MATIUS 17:9 - Nanduk Ngget Tul Pidnak Wene

⁹ Iri luk, ndobo bem-nen mbogolar-e, Yesus-nen ene amawi min-et it yak ondosolar-e: ”Kit-nen yanem kaigep iri-ge Ap Ambara an-e wat yidnak ennggendumu-nen nuruk tak pigit lak ma-ge ap misiger-o luk tet yak undurak pug-o” luk yak indij-o.

MATIUS 17:9 ပူးပေါင်းရင်းမြစ်များ

MATIUS 12:16

”An nobok wigarurak pug-o” luk ene amawi min watsa yak indij-o.

MATIUS 17:12

Alat nde, an-nen yak kendeyeg-o: Elia na-ge lobok yij-et nde, it ereba na-nen at yenggerak ibigit lak luk, it inndi-n pidnak nak at kwat ibiga-o. Nde, iri nggal-et Ap Ambara na irit it-nen andi bandi rak ubuwa-o” luk yij-o.

MATIUS 17:20

Yogolikma-ge, Yesus-nen wene erep nggarosolar-e: ”Kit kinndi kwara angin tubu yigit lak ala-nen meya yij-o. An-nen yak kendeyeg-o: Kit kinndi angin tubu yidnak iri-ge we sawi uwi marik iri nggal ndak ndak worala-ge, kit-nen ndobo yu yak togolar-e: ’Yu me-nen iri me mbiri-o’ luk yak togola-ge, mburuwar-o. Kit-nen kwarurak mende angin worak misik mbi worasu-ge lag-o. [

MATIUS 17:22

Nde, at owosirak na-ge o Nggalilea iri me lambuksa woragola-ge, Yesus-nen it yak ondosolar-e: ”Ap Ambara na-ge wesera ap ininggem puwama,

MATIUS 17:23

it iri-nen at wuruwama, mberen naruk, kenan tak purak pem-e ar-e uruk tak puwa-o” luk yak ondosoloma-ge, it iri na inndi puru kwarat yiga-o.

MATIUS 17:8

Yak ondosoloma-ge, it iri na undugun pugaksa yik kaiganggal-e, ap mbi eneyagir-e lak, Yesus arig-et nak kaiga-o.

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

MATIUS 8:4

Alama-ge, Yesus-nen at yak tosolar-e: ”Kat kwat kibidnak yu-ge ap mondok yak undurak pug-o. Are, tepan ombo eram mburugundik, ambut tak kibidnak iri nuk kasola-ge, ap pidsa-nen ’Ndemeret ki yamu-o’ yuwakluk, Musa-nen yidnak yidnak kwarosolar-e, Mbal Pem Nagawan amanggim pugwi mende irit pi-o” luk yak tij-o.

MARAKUS 8:30

Yosoloma-ge, Yesus-nen ene amawi min-et yak ondosolar-e: ”Kir-e an nowene iri-ge ap misiger-o luk tet mondok yak undurak pug-o” luk yak indij-o.

LUKAS 8:56

Iri yosola-ge, la kwe na eid ija na wi langgu kwarat mbariga-o. Nde, Yesus-nen it yak ondosolar-e: ”Yu kwarigi yu-ge ap misiger-o luk tet yak undurak pug-o” luk yij-o.

LUKAS 9:36

Ene na yosoloma, it-nen yik kaiganggal-e, Yesus na arig-et worasoma yik kaiga-o. Nde, at owosirak na-nen-e it-nen kulidnak wene-ge iri tarem-nen ap misiget tet yak indigit lak, larok nak yiga-o.