MATIUS 17:2 - Nanduk Ngget Tul Pidnak Wene

² Nde, it iri na enlengen ma-ge at na abage nin agaij-o. Iri yosolar-e, at erare-ge mo abinal nggal yaya worak yosolat, at usum-e loro lombok abina-nen igip kip worak agaij-o.

MATIUS 17:2 ပူးပေါင်းရင်းမြစ်များ

NDAWI ENGGA 104:2

Kar-e keyaya nak-nen muruk tak worasu-o. Kat-nen mbal-e o lije sum wi nggal laruksa mbeyoksa pigen-o.

MATIUS 17:1

Nde, enam nene lug-e, Yesus na mborosolar-e, Peterus nde Yakobus nde owot Yoanes nde inmin mberarig-e, it enarik wolmokluk ndobo mot misik iri bem inpil lagaij-o.

MATIUS 17:3

Iri luk, it-nen yik kagolar-e, Musa nde Elia nde Yesus na imin wene ndorogola, eneyaiga-o.

MATIUS 28:3

At erare-ge obinel nggal, at usum-e loro lombok ndugu ndugu nggal woragaij-o.

MARAKUS 9:3

Nin yosolar-e, usum na loro lombok abinal-nen igip kip worak agaij-o. Loro agaid iri-ge, nggweyak ma yu me ap misiger-o luk tet sum loro matluk iri nggal loro rak na pugwi bug-o.

LUKAS 9:29

Tepan yosolat worasoma-ge, at erare-ge nin yosolat, at usum-e loro lombok luk, igip kip worak irit agaij-o.

YOANES 1:14

Nde, Wene iri na-ge ki nap enaboro worak luk, nit nennggendumu yu me woragaij-o. Nit ninmin worala, at kek tak irit kaige-o. At kek tak woraso iri-ge Eid Mbal Pem Nagawan ambara misiget nderak irit wok tidnag-o. At ebem-net nir-e Mbal Pem Nagawan min nit nunpud kaso min iri-ge kaige-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

OROMA 12:2

Nggweyak ma nap-nen kwarugwi mende kwarurak pug-o. Are, kenpage nin luk, kinndi ngget tak pogola-ge, Mbal Pem Nagawan indi-n pidnak mende-ge konak mende, at alen kudtak iminep mbarak mende irit kenaru yugub-o.

NAM PARA WENE 10:1

Iri luk, yik kaginggal-e, amawi worak nap misig-e aid arem-nen mbuwasola kagi-o. At iri na-ge nggan nggan-nen mbeyok tak, yelepma misig-e at anggul pem waringgik, erare-ge molengen yaya nggal, owag-e kan amare nggal-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.