MATIUS 16:18 - Nanduk Ngget Tul Pidnak Wene

¹⁸ Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

MATIUS 16:18 ပူးပေါင်းရင်းမြစ်များ

NDAK WIRIDNAK WENE 22:17

an-nen-e kar-e imbiringgat kwarat kebem mberak posolar-e, kat-nen wigarag-e wonaru nggal, yi mbini nggal ligik lujwa-o. Nde, kat-nen wigarak-nen wim nggogolar-e, wim nab-e urugwe nggwe rak unpuwa-o.

2 SEMUEL 18:4

Yogoloma, Ndaut-nen yosolar-e: ”Iri ala, ob-o. Kit-nen yugup nag-o” luk yak indij-o. Ndaut iri na-ge o siri pak tumende eralu mendak worasola, ap kere misik arem-e seribu (1.000) nggal, nde, kere misik arem-e seratus (100) nggal obo nesa keya buruk mabunuruk mbiriga-o.

AYUP 38:17

Wat luk ndok wiril mbugwi sa ndamuk mom ndirik iri na me tumende bem kerep pak tumende iri na-ge ap-nen-e mirik kibiga, lak?

NDAWI ENGGA 107:18

It-nen nunggwi mende yik kudtag-e insili yogolat, it wat momtag-e poro yij-o.

NDAWI ENGGA 127:5

Ap enmare iri nggal worak nab-e alen kasolat wolma-o! At uwim nap inmin enpem wene mbarugwi sa nggosolar-e, ar-e mondok urugwe nggwe rag-e ubuwa bug-o.

NDAWI ENGGA 69:12

Ap ndok worak sa-nen pesel nobogolat enne manggim kwarak nibili-o. Inndi nden kaso yi nunggwi nab-e an nobok nak ndawi bem tak puruk yili-o.

NGGOMO WENE 24:7

Ap wid-nen-e inndi nggat nggat elem iri-ge yebet kudtag-e meya me, ap-nen nggok wene ereba na yogola-ge, at-nen erep wanurag-e meya-o.

YESAYA 28:16

Iri kwatli iri bem-e Nagawan Indo Mondok Kek tak iri na-nen yosolar-e: ”Abok an-nen-e o mabin tugup lak wat kudtak puk iri-ge Sion iri me-t pimin-o. Kerep mondok amawi worak onggo nggok irit ebem wene mbara posolar-e: ’Ta-nen nde mondok indi an nebem wat tak puruk wolma-ge urugwe nggwe rak puwa bug-o’ luk yaga mbarak kerep irit pimin-o.

YESAYA 28:6

Nde, Nagawan Indo-nen-e ap enpem wene mbenarugwi nap ereba na-ge mot mor-et ap enpem wene mbenarugwi elem wok ondosolat, wim o silmu ngguma-o luk o siri yik karok woragwi ereba na kwiye kagwi buk elem wok ondosolat kwaruwa-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

YUNUS 2:6

Nde, ndobo mabin erabun ud na me-t yubuksa mbigi-o. Mbiginggal-e, mondok mbururak puk tu mid wosa lerak sa nde mbigi-o. An nindi-ge namawi lak pabik paboksa woralar-e, nindi-ge kat yebet keyaruk, kat keram-et wene mbo bil luwagi-o. Iri yosola, an-nen tepan yigi-ge kat kuwi marak iri na me-t worasoma, kuligen-o. Iri yosola karuk, Nagawan Indo Nembal Pem Nagawan wa-e! Yi koma arem-nen kat-nen nibil laigen-o.

MATIUS 10:2

Nde, at owosirak ap duabelas iri na unnu-ge yur-o: Nandug-e Simon, nde, at unu misig-e Peterus min, at owot Andereas min, Sebendeus ambara Yakobus min at owot Yoanes min,

MATIUS 11:23

Nde, Kaperenaum yu-ge wa-e! Kit kunnu-ge nggigisa aid arem wok ma perali-a? Lag-o. Kit perak nde kan mare arem peleksa kinpil ngguwa-o. Kit kendam-nen kwaridnak kwiye worak mende iri-ge Sorom nap endam-nen kwarigi nggal-e Sorom iri-ge yawo na woraleb-er-o.

MATIUS 18:17

Alat nde, at-nen nde it iri na enne na kuligit lak ala-ge, wene iri-ge lambuk tak inpidnak nap inmbiri bem-net yurag-o. Yukmu nde, at-nen-e lambuk tak inpidnak nap na enne na kuligit lag-et ala-ge, at iri na-ge Mbal Pem Nagawan aru buk nap nggal, pemerinta enmanggim tol ndok woroso nap nggal irit yik kagolat wolmomtag-o.

