MATIUS 17:20 - Nanduk Ngget Tul Pidnak Wene

²⁰ Yogolikma-ge, Yesus-nen wene erep nggarosolar-e: ”Kit kinndi kwara angin tubu yigit lak ala-nen meya yij-o. An-nen yak kendeyeg-o: Kit kinndi angin tubu yidnak iri-ge we sawi uwi marik iri nggal ndak ndak worala-ge, kit-nen ndobo yu yak togolar-e: ’Yu me-nen iri me mbiri-o’ luk yak togola-ge, mburuwar-o. Kit-nen kwarurak mende angin worak misik mbi worasu-ge lag-o. [

MATIUS 17:20 ပူးပေါင်းရင်းမြစ်များ

MATIUS 13:31

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge sawi uwi nggal-nen yusu-o. Nde ap misik-nen sawi uwi iri-ge at eyapmu yagaidj-o.

MATIUS 14:29

Yosoloma-ge, Yesus-nen yosolar-e: ”Lobok yi-o” luk yij-o. Yosoloma-ge, Peterus na-ge e koma arem-nen kenangga mburuk yarik, yi ombolwak pem Yesus eram mbirij-o.

MATIUS 17:17

Yosoloma-ge, Yesus-nen wene erep nggarosolar-e: ”Kit kinndi angin tubu yugwi buk, kinndi nari wari rak nap wa-e! An-e nunggwirik tarem kit kinmin woramin-o? An-e nunggwirik tarem kit kinmin-e momak puruk woramin-o? La iri-ge an neram pil lobok yi-o” luk yij-o.

MATIUS 17:19

Iri ala-ge, at owosirak iri na-ge Yesus eram lobok luk, enarikmu-nen kin wok obogolar-e: ”Nit-nen kugi iri wirik purag-e noluk-nen meya yij-o?” luk kin wok ibiga-o.

MATIUS 17:9

Iri luk, ndobo bem-nen mbogolar-e, Yesus-nen ene amawi min-et it yak ondosolar-e: ”Kit-nen yanem kaigep iri-ge Ap Ambara an-e wat yidnak ennggendumu-nen nuruk tak pigit lak ma-ge ap misiger-o luk tet yak undurak pug-o” luk yak indij-o.

MATIUS 21:21

Yogolikma-ge, Yesus-nen wene erep nggarosolar-e: ”An-nen yak kendeyeg-o: Kit kinndi angin tubu luk, kinndi-nen te rak pigit lak ala-ge, an-nen e ara yu kwat pigi yu nggal-et kwarugub-o. Nde, iri nag-e lag-o. Are, ndobo yu yak togolar-e: ’Kat kondomok konoksa yi koma arem tabak yil nggwi-o’ luk yak togola na irit kwat ma-o.

MATIUS 8:26

Yak togolikma-ge, Yesus-nen it yak ondosolar-e: ”Kwara kinndi angin tubu yugwi buk nap wa-e. Kir-e noluk-nen kwiye kali-o?” luk yak indij-o. Yak ondosoluk, at na men luk yarik, obube min yi min na ”Kondok min-o” yosoloma-ge, obube min yi min na kondok yij-o.

MARAKUS 11:22

Yak tosoloma-ge, Yesus-nen it yak ondosolar-e: ”Mbal Pem Nagawan ebem nak kinndi angin tubu yer-o.

MARAKUS 11:23

Ndemeret kit-nen nde ndobo yu yak togolar-e: ’Kat kondomok konoksa yi koma arem tabak yil mbiri-o’ luk yak togolat-nen kit kinndi mberen min-e lak, are, kit-nen yak tugup iri-ge ’Ndemeret kwat ma-o’ peraruk-nen yak togola-ge, kwar-et ma-o.

MARAKUS 4:31

Mbal Pem Nagawan-nen tenagaidnak wi iri-ge sawi uwi nggal-nen yusu-o. Yi uwi ndi uwi oboksa uwi marig-et worasu-t nde, sawi uwi iri-ge mondok marik komosa-nen yusu-o. Nde, ap-nen sawi uwi iri na nggweyak pem yagosoma-ge,

MARAKUS 9:23

Yosoloma-ge, Yesus-nen at yak tosolar-e: ” ’Yongga nundurak nde ndak ala-ge’ yigen-a? Pidsa kwat unpurak iri-ge ndak-nen yusu-o. Alat nde, nggog-e inndi angin tubu yurak iri nag-o” luk yak tij-o.

LUKAS 1:37

Mbal Pem Nagawan-nen kwarurag-e pidsa ndak nak-nen yusu-o” luk yij-o.

LUKAS 17:6

Yogolikma-ge, Nagawan Indo-nen yosolar-e: ”Kit kinndi angin tubu yidnak nde sawi uwi kubuk lan iri nggal woragolat-nen nde, e wariya yu yak togolar-e: ’Kar-e konoksa yi koma arem yak yil mbiri-o’ yak togola-ge, kit-nen yak tugup iri nggal-et kwaruwa-o” luk yij-o.

LUKAS 18:27

Yogolikma-ge, Yesus-nen yosolar-e: ”Ki nap-nen kwarurag-e meya-t nde, Mbal Pem Nagawan-nen kwarurag-e ndak-net yusu-o” luk yij-o.

YOANES 11:40

Yosoloma-ge, Yesus-nen Marata na yak tosolar-e: ” ’Kat kindi angin tubu yosola-ge, Mbal Pem Nagawan kek tak woraso iri-nen idnak amawi kagun-o’ luk yanem-et yak kirigi na-ge lag-a?” luk yak tij-o.

1 KORINTUS 12:9

Konak Indi misiget iri na-net ap misik wok tosolar-e, indi angin tubu yoso indi wok tosolat, nde, nin nap wok tosolar-e, ap ki rak unpurak amawi wok tosolat yusu-o.

1 KORINTUS 13:2

An-nen-e aid wene kwiye worak yoso kwat yosolat, kura wene pidsa naru yosolat, enaru yugwi mende pidsa naru yosolat, an nindi angin tubu yidnak iminep mbarak pem-nen ndobo iri lembera nin me wirik posolat yimin-et nde, ap enabuwa kagwi elem nde ap narem-e lak-nen-e an-e ebe lak mende-nen yusu-o.

IBERANI 3:19

Iri bem-e ir-e Mbal Pem Nagawan indisep kwaroso sa nggwigit lak yiga iri-ge it inndi angin tubu yigit lak ala-nen nggwigit lag-o luk nir-e nam-et kali-o.