MATIUS 17:5 - Nanduk Ngget Tul Pidnak Wene

⁵ Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 17:5 ပူးပေါင်းရင်းမြစ်များ

AYUP 38:1

Iri luk, e kemereya nggok misik arem-nen Nagawan Indo-nen Ayup imin wene yosolar-e, yu nggal yij-o:

MBIRIGA WENE 19:19

Nde, mbapu ene mondok nggoksa pu kundugu yosola-ge, Musa-nen wene yosola, Nagawan Indo-nen onggo yosolar-e, o nggu bem-nen erep nggarij-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 42:21

Inmiri yurak iri-ge Nagawan Indo-ge alen kwarar-o. At-nen yidnak wene ndak ndak kwarogolat, kek tak purak iri-ge ar-e mondok indingen-o.

MATIUS 12:18

”Yu-ge an ndegel noboso nap, an-nen len ibigi nap-nen yusu-o. Abuwa worak, nindi kundik na ebem nalen kasu-o. An Nindi-ge at ebem pimin-o. An-nen ap enpem mbarimin wene-ge at-nen-e ap enlem oboksa yak unduwa-o.

MATIUS 17:6

Iri yosoloma kuluruk yigarig-e, at owosirak ereya na-ge kwiye kwarat luk nggweyak pem entare nggwe yud tud mbiga-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MARAKUS 1:11

Iri lug-e, aid arem-nen ene pil mbuwasolar-e: ”Kar-e an Nambara nindi kundik-nen yusu-o. Kat kebem an nalen kasu-o” luk yij-o.

MARAKUS 9:7

Yosoloma-ge, nggan nggan mbi-nen it muruksa keya onposoloma-ge, nggan nggan arem-nen ene mbi-nen yosolar-e: ”Yu-ge an Nambara nindi kundik-nen yusu-o. At ene nak koler-o” luk yosola kuliga-o.

LUKAS 3:22

Konak Indi-ge towe nggwende nggal luk, at ebem mbuwagaij-o. Nde, aid arem-nen ene pil mbuwasolar-e: ”Kar-e an nambara nindi kundik-nen yusu-o. Kar-e an nindi alen tak pusu-o” luk yij-o.

YOANES 3:16

Mbal Pem Nagawan-nen ki nap pidsa nenabuwa nggulok karuk, at Ambara misiget nderak wok nendamu-o. Ta-nen nde at ebem inndi angin tubu yuwa nab-e lak yigit lag-et, are, pem-et unlug-et woralik nalik momtak elem irit wanuwa-o.

YOANES 3:35

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.

YOANES 5:37

Nde, wirik nibil lobok yidnak nap an Neid-nen na irit an nowene kenggel kundusu-o. Irit nde, kit-nen-e at ene na kulugwi buk, at erare na kagwi buk me,

YIDNAK YIDNAK WENE 1:9

Iri wene yak unduruk, it-nen yik karok worakmu-ge, at lek karuk lasola-ge, nggan nggan-nen muruk tak posola-ge, it-nen-e kagit lak yiga-o.

YIDNAK YIDNAK WENE 7:37

Nde, Musa-net Isarael nap yak ondosolar-e: ’Mbal Pem Nagawan-nen an mendak nibid iri nggal-et kit konowe konowosi ennggendumu-nen na Mbal Pem Nagawan ene lomboksa yoso nap mbi kenmanggim mendak puwa-o’ luk yak indij-o.

EPESUS 1:6

Mbal Pem Nagawan-nen we wok ondoso elem abinal worak iri bem na, at Ambara abuwa worak iri na ebem—nen we wok nindid iri bem na at erembel wanuwog-o.

TUGURUK YIDNAK WENE 18:15

Alat nde, nit nenlem nab-et at ene lomboksa yoso nap misik an nggal kendam ibil lobok yuwa-o. Iri yosola-ge, kir-e mondok at-nen yidnak yidnag-et kwarurag-o.

TUGURUK YIDNAK WENE 18:19

Iri yosolar-e, at-nen-e an nunu bem-et yuwa-o. Nde, ta-nen nde at-nen yidnak wene kuligit lak yogola-ge, an-e onggo-t pimin-o.

KOLOSE 1:13

At-nen-e ndamuk inggem-nen weserak nunpuruk, at Ambara abuwa worak-nen tenagaidnak wi ninpil lobok yij-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.

NAM PARA WENE 14:14

Iri luk, an yik kaginggal-e, nggan nggan loro mbi kagi-o. Nde, nggan nggan iri na bem-e ap nggal misik anggul pem-e nagawan-nen pugwi topi emas-nen konidnak pago, nde, inggem-e yalawi anggat worak tena koreyak kagi-o.