MATIUS 17:27 - Nanduk Ngget Tul Pidnak Wene

²⁷ Alat nde, it iri na mbud tak unpurak kerep nggal kwarul naru, kat yi ma mburugundik, keyane wanugwi sugulud mberak pi-o. Nde, nanduk-net ulok ma keyane na wanugundig-e, emende penggera pak kasoma-ge, kerep tol misik kagun-o. Tol iri na wanosoluk, nit nenmberek nenmanggim it na wok indil mbiri-o” luk yak tij-o.

MATIUS 17:27 ပူးပေါင်းရင်းမြစ်များ

NDAK WIRIDNAK WENE 1:28

Iri rak puruk, imbiringgat tak onposolat-nen yosolar-e: ”Kit-nen wigarak yi wi ndi wi woragolar-e, o tena wolmag-o. Nde, keyane yi ma woraso min towe teram nggwe noso min nggweyak ma woraso erengen kege lak min worak min oboksa kit-nen tena worabokluk kininggem pusu-o.

1 NAGAWAN NAGAWAN-NEN KWARIDNAK WENE 17:4

Woralar-e, yi iri na nok tenak worasoma, towe ijamu an-nen nunggwi mende waruk keram wirik pil lobok yimin-o” luk yak tij-o.

NDAWI ENGGA 8:8

towe pubu teram nggwe noso mende min yi ma woraso keyane min yi koma arem woraso mende oboksa min it ininggem nak pigen-o.

YUNUS 1:17

Nde, Nagawan Indo-nen keyane nggok misik pil lobok yamu, Yunus iri na-ge keyane iri na-nen lungguk mberak pij-o. Iri yamu, Yunus iri na keyane urum arem woralar-e, kubu kenan, lengge kenan irit woragij-o.

YUNUS 2:10

Nagawan Indo-nen ”Irit kwarurag-o” luk keyane iri na yak tidnak pem keyane iri na-nen Yunus na-ge yi eyak pem kela keya bij-o.

MATIUS 17:26

Yak tosoloma-ge, Peterus-nen wene erep nggarosolar-e: ”Lag-o. Ap sal enpem-nen mengga wanugwi-o” luk yosoloma karuk, Yesus-nen yosolar-e: ”Iri ala-ge, inlirak iri-nen tol purag-e lag-o.

MATIUS 18:6

”Nde, an nebem indi angin tubu yidnak li marik ennggendumu-nen misik yu nggal kabak tak ubuwa nab-e, kerep nggulok mbi at urusuwak pem kere para tiyong tak puruk, yi koma ennggendumu mbo bil nggurak perak ob-o.

MATIUS 18:8

Nde, kat kinggi ala-nen na, kat kijok ala-nen na, kat meya rak kobosola-ge, mbara mbo bi-o. Kat kinggi min kat kijok min mbarag-et nde, kebe kuruk wolmomtag-e ob-o. Nde, kat kinggi mberen min kat kijok mberen min kundugu-t nde, nigi yoso buk kan mare arem kibil nggurag-e meya-o.

MATIUS 5:29

Nde, kerengen kigit nggwe iri-nen ndowaga meya rak kobosola-ge, kerengen na kela mbo bi-o. Kat kebe ebis-et kan mare arem mbo kubuwa naru, kat kerengen misiget iri lak tak purak perak nde ob-o.

MATIUS 5:30

Nde, kinggi kigit nggwe-nen ndowaga meya rak kobosola-ge, mbara mbo bi-o. Kat kebe ebis-et kan mare arem mbo kubuwa naru, kat kinggi misiget iri lak tak purak perak nde ob-o.

MARAKUS 9:42

Yuruk, Yesus-nen yosolar-e: ”An nebem inndi angin tubu yidnak li marik yu ennggendumu-nen la misik nak an nebem indi angin tubu yidnak na lak tak puwa nap iri-ge, kerep nggulok at urusuwak pem yela keya buruk, yi koma arem mbo pil nggurag-e ndak-nen yusu-o.

MARAKUS 9:43

Kat kinggi-nen nde meya rak kobosola-ge, kinggi mbarak pi-o. Kat kinggi ponok mbarak-net pem-et kuruk wolmomtag-e konag-o. Nde, kat kinggi mberen tag-et nigi yoso buk kan mare arem nggurag-e meya-o.

LUKAS 17:2

Nde, ap li marik nggal ndeyak yeba ennggendumu ap misiger-o luk tet meya yuwakluk arem woraga pil nggusu nap iri perak nde, kerep nggulok mbi at urusuwak pem tiyong tak puruk, yi koma arem peleksa ibil nggurak perak ob-o.

YOANES 6:61

Nde, ir-e iri yogolar-e unlum ne yol ngol mbogola, Yesus-nen aru luk, it yak ondosolar-e: ”Wene yu angin worak ala karuk, yumbuk kudtak yol ngol mbili-a?

OROMA 14:21

Kerisut ebem kanggamirak meya rak inpimin naru, ino min anggut engen amburu min nasolat, enare purak mende erep min kwarosolat yigit lak yurak iri-ge mondok konag-o.

1 KORINTUS 8:13

Iri bem-e, nunggwi mende iri-nen an nanggam iri are purak ala karuk, an nanggam iri-ge are pimin naru, ino-ge abok na abok na namin pug-o.

1 KORINTUS 8:9

Alat nde, kit weserak kinpidnak pem kwarugup iri-nen-e ndeyak yidnak nap iri enare pugup naru, kinndi kwara wolmer-o.

2 KORINTUS 6:3

Nit neneyabu wanili na meya rak pul naru, nir-e yi mende ndi mende bem oboksa ap enare pili bug-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

1 TESALONIKA 5:22

Nde, meya kwarugwi elem oboksa konmbol wok ter-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.