MATIUS 16:19 - Nanduk Ngget Tul Pidnak Wene

¹⁹ Mbal Pem Nagawan-nen tenagaidnak wi tu imig worak pugwi (kunci) wok kirimin-o: Nggweyak ma yu me-nen kat-nen kamarak pugun mende iri-ge aid arem-nen na kamarag-et wolma-o. Nde, nggweyak ma yu me-nen kat-nen wisirik pugun mende iri-ge aid arem-nen na wisirig-et wolma-o” luk yak tij-o.

MATIUS 16:19 ပူးပေါင်းရင်းမြစ်များ

MATIUS 18:18

An-nen yak kendeyeg-o: Kit-nen nggweyak ma yu me kamarak pugup mende iri-ge, aid arem-nen na kamarak irit wolma-o. Nde, kit-nen nggweyak ma yu me wisirik pugup mende iri-ge, aid arem-nen na wisirik irit wolma-o.

YOANES 20:23

Kit-nen-e ap-nen meya yidnak na kenmberam tak pogola-ge, Mbal Pem Nagawan-nen na amberam tak puwa-o. Nde, kit-nen-e ap-nen meya yidnak na kenmberam tak pigit lak ala-ge, Mbal Pem Nagawan-nen na amberam tak pigit lag-et ma-o” luk yij-o.

YIDNAK YIDNAK WENE 15:7

Nde, wene yu na mbal tenak worarug-e, Peterus na men luk, it yak ondosolar-e: ”Nenggamirak wa-e. Nanduk-net kit kennggendumu-nen Mbal Pem Nagawan-nen an len nibid iri-ge an-nen enlem nin nap aid wene yak ondosola kuluruk, inndi angin tubu yuwakluk-nen len nibid iri-ge kenaru nar-o.

2 KORINTUS 2:10

Kit-nen nde ap misik-nen meya yidnak kenmberam tak pogola-ge, an-nen na nemberam tak pimin-o. Nde, an-nen nde ap meya yidnak nemberam tak posola ge, – an-e nemberam tak purak mbi mondok worala-ge – iri-ge kit kenpem ala Kerisut inmbiri bem-et nemberam tak pimin-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 11:6

Ir-e Mbal Pem Nagawan-nen yidnak wene yogolat woragola, talme mbuma naru, mbal tu imig worak puruk amawi-ge it ininggem wolma-o. Nde, yi ulusu oboksa eyabi worak tak purak amawi na it ininggem wolma-o. Nde, o nggweyak yu lak tak purak mende oboksa amawi-ge it inndi-nen ”Iri mende-t kwat mag-o” luk peragola-ge, kwar-et ma-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.

NAM PARA WENE 9:1

Iri luk, aid nap imbirik (yang kelima) iri-nen oboba ene pu yosola, an yik kaginggal-e, mbal pem-nen nggweyak ma wonaru misik mbuwasola, kagi-o. Nde, wonaru iri wok tosolar-e, wat yugwi mbun tu imig iri wok tij-o.