MATIUS 18:13 - Nanduk Ngget Tul Pidnak Wene

¹³ An-e ndemeret yak kendeyeg-o: Ap iri na-ge olomba iri na kasolug-e, olomba misiget nak iri na bem alen-e mondok kwarat kujwa-t nde, pul yigit lak olomba sembilan puluh sembilan (99) ereba na bem-e alen-e marik nggal kujwa irir-o.

MATIUS 18:13 ပူးပေါင်းရင်းမြစ်များ

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

YESKIEL 34:4

Nde, lomba ndeyak ereba na-ge kir-e kwara ndigitli bug-o. Lomba ud worak ereba na-ge obat mak tili bug-o. Nde, ud ebem ereba na-ge kir-e nggitlik pili bug-o. Kabaksa pul yidnak lomba-ge kir-e kore yaga tuguruk waruk lobok yili bug-o. Are, ebem lud nde mondok lomba ereba na-ge lel mberel inpili-o.

MIKA 7:18

Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.

MATIUS 18:12

”Kir-e ngge nde perali-o? Ap misik olomba wam-e seratus (100) worasoma, olomba misik nde pul yuwama-ge, ap iri na-ge olomba sembilan puluh sembilan (99) ereba na-ge ndobo bem keya buruk, misiget pul yidnak iri na ogore yil mburuwa-ge lag-a?

MATIUS 18:14

Iri nggal-et kit Kineid aid arem woraso na li marik yu ennggendumu-nen la misiger-o luk tet pul momtak iri-ge ar-e perasu bug-o.”

1 KORINTUS 13:6

Ap enabuwa kagwi-ge lugud tak kwaridnak pem alen kaso bug-o. Alat nde, mot mot kwaridnak pem-e alin alen kaso-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.