MATIUS 16:24 - Nanduk Ngget Tul Pidnak Wene

²⁴ Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

MATIUS 16:24 ပူးပေါင်းရင်းမြစ်များ

MATIUS 10:38

Nde, at-nen idnak e lang pang tak pidnak iri na pijanuruk an nijok pem waring kasu buk nab-e an nap kwat momtag-e meya-o.

MATIUS 27:32

It na mborogolar-e, o Kirene nap unu-ge Simon na imin lid pid yurug-e, at iri-nen-e Yesus-nen idnak e lang pang tak iri na amanggim waruk mburuwakluk lembesa yak tiga-o.

MARAKUS 10:21

Yosola-ge, Yesus-nen ap iri na yik karuk, abuwa kasoluk-nen yak tosolar-e: ”Kat-nen kwarurak mende-ge misiget nak keya bigen-o. Kat mburugundik kisilobulo pidsa onggo wanuruk, tol iri-ge insilobulo lak nap tembesa wok unduruk, lobok yosolar-e, an nimin ni-o. Iri yugundik pem-e, aid arem-nen silobulo kwarat wanugun-o” luk yak tij-o.

MARAKUS 15:21

Aleksandet min Urupus in ineid o Kirene nap Simon iri na-ge ama nggwe-nen o siri nggok nggwe mborosoma-ge, ”Yesus wosa burak e lang pang tak yu kud ti-o” luk lembesa yak tiga-o.

MARAKUS 8:34

Yak turug-e, ap kwarat min at owosirak inmin wene mbo unpuruk-nen it na yak ondosolar-e: ”Ap-nen nimbirik nurak ala-ge, at-net at ambikpebe isili rak puruk, e lang pang tak ebem pidnak na pijanuruk, an nimbirik nuwag-o.

LUKAS 14:27

At-nen idnak e lang pang tak pidnak iri pijanuruk, at nimbirik nuwa buk nab-e an nimbirik noso nap momtag-e meya-o.

LUKAS 23:26

It na Yesus waruk mburukmu-ge, o Kirene nap Simon na ama nggwe-nen o siri nggwe mborosoma, imin lid pid lug-e it-nen at na tenagurug-e, e lang pang tak na pijanuruk, Yesus imbirik waruk mburuwakluk lembesa endak pem piga-o.

YOANES 19:17

Nde, Yesus na mborosolar-e, at-nen idnak e lang pang tak na kud turuk, Enanggulwak Pugwarak Sa mbirij-o. (Iberani wene bem-e ndobo iri unu-ge Nggolnggota-o.)

YOANES 21:19

Wene iri yak tid iri-ge Mbal Pem Nagawan unu kek tak peyekluk, Peterus abok-nen wat momtak wene irit yak tij-o. Yak turug-e, Yesus-nen Peterus yak tosolar-e: ”An nimbirig-et ni-o” luk yak tij-o.

YOANES 21:22

Yesus-nen at yak tosolar-e: ”Nde, an-nen perasolar-e, at yu-ge urug-et worasoma, an nde lobok yurak nggal-nen-e iri-ge kat-nen wene yurag-e lag-o. Alat nde, kar-e an nimbirik ni-o” luk yak tij-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

1 TESALONIKA 3:3

nit lel mberel ninpili yu karuk, kit misik-nen kinndi angin tubu yidnak keya buruk mburugup naru wirik ibige-o. Nde, lel mberel ninpili yu-ge, Mbal Pem Nagawan-nen ”Irit kwat unpuwag-o” luk yidnak pem kwat ninpili-o luk kir-e kenaru nar-o.

2 TIMOTIUS 3:12

Kerisut Yesus imin kundik woragolat-nen Mbal Pem Nagawan-nen kwaroso nggal kwaruwokluk yuwa nap pidsa-ge lel mberel unpuwar-o.

1 PETERUS 2:21

Mbal Pem Nagawan-nen wene mbo kinpid iri-ge, kondogola, andi bandi kabokluk-nen wene mbo kinpij-o. Nde, Kerisut na kit kenmanggim-et andi bandi kagaid iri-ge at-nen kwarid iri karuk, at ijok pem mborobok-nen kwarid irir-o.