MATIUS 18:10 - Nanduk Ngget Tul Pidnak Wene

¹⁰ Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 18:10 ပူးပေါင်းရင်းမြစ်များ

2 SEMUEL 14:28

Nde, Apsalom na-ge Yerusalem iri me worasolar-e, olengen mberen woragij-et nde, Nagawan Ndaut imin-e lambuk yigit lag-o.

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

ESET 1:14

Nde, at indi tenagurak pem yonggo onposolat woraso nab-e Karesena min Setat min Atmata min Tarisis min Meres min Meresena min Memukan min irir-o. Nde, it iri-ge at-nen tenagidnak wi Perisia min Meria min ereba me yabu tena woragwi ap mondok kek tak irit woraiga-o.

NDAWI ENGGA 15:4

at erengenma-ge meya kwaroso nap na isili min yik kasolar-et nde, Nagawan Indo unu aye kagwi nab-e kek tak onposo nap, At-nen owak mbarak pidnak wene iri-nen at meya rak uburag-et nde, iri na tena woraso nap,

NDAWI ENGGA 34:7

Nagawan Indo-nen idnak aid nab-e Nagawan Indo inndi aye worak ereba na yik eneyarok woralat, it lak tak unpurak elem arem-nen mengga keya onposo-o.

NDAWI ENGGA 91:11

Mbal Pem Nagawan-nen-e kat yik keyarok wolmakluk aid nap yak ondosola, kat mburugun sa oboksa-ge nggetlel kuburuk nuwa-o.

MATIUS 1:20

Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o.

MATIUS 12:20

Yorowa ta yidnak nginok tak iri na at-nen-e pok tak puwa bug-o. Tal nigi nigi kule nak nggok yosola, at-nen-e mondoksa nigirik puwa bug-o. Irit worasoma, lud tak nak yugwi iri na ombol nggwe rak puwa-o.

MATIUS 18:14

Iri nggal-et kit Kineid aid arem woraso na li marik yu ennggendumu-nen la misiger-o luk tet pul momtak iri-ge ar-e perasu bug-o.”

MATIUS 18:6

”Nde, an nebem indi angin tubu yidnak li marik ennggendumu-nen misik yu nggal kabak tak ubuwa nab-e, kerep nggulok mbi at urusuwak pem kere para tiyong tak puruk, yi koma ennggendumu mbo bil nggurak perak ob-o.

MATIUS 2:13

It na mborogolikma-ge, nabi bem Nagawan Indo-nen idnak aid nap na Yusup eram nam luk-nen yak tosolar-e: ”Erores na-nen-e la marik iri na wereyekluk ogore yuwa me, men luk yugundik, kela marik min ija min wok unpuruk, Mesira uwi mburugundik wolmer-o. Worakmu, an-nen tuguruk yak korosola-nen lobok yurag-o” luk yak tij-o.

MATIUS 2:19

Erores na wat yosoloma-ge, Nagawan Indo-nen idnak aid nap mbi nabi nggwe Yusup eram nam luk-nen yak tosolar-e:

MATIUS 24:31

Nde, posid poba nggulok na ene yosola-ge, at-nen-e at-nen idnak aid nap ereba wirik unpuwama-ge, at-nen len inpidnak nab-e nggweyak unggut empat nggwe-nen na, o nggweyak erep worok siyem min mbal erep woroksiyem min-nen na ndok worak unpuwa-o.”

LUKAS 1:19

Yosoloma-ge, aid nap na-nen at yak tosolar-e: ”An-e Mbal Pem Nagawan ndegel oboso nap Nggabiriel-nen yusu-o. Mbal Pem Nagawan-nen konak wene yu yak kuruwakluk nibil lobok yamu-o.

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

LUKAS 16:22

Misik tarem-e isilobulo lak nap na wat yosola-ge, aid nap-nen at wok uburuk Abaram eralu piga-o. Nde, imbirig-e isilobulo worak nap na wat yamu, yapma piga-o.

YIDNAK YIDNAK WENE 10:3

Nde, misik tarem-e keyama jam tiga nggal pem ar-e nabi nggwe nggal nam-et yik kasolar-e, Mbal Pem Nagawan-nen idnak aid nap misik ama nggwarik-nen at yak tosolar-e: ”Korenelius wa-e” luk yak tosola kagaij-o.