MATIUS 4:18

Nde, Yesus na Nggalilea koma eyak nggwe waring kasoma-ge, ap mbi owot min eneyagaij-o. Nde, iri na-ge Simon unu misig-e Peterus nde, at owot Andereas nde, it enmbereg-e keyane wanugwi nap me, yi koma arem keyane wanugwi sum ya mberak kwarukmu, eneyagaij-o.

MATIUS 7:24

”Iri ala-ge, an-nen yidnak wene kuluruk, kulidnak iri ndak ndak kwaruwa nab-e, ap indi nggat nggat worak-nen at uwi worosolar-e, kerep pem wirid nap iri na nggal-nen yili-o.

YOANES 1:42

Iri lug-e, Andereas-nen Simon na Yesus eram ibil lobok yosola-ge, Yesus-nen Simon na yak tosolar-e: ”Kar-e Yona ambara Simon-nen yusu-o. Nde, kat kunu-ge Kepas-o” luk yarij-o. (Nde, Kepas min Peterus min iri-ge Yunani wene bem-e Kerep Ndobo-o yogolar-o.)

YIDNAK YIDNAK WENE 2:47

Mbal Pem Nagawan erembel wanogolat kwarogola-ge, ap pidsa-nen it inndingen tak inpiga-o. Iri ala-ge, pelin na pelin na Nagawan Indo-nen-e inmiri yidnak nab-e it inmin nambenak onposolat woragaij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 8:1

Ereya tarem-e Yerusalem-nen lambuk tak inpidnak nap lel mberel unpugwi tel korogolar-e, it pidsa na ndi rak onpogolar-e, Yurea wi min Samaria wi min ndi rak inpiga-o. Nde, wirik inpidnak nap nak perak nde iri me woraiga-o.

1 KORINTUS 15:55

”Wat yugwi elem wa-e. Kat-nen ombol nggwe yoso mende-ge ngge me-o? Wat yugwi elem wa-e. Kat-nen keyak yilik onposo mende-ge ngge me-o?”

NGGALATIA 2:9

Iri ala-ge, it-nen-e Mbal Pem Nagawan-nen we wok ondoso mende an wok niridnak na karug-e, ap sarok Yakobus min Peterus min Yoanes min-nen-e an min Mbaranabas min nininggi tena buruk, wa yak kerak mbogolar-e, nit ninndi misiget yogolar-e, yu nggal yige-o: Nit nenmbereg-e enlem nin nap endam mborogolat, nde, ir-e Yawuri nap endam mborogolat mul-o luk yige-o.

EPESUS 3:10

Kura woragaid iri-ge, yawo-nen-e lambuk tak inpidnak nap-nen-e Mbal Pem Nagawan indi nggat nggat elem nin tak nan tak iri-ge aid arem pemerinta min aid arem tena woragwi min mirik unpuwakluk yij-o.

EPESUS 5:32

Kura wene yu-ge nggulog-et nde, wene iri na-ge Kerisut min lambuk tak inpidnak nap min enpem yidnak-nen yusu-o luk an-e perasu-o.

KOLOSE 1:18

Nde, at ebe-ge lambuk tak inpidnak nap-nen yusu-o. Nde, enanggul-e at-net yusu-o. At ebe iri na elem-e at-net yusu-o. Nde, yi mende ndi mende bem at arig-et nak mondok kek tak wolmaklug-e, wat yidnak nap ennggendumu-nen tel korosolat uruk tak pid nab-e at-net yusu-o.

1 TIMOTIUS 3:15

Alat nde, an ndag-et lobok yigit lak nde ala-ge, Mbal Pem Nagawan ama woragwi nap nggal, uruk nak woraso Mbal Pem Nagawan-nen idnak lambuk tak inpidnak nap nir-e ngge nggal woragwi-o luk karu yonokluk-nen mbarusu-o. Nde, lambuk tak inpidnak nab-e ndemeret wene paro min eyogo woraso min-nen yusu-o.

1 TIMOTIUS 3:5

Nde, at-nen-e at ama woragwi nap na kwara yik eneyarok woraso buk ala-ge, nggesa-nen Mbal Pem Nagawan-nen idnak lambuk tak inpidnak nab-e yik eneyarok wolma-o?

IBERANI 12:28

Iri bem-e, nit nunuwi nggweyak iri-ge mondok tugup lak wolmomtak wi wok nindidnak me, Mbal Pem Nagawan wa yak togolat wolmog-o. Nde, Mbal Pem Nagawan-nen ”Iri nggal kwat nubuwag-o” luk yidnak pem at erembel wanogolar-e, ninndi kwiye min-et at kek tak pogolat wolmog-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 21:14

Nde, o siri iri na kerep leger-e mabin-e kerep duabelas pem-nen wiridnag-o. Nde, kerep mabin pidnak ereba na bem-e Lomba Wam Marik-nen iddnak wirik inpidnak nap duabelas ereya na unnu mbarag-o.