawan enaru buk nap-nen tepan yogolar-e, wene ereya na nag-et tuguruk yik tenak worali iri na nggal yurak pug-o. It inndi-nen peragolar-e: ’Nit tepan motsa yul iri bem-net kuluwa-o’ luk perali-o.

LUKAS 15:1

Misik tarem-e pemerinta enmanggim tol ndok wurugwi nap min meya yugwi nap min kwarat Yesus-nen yidnak wene kuluwokluk ndok wiri-ga-o.

LUKAS 18:11

Nde, Parisi nap iri-ge men luk, indi arem-nen tepan yosolar-e: ’Mbal Pem Nagawan wa-e. An-e ap erep nggal-e lag-o. It ereb-e yariya wanugwi nap min lugud tak kwarugwi nap min uwingga mbarugwi nap min iri-ge an-e iri nggal kwaroso buk me, wa yak kurusu-o. An-e pemerinta enmanggim tol ndok woroso yu nggal-e lak me, wa yak kurusu-o.

1 KORINTUS 5:9

An-e engga kenmanggim mbarigi na bem-nen yak kondosolar-e: ”Kir-e mbabi yugwi nap inmin erep kundik wolmomtak pug-o” luk yak kindigi-t nde,

1 KORINTUS 6:1

Nde, kit kennggendumu-nen kit na kit-net ngguno pegerak mbidnak worala-ge, wene na mbaruwakluk marak nap endam mbururag-et nde, inndi angin tubu yigit lak nap endam mbururag-e ob-a?

2 TESALONIKA 3:6

Nennggamirak wa-e. Nennggamirak perari worak nap min nit-nen kit yak kindidnak wene iri na-nen yidnak yidnak kwarugwi buk nap min it endam-nen nuruksa wolmer-o luk, nir-e Nagawan Indo Yesus Kerisut unu bem-et kiri keresa yak kindili-o.

1 TIMOTIUS 6:5

yebet kagwi mende lak yidnak nap min ndemeret wene kabak tak pidnak nap min-nen pempa kundugu neyak puk keyak puk tenak worali-o. It-nen peragolar-e, aid wene iri bem-e silobulo terak lesa wanugwi-o luk perali-o.