YIDNAK YIDNAK WENE 12:15

Yak ondosoloma, it-nen yak togolar-e: ”Kar-e kindi wawa-nen yusu-o” yak tiga-t nde, at-nen-e ”Lag-o. Peterus-er-o” luk nomorenak ala karug-e, it-nen yogolar-e: ”Peterus-nen idnak aid nap-nen yusu-o” luk yiga-o.

YIDNAK YIDNAK WENE 12:23

Yogolikma-ge, ar-e Mbal Pem Nagawan unu kek tak pigit lak ala-ge, Nagawan Indo-nen idnak aid nap-nen ereya na-net wirij-o. Worosola, mbese-nen nok posolar-e, wat yij-o.

YIDNAK YIDNAK WENE 27:23

Nde, yawo kubu-ge an-e at arengge nggal luk, an-nen erembel wanoso Mbal Pem Nagawan-nen idnak aid nap an neralu men luk-nen

YIDNAK YIDNAK WENE 5:19

Alat nde, kubu nggwe-ge Nagawan Indo-nen idnak aid nap mbi lobok yosolar-e, o kubu me tumende ereba na kuwarak puruk, wok unpuruk mbepme mborosolat-nen yak ondosolar-e:

OROMA 14:10

Iri bem-e, kar-e noluk-nen kat kowe kowot enpem wene mbarusu-o? Nde, kar-e no luk-nen kowe kowot pesel unpusu-o? Mbal Pem Nagawan-nen ap enpem wene mbareyekluk kore yoso sa iri na me nit oboksa nenpem wene mbaruwakluk, eram wok mul-o.

OROMA 14:21

Kerisut ebem kanggamirak meya rak inpimin naru, ino min anggut engen amburu min nasolat, enare purak mende erep min kwarosolat yigit lak yurak iri-ge mondok konag-o.

OROMA 15:1

Nit kwara ninndi angin tubu yidnak worali nap-nen-e kwara yebet kagit lak nap-nen kwiye kali mende min nir-e kwara kwaluk kwaluk wolmomtag-o. Nit nondomok nenalen kudtak pem nak kwarurag-e meya-o.

1 KORINTUS 11:22

Kunmburu min kinid min norak kenambik kenma-ge lag-a? Are, Mbal Pem Nagawan-nen idnak lambuk tak inpidnak nab-e kinsili rak pogolat, enarengge lak nab-e innggiri rak purak yili-a? An-e no wene yak kindimin-o? Kit kentembel wanimin-a? Iri kwatli iri bem-nen-e an-e kentembel wanimin pug-o!

1 KORINTUS 16:11

Ap mbi-nen kerengen unggut nggwe nak yik kudtak pug-o. Are, an neram ijok lem lobok yosola, at indi yek tag-et lobok yuwaklug-e, kir-e ndimirik eber-o. At iri na-ge nennggamirak inmin lobok yuwa-o luk an-e yik karok worasu-o.

1 KORINTUS 9:22

It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

2 KORINTUS 10:10

Ap misik-nen yosolar-e: ”Paulus-nen engga mbaridnag-e kwiye worak, andi le worak mbaroso-t nde, nit nendam-nen-e abage-ge ndeyak, ene na ebe lak wene yoso-o” luk yusu-o.

NGGALATIA 6:1

Nowe nowosi wa-e. Ap misik-nen meya mbi kwarosola-ge, Konak Indi kenarem woraso nap kit-nen-e ap iri na konak tak uburag-o. Konak tak obogolar-e, kinndi yangonak pem-et kwarugup na-e. Kit na iri nggal-et kinndi ngaruwa-o luk, kit kondomog-et kwara pil pel tak puruk wolmer-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

IBERANI 9:24

Nde, Kerisut-nen O Mondok Marak Sa iri me nggwid iri-ge, ininggi-nen wiridnak wi iri na me nggwij-e lag-o. Nde, ininggi-nen wiridnak wi iri-ge ndemeret wi-ge aid arem worasu iri ut mimirik-nen yusu-o. Alat nde, at-nen-e aid arem iri me-t nggwij-o. Nggwarig-e, nit nonowene mbarurak pem ar-e yawo-ge Mbal Pem Nagawan eram worasu-o.

NAM PARA WENE 8:2

Iri rak puruk, yik kaginggal-e, Mbal Pem Nagawan eram mendak woragwi aid nap tuju iri eneyagi-o. Nde, it iri-ge posid poba tuju wok indij-o.