MATIUS 17:4 - Nanduk Ngget Tul Pidnak Wene

⁴ Iri alama-ge, Peterus na-nen Yesus yak tosolar-e: ”Nagawan Indo wa-e. Nir-e yu me worali yu-ge konak lombog-o. Kat kindingen nde ala-ge, o lije kenan yu me wereyeg-o. Misig-e kat kamanggim, nde misig-e Musa amanggim, nde misig-e Elia amanggim-et wirimin-o” luk yij-o.

MATIUS 17:4 ပူးပေါင်းရင်းမြစ်များ

NDAWI ENGGA 16:11

Kat-nen unluk woragwi sa tula mirik nubugun-o. Kat nak-nen enalen elem kobong tak nobosolat, pem-et enalen pem woragwi elem wok nurusu-o.

YESAYA 33:17

It-nen yik kagolar-e, nagawan misik kek tak woralat, at-nen tenagidnak wi-ge o nggweyak nggok irit tena worala kagub-o.

SAKARIA 9:17

Nde, nagawan uwi nggweyag-e konak lombok-nen yusu-o! At onggweyak iri-ge konak lombog-e ijar-o! Nde, iri me-ge nggandum mbato min anggut min-e ndag-et nak wigak yosolat, iri-nen ndowaga ap sujwe min kweyap ndugum min na kwarat enmawi worak ma-o.

MATIUS 17:3

Iri luk, it-nen yik kagolar-e, Musa nde Elia nde Yesus na imin wene ndorogola, eneyaiga-o.

LUKAS 9:33

Iri luk, mberen nap na Yesus keya buruk mborogoloma-ge, Peterus-nen at yak tosolar-e: ”Mul Nondoso Nap wa-e. Nir-e ob-et yu me worali-o. O lije kenan wurul-o. Kat kamanggim, Musa amanggim, Elia amanggim nde wurul-o” luk yij-o. (Wene yid iri-ge at indi-ge yebet kagit lak me, kasa ereya-t yij-o.)

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 7:2

Worala-ge, Yawuri nap-nen O Sare Wi Wiril Mbiriga yebet kagolat sakwi tarem na panggo yosoloma-ge,

PILIPI 1:23

Wene mberen iri bem-e an kabak yusu-o. An-e mbirimindik, Kerisut imin totno wolmomtak iri-ge nindingen kwarat yusu-o. Iri momtak perak nde mondok konak lombog-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

NAM PARA WENE 21:23

Nde, o siri iri me-ge Mbal Pem Nagawan abinal-nen yaya rak posolat, tal ebe-ge Lomba Wam Marik-net yusu me, o siri iri me-nen-e mo min waneya min eyaya ukwe-ge mondok lag-o.