MATIUS 18:12 - Nanduk Ngget Tul Pidnak Wene

¹² ”Kir-e ngge nde perali-o? Ap misik olomba wam-e seratus (100) worasoma, olomba misik nde pul yuwama-ge, ap iri na-ge olomba sembilan puluh sembilan (99) ereba na-ge ndobo bem keya buruk, misiget pul yidnak iri na ogore yil mburuwa-ge lag-a?

MATIUS 18:12 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 21:17

Iri kwarosola karuk, Nagawan Indo-nen at ene lomboksa yoso nap Tismbe nap Elia yak tosolar-e:

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

YESKIEL 34:12

Nde iri-ge lomba yik karok woraso nap-nen olomba nggilarak ndibi ndi rak ereba na kore luk, ndok wosa keya buruk ndogoroso iri na nggal-et kwarimin-o. An nolomba o muruk tak ndamuk tarem-nen yi wi ndi wi inpil mbiridnak ereba na-ge it nggilarak woragwi sa-nen wok unpuruk lobok yimin-o.

YESKIEL 34:16

Nolomba pul yuwa-ge kore yosolat, nde, kabak yuwa-ge waruk lobok yosolat, e elem wiridnak ala-ge, kamarak posolat, ud ala-ge, obat wok tosolat kwarimin-o. Alat nde, omok worak nggok min amawi worak min-e an-nen lak tak pimin-o. Iri kwarimin iri-ge an-e lomba wam yik karok woraso nap konak nak kwaroso me, konag-et kwarosolat-nen kwarimin-o.

YESKIEL 34:28

It iri-ge an enaru buk nap-nen-e nden unpuwa bug-o. Ndakngge isilepma worak-nen na mondok leben unpuwa bug-o. Ap-nen-e ir-e kwiye rak unpuwa bug-o. Ir-e enalen worak wisirik yamuksa irit wolma-o.

YESKIEL 34:4

Nde, lomba ndeyak ereba na-ge kir-e kwara ndigitli bug-o. Lomba ud worak ereba na-ge obat mak tili bug-o. Nde, ud ebem ereba na-ge kir-e nggitlik pili bug-o. Kabaksa pul yidnak lomba-ge kir-e kore yaga tuguruk waruk lobok yili bug-o. Are, ebem lud nde mondok lomba ereba na-ge lel mberel inpili-o.

YESKIEL 34:6

Iri yosolar-e, nolomba ereba na-ge ndobo kek tak pem ereba na-nen ndobo ndobo ereba na nggwe nggilarak mbu nusu-o. Nggilarak mbu nogolar-e, yi wi ndi wi oboksa it inmbiri nak woragola-ge, ap misiger-o luk mbi-nen inndi yebet kagolat, onkore yogolat kwatli bug-o’ luk yak kundusu-o.

MATIUS 12:11

Yak togolikma-ge, Yesus-nen it yak ondosolar-e: ”Kit kennggendumu ap mbi-nen olomba wam mbi we woragwi tarem-nen mbunmu mbuwama-ge, ombo iri-nen-e mbunmu-nen waga pil lujwa bug-a?

MATIUS 18:13

An-e ndemeret yak kendeyeg-o: Ap iri na-ge olomba iri na kasolug-e, olomba misiget nak iri na bem alen-e mondok kwarat kujwa-t nde, pul yigit lak olomba sembilan puluh sembilan (99) ereba na bem-e alen-e marik nggal kujwa irir-o.

MATIUS 21:28

”Wene yu-ge kit kinndi-nen-e ngge nde perali-o? Ap mbi ambararak mberen woragaij-o. At-nen-e ambara manggu iri na eram mberarik yak tosolar-e: ’Nambara wa-e. Yawo-ge kar-e anggut yapmu iri me yabu wil mbiri-o’ luk yak tij-o.

MATIUS 22:42

”Kerisut iri-ge kir-e ngge nde eberali-o? Ar-e ta ambara-nen yusu-o?” luk kin wok onposoma-ge, it-nen at yak togolar-e: ”Ar-e Ndaud ambara-nen yusu-o” luk yiga-o.

1 KORINTUS 10:15

Kir-e kinndi worak nap ala-nen yak kundusu-o. An-nen yigi wene yu-ge kit kondomok-nen mbenarer-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